網頁

2014年10月27日 星期一

2014 * 韓國之旅 ( Day 4-5 弘大橋村炸雞 , 機場退稅 )

20-21.10.2014

我地間 Hostel 係弘大 , 既然想去既地方都去過了 , 我們就決定回機場前先到弘大行下 .行街前先食個晚餐 , 今次食烤肉 .

五花腩 :


豬頸肉 :


食烤肉食到成身油味 . 的確好油膩 , 所以要同配菜一起食先會覺得正 !

之後去左買好出名的橋村炸雞入機場當宵夜 . 因為沿路太吸引了 , 所以花了點時間先買到炸雞 . 超香 ! 不過入到機場就凍曬 , 下次要即炸即食先得 .


小地勤班飛機係 0400 先係韓國起飛 , 十一點我地就已經到機場 , 搵完郵筒又要搵退稅 . 雖然小地勤六年前有去過韓國 , 但當時根本唔知道有退稅一事 . 今次就等我都試下 , 退到就最好啦 , 退唔到都無法 .

因為太夜 ,櫃位已經無職員 , 要係旁邊部機自己 do退稅單作記錄 , 亦要 do 自己本 Passport . 部退稅機就係入關旁邊 . 有中文的 , 跟住做就可以了 .


同事教小地勤要帶住行李比 Custom 睇 , 但因太早 , 根本未 Check-in 到 , 無登機證就入唔到去 Custom , 小地勤樣衰衰咁問守門口的保安可唔可以幫我一下 , 就比曬退稅單佢 , 佢又真係好好人咁幫我攞比 Custom蓋印 .

差唔多一點先開始 Check-in , 之後再入閘 , 果然見到 Custom , 但小地勤已經蓋好印 , 所以無再行埋去就直接過 IMM , 再到禁區搵退稅櫃位 .


因為太夜又係無人 , 唯有跟佢做法 , 填 Passport ,Visa Card 一堆資料 , 再放入信箱 . 依刻小地勤先知有兩間退稅 , 一間橙色 , 一間藍色 , 人地店員之前幫我分好曬 , 但我又厭咁多個信封好麻煩 , 賴醒咁全部放一起 ... 現在出事了 . 都唔知退唔退到稅 . 不過算啦 , 就當買個教訓 , 下次小地勤就識退稅了 .




2014 * 韓國之旅 ( Day 4 - 南大門市場 , 梨大壁畫村 )

20.10.2014

買郵票時 , 見到南大門市場跟郵局幾近 , 所以決定去打個轉 . 來到車大門市場 , 的確好多野買 , 但就唔太適合我地 .當中有一層係買小朋友衫 ,小地勤同水晶就衝左過去睇 , 但真係太貴啦 , 買唔落手 .


買唔到野 , 唯有四圍行下睇下 , 結果變左掃街 ...


香蕉奶試左 , 覺得麻麻 . 因此 , 又試下士多啤梨奶 , 其實都係一般般啦 . 其實今個行程 , 一心諗全買傳聞又大粒又平又好食既士多啤梨返香港 , 但一粒都搵唔到 , 小地勤仲以為韓國同香港一樣 , 一年買季都買到士多啤梨 , 原來係小地勤想多了 .


之後 , 我地又坐地鐵到惠化站係二號出口出 . 行左幾多路先上到山頂 . 山頂風光真係好靚 ! 我地由山頂行返落去 . 四圍搵 , 終於搵到想睇既壁畫 .

樓梯畫一 :


樓梯畫二 :


天使一 :


天使二 :


好大朵莆公英 , 我吹 ~




2014 * 韓國之旅 ( Day 4 - 南山韓屋村 )

20.10.2014

最後一日係韓國 , 竟然下毛毛雨 , 天氣即刻凍左好多 .見等極都未停曬雨 , 大家都唔理 , 決定照出去參觀韓屋村 . 韓屋村就係南山塔下面 , 坐地鐵到忠武路四號出口出, 很容易找到 .



係依到有好多紅葉 , 比南山塔仲有秋色 . 配埋古屋 , 好古色古香 , 真係幾靚 , 如果唔落雨就仲好 !




韓屋村係免費開放 , 去參觀下也無妨 . 其實以前跟團 , 小地勤也有來過 , 只係走馬看花容易忘記 . 到今日再黎 , 去到某些區域 , 先想起以前曾來過 .


韓屋村四圍都有簡介 , 依到以前似係上流社會既人居住過 , 大户人家的擺設就係咁 .


眼見好多旅行團會來這裡走一轉 , 無聊起上黎 , 我地都會跟住班團員行 , 偷聽下領隊既簡介 . 咁又過左一個早上 .

午餐係明洞食 Isaac 三文治 , 同事推介 , 話超好味 ! 的確沒介紹錯 . 其實 Isaac 四圍都有見到 . 小地勤見梨大個間仲有位坐 , 假如係梨大行累了 , 可以考慮下食佢 . 即叫即做 , 好好味 !



