每個殿既正門都有張龍椅 , 但要迫好奈先睇到一眼 , 我迫迫下都唔願迫 , 係北京 , 太禮讓生存唔到 ... 如果一直行會經過午門 , 太和殿 , 中和殿 , 保和殿 , 乾清宮 , 交泰殿 , 坤寧宮 , 再到御花園 . 這條路以前行過 , 但今次就唔趕 , 慢慢行 , 慢慢睇 . 以前讀中史 , 記極都記唔入腦既野 , 依加卻記得咁清楚 , 讀萬卷書不如行萬里路的確係真架 !
過左御花園向西行 , 黎到儲秀宮 , 依個地方出名 , 只因慈禧太后住過 , 裡面真係好古色古香 , 一睇就知全部物品都係極品 . 養心殿由雍正開始係皇帝住既地方 , 步步惊心一劇提到皇四子登機後移居養心殿 , 皆因佢既至愛住係個度 . 就係因為電視劇令我對 九龍奪嫡 既歷史產生興趣 , 所以超想重遊故宮 .
行完西六宮 , 再行返東六宮 . 景仁宮應該最出名 , 係因康熙及乾隆既母親都係住係度 . 依加東六宮已成為展館 , 都幾多野睇 , 再加上室外太凍 , 我成日都會走入室內暖下先出返黎 . Hea 下 Hea 下就到左關館時間 . 去過好多城堡參選 , 故宮係最大最多野睇 , 亦最有氣勢 . 天子住既地方 , 四圍都有吉祥物 , 五爪金龍 . 每道門都好高好大 , 好有庭院深深既感覺 , 再加上睇左咁多套劇先去參觀 , 更加有 Feel .
一直都知自己住係王府井附近 , 但無諗過過條馬路就到 . 我影印中既王府井大街原來並唔係王府井 , 而係東華門食街 , 個度好似台灣夜市咁 , 好多車仔檔 , 亦係搵遊客笨既地方 . 我係個度買左一盒狗不理 , 明明一盒有五隻 , 返到酒店卻得四隻 , 買串冰糖葫蘆 , 當中有 3 粒係爛既 ... 我個樣真係生得咁似水魚 ??
沒有留言:
張貼留言