其實去明洞就係為左買郵票 , 之前提過買了 Postcard , 但忘了買埋郵票 , 真係好蠢 . 依張就係我寄比自己既明信片 . 終於收到了 ~





2014 * 韓國之旅 ( Day 3 - 梨大 )

19.10.2014

傍晚到梨大 Shopping . 小地勤係梨大 Etude House 買左少少野 , 原來依間 Etude House 比現金的話 , 可以即時退稅 . 聽聞佢個套暗瘡系列 , 好 work , 妹妹提小地勤一定要買返去 . 退稅後約 HKD 75 . 香港現售 HKD 120 .

小妹仲係到搵到一間叫 Seatree 的專門店 , 香港未見過有依間專門店 . 當中的 Mask 超平超抵 ! 因此小妹就忍唔住買左二百幾塊 . 不但有稅退 , 仲好多贈品, 送左成 3 大支 BB Cream 及一盒 Mask 呀 !


另外想介紹既就係依間店 , 係 Seatree 斜對面 . 有好多品牌 , 仲要超平 . 小地勤平日用開平平 Mask , 依到比我搵到 3000 won 10 塊 , 即 2.2 一塊 . 可惜當時小地勤已經買左二百幾塊 , 所以帶唔到幾多走 ...

下次黎韓國 , 我會直接黎黎大買 , 又平又有些店即時退稅 . 超方便 .


晚上亦在梨大吃晚餐 , 亦係隨便一間 . 這間店有 wifi 以及老闆很熱情 ! 不錯 !


第一次食部隊火鍋 , 比多左 4000 韓 won 加料 , 超好味 !


未滾之前 , 食住好好味既前菜 , 蘿白及芽菜 , 正 !


終於滾了 , 辛辣麵 , 好奈無食過了 . 原來咁好味 ! 大家都食到好飽 , 今日買得好開心 ! 食得好滿足 !



2014 * 韓國之旅 ( Day 3 - 仁寺洞韓服體驗 )

19.10.2014

玩完 4D 館 , 又到午餐時段 , 係依條大街隨便找了一間韓國餐廳吃飯 . 一個套餐約 50 幾蚊 , 抵食 .


餐廳外觀 , 有點似傳統屋 .


好好味既前菜 , 小地勤見好多香港人係到食飯 , 唔知係唔係做香港人生意 , 前菜唔算辣 .


今次行程 , 其中一樣想食既係石頭飯 . 黎到韓國成日係街到見到辣章魚 , 每次都好想食 . 所以小地勤 Order 了一個章魚石頭飯 , 辣醬自己加 , 所以我接受到 , 食曬 ! 又係 , 超好味 !


小地勤係韓國約了舊同事下午茶 , 因舊同事要遲少少黎 , 所以有時間到仁寺洞觀光諮詢中心試穿韓服 . 每位 3000 韓 won , 約 HKD 20 , 廿十分鐘 . 莉莉話依到既衫比較靚 , 所以話一定要黎試玩 .

依張相既小地勤 , 似唔似村姑 ?


換左另一個頭飾 , 係唔係幾似韓妹呢 ?


好多人話黎韓國要試下 Coffee Shop 既野食 , 但因為食得太飽 , 正係同舊同事飲杯野 , 傾下工作上既事 . 好羨慕佢可以唔洗做 , 專責湊女 . 能夠係韓國見返舊同事 , 真係好開心 . 希望下次可以再約過 .


Coffee Shop 一角 .


坐二樓 , 靠窗位置 .有時 , 係行程停下來 , Hea 下 , 都唔錯 . 同事有同事繼續 Shopping , 我有我體驗下韓國 Coffee Shop 有幾正 . 






2014 * 韓國之旅 ( Day 3 - 仁寺洞 4 D 館 )

19.10.2014

今日好忙 , 晨早就坐地鐵到安國站係六號出口出 , 直行至 10000 won 手袋店 , 再轉左 , 會見到咖啡店 . 行入去 , 係一條好多人既大直路 , 兩邊全是韓文字既店舖 .


其中一間韓文字 Skin Care , 都話賣 Skin Care 既店仲多過 7 仔 , 所以唔一定要去明洞買 .


連 Starbucks 都改埋用韓文字 , 樓上個大叔係我影相時 , 同我揮手 . 超攪笑 .


係依條街有兩樣好玩既野 , 一樣係 4D 館 , 另一樣係 3000 won 穿韓服 .

4D 館係左手邊 , 門面不大 , 也不算突出 . 每位 12000 韓 won , 約 HKD 90 . 唔覺佢有限時間 .


頭幾個區域 , 一團又一團的旅行團 . 明明我地影緊相 , 佢地都可以當我地無道 , 企埋黎 . 因此起初都正係得個睇字 , 唔夠佢地搶位 . 好采佢地班旅行團得半個鐘留係到 , 如果唔係小地勤就浪費左入個場費 .

女皇的教室 . 我好適合行依女皇路線, 依張相我一 Post 上 Facebook , 個個朋友都話我好有氣勢 , 哈哈 !


嘩 , 唔好食我呀 ! 我唔好味架 , 成條柴咁 , 無肉架 ~ 你食第二個人啦 ~ Help ~


原來我真係好輕 ~ 可以學人跳掌心舞 ~


其中一區明知只有兩級樓梯咁高 , 但見到個刻 , 真係覺得好高 , 我畏高架 , 合埋眼先行到過去 .


係到消磨左個半鐘 . 依到有 Wifi , 一影完相仲可以即刻 Upload , 好方便 . 咁奈無黎韓國 , 這些景點的確不能錯過 , 幾好玩 .

2014年10月26日 星期日

2014 * 韓國之旅 ( Day 2 - 明洞 , 新村 )

18.10.2014

上文都提到小地勤係南山塔坐 505 下山 , 因為架車可以到明洞 , 因此原定行程又再改 , 今日會即刻到明洞 Shopping 先 .

到左明洞 , 第一件事係試下網上推介的香蕉奶 . 聽聞比香港好飲 , 但其實小地勤係香港係無飲過既 , 因為我唔太好香蕉既副產品 .

一支要 1300 韓 won , 約 HKD 9.5 , 我個人認為試過一次就夠 , 好似甜左少少 ... 可能係我口味比較獨特 , 人地個個話好飲 , 但我就真係覺得麻麻 .


明洞人很多 , 多到根本唔想行 . 睇左好多間賣 Skin Care 既店 , 但只係比香港平 30 蚊一支左右 . 最重要係就算小地勤有買東西 , 都好少好少贈品 , 係某店買左好少野 , 佢就連贈品都無送 . 仲要唔問佢 , 都唔比張 Tax Refund 我 .

我個人認為大家買 Skin Care 唔洗去明洞 , 買得一點也不開心 . 反而建議大家去梨大買 , 下篇先再分享原因 .


買得唔太開心既情況下 , 我地決定食個 Lunch 先 , 休息下 , 再諗下轉頭去邊 . 莉莉其實去完韓國無奈  , 現在又陪我地去 . 佢話之前食過安東雞 , 超好味 !

可惜要搵佢時總係搵唔到 , 結果去左另一間都話好味既店食雞 . 就係依間鳯雛 , 講真有少少想再去韓國食多次 , 堅好味 !


我地 Order 了無骨兼勁少辣 , 其實得我一個唔辣得 . 不過唔知點解食下食下都會越黎越辣 , 但真係好好好 ... 味 , 個汁好濃好重味 , 薯仔入曬味 , 粉皮又彈牙又好味 , 無諗過咁大盆都食得曬 .


最近可樂有好多攪笑字印左係上面 , 唔知依個又點解呢 ?


食飽順路去埋首爾機鐵站的樂天 Mart 掃手信及零食 . 的確勁有一間 Skin Care 係你左近 . 攪到我成日分開店買 , 有時買唔夠 30000 韓 won 又無得退稅 .

溫馨提示下大家 , 一次過係一間店買曬好啦 , 分十幾廿間店 , 無得退稅 . 我係明洞買完 Skin Food , 又係樂天買 Skin Food , 其中一張單唔夠三萬韓 won 就無得退稅 .

自從韓國食品係香港到處有得買後 , 小地勤今次真係買唔落手 , 因為唔想為左平幾蚊就搬死自己 , 所以買左好少野 .

其實大家都買唔落手 , 所以夾單買 , 張單就一定夠三萬韓 won . 不過搵人打退稅單時就花左少少時間 . 有收據係無得退稅 , 要另外有張退稅單的 .

回弦大 Hostel 放低戰利品 , 又坐地鐵到新村 , 目的係要食網上推介的春村家辣炒雞 .

韓國特色 , 主菜前的前菜 , 好開胃 . 最鐘意唔辣 , 但酸甜的蘿白 , 比我一個人食曬 . 因為同事都唔好前菜 .


依個就係佢地既招牌菜 .


就咁食依堆東東 , 應該唔夠飽 , 所以要有配料 .


終於食得啦 . 對小地勤來說 , 太辣了 , 所以不會有下次 . 其實菜比雞多 , 小地勤喜歡菜 , 但太辣真係食唔到 . 我同莉莉都唔太接受到佢既辣 , 而水晶好辣但不好泡菜 , 所以食剩三份一 . 有點浪費 , 但沒法 .


因為辣 , 所以買左條哈密瓜雪條 , 好味 . 第二晚再買同品牌的士多啤梨味 . 比較下係哈密瓜雪條比較合我口味 .