網頁

2017年6月30日 星期五

北海道*帶廣/釧路/札幌*2017*五月 - 和商市場/拉麵橫町 ( Day 4)

07-12.05.2017

晨早開車去釧路參觀 , 沿路經過一間手信店 , 就停低休息下 . 整段路好荒蕪 , 便利店都唔多間 , 如果遇上中途站都唔休息的話 , 又唔知要開幾奈車先可以停下 .

戀問館 , 人都唔多個既地方 . 裡面都係賣手信 , 無咩特別 .



旁邊有間小食店 , 新鮮海螺串 , 超級鮮甜 , 有咬口 . 後來在札幌又遇到海螺 , 都忍唔住買左 2 盒返香港 , 真係超鮮甜肉厚兼好食 .

臨走前 , 再影多張紀念照 , 相信依個地方將來唔會再黎 , 實在太遠太荒蕪 !

開左好奈車咁 , 終於黎到釧路 .

網上資料好少 , 有見過介紹和商市場 , 所以就過來開飯 . 樓下有泊車的地方 , 印象中是免費的 .

每人可以去買大中細既飯 , 再每間店買自己想食既魚生 . 日本既市場 , 真係井井有條 , 好乾淨無腥味 . 係到買左好多買基燒元貝 , 後來發現札幌二條都有得買 , 而且價錢差唔多 . 安慰自己說依到買到的元貝是比較大粒的 , 而且好新鮮味美 , 唔係平日香港買到咁硬 , 多汁又軟身 .


我老爺每餐都要食蟹 , 佢話自從來過北海道 , 先知咩叫又平又大又多肉 . 今個月要食蟹食到厭 , 咁返香港就唔會再想買貴蟹食 .

因為我唔食生 , 所以老公燒左幾隻生蠔比我 , 老爺亦專登買蒸蟹同炸魚 , 其實佢地成家人得我一個唔食生 . 難得佢地咁就我 .


食完個飯 , 已經要開車返札幌 , 要三個多小時 . 今次札幌 , 我地係住返中島公園個邊 , 果間酒店 , 我地住過 3, 4 次 . 間酒店平靚正 , 不過唔太方便 , 所以就唔介紹比大家啦 . 

上年老爺食完拉宧橫町的並中一間燒肉拉麵後 , 一直好回味咁 . 其實 4 月我都有去果間拉麵試下 , 不過就覺得一般 . 估唔到今次再去 , 卻好食到令人估唔到 ! 可能個師傅唔同左既關係 , 上次個師傅太年輕了 .


拉麵既朋友係餃子 , 每次都會點餃子 . 我老公好食得 , 有時會加大 , 有時會加多碗飯 . 拉麵店唔怕食唔飽 .



2017年6月12日 星期一

北海道*美瑛/富良野/帶廣*2017*五月 - 幸福車站/帶廣神社/帶廣市 ( Day 3)

07-12.05.2017

黎過北海道都有 7-8 次 , 最近幾次都已經唔再落函館 , 多數留係札幌市買下食下 . 今次學人去一帶一路 ( 帶廣及釧路 ) , 旅遊書既資料很少 , 網上亦無咩人介紹 , 不過唔打緊 , 未去過就去見識一下吧 !

Tripadvisor 介紹左幸福車站及帶廣神社 . 我地先來到幸福車站參觀.

五月頭 , 風很大 , 亦很涼 , 溫差又大 , 大家還是穿厚一點衣服吧 ! 難得見到一小片小花 , 影呀影呀 ~


這是一個沒遊客的景點 , 附近亦沒商店 , 沒有台灣的火車小鎮咁熱鬧 . 其實我都好多年沒到台灣旅遊了 , 可能都係時候去掃下夜市 , 行下書店 .



有火車做背景 , 當然係時候拍返幾張紀念照 . 最近我又肥左唔少 , 不過同事都話我越來越有福相 , 其實肥都唔係壞事 .


架火車內部可以隋便參觀 , 不過裡面好焗好熱, 仲幾大塵 .

幸福鐘 , 總係想去敲一下 . 無人會厭幸福多吧 ~


影完相就四圍行下 , 真係好荒蕪咁 , 人都唔多個 ...



我地都有寫底願望 , 貼好後 , 就回帶廣市 . 附近仲有一個叫愛國車站 , 不過估計差唔多 , 所以我地就無去 . 如果大家有興趣 , 可以去埋參觀 .


回到帶廣市 , 先到帶廣神社拜拜及買御守 .

帶廣神社都係無遊客 , 今次選擇既地區比較少遊客 , 點影相都得 .

帶廣神社其實唔大 , 行完一圈影相都只係花左半小時 .


我地買左塊許願牌回家做紀念品 .


帶廣市 JR 站 , 到此一遊 .

附近有台屋 , 不過就可能好早關門 !?


人地話帶廣名物係豚丼 , 既然講到咁出名 , 相信都好難會有一間係難食 , 所以我地隨便去左一間 , 真係超好味 . 食完依碗飯 , 我地決定下次一定要再黎帶廣行下 .


酒店附近算係幾旺 .

我地食完豬肉飯就返酒店浸溫泉 , 浸完又行返出去食宵夜 . 其實好抵食 , 大堆頭壽司飯先 1200 Yen , 海鮮 Set 先 1000 Yen .


食完仲送 2 條香蕉 , 香蕉平日賣 100 Yen 一條架 , 感覺賺左 . 返酒店再浸多轉溫泉先訓覺 , 今次行程好輕鬆 .


2017年6月9日 星期五

北海道*美瑛/富良野/帶廣*2017*五月 - 青池及富良野芦別道立自然公園 ( Day 3)

07-12.05.2017

今日天氣很好 , 明知富田農場還沒開放 , 仍決定跑一轉 , 買下手信都好 . 開車來到美瑛時 , 老公建議先到青池一轉 , 相信去完依一轉後 , 將來都唔一定會再來美瑛 .

沿路風景好靚 , 又雪山又小屋又大片田園 , 令我想起歐洲的郊區 . 我睇我無返三 , 五 , 七年都無法再灼歐洲了 , 哈哈 ...


GPS 其實唔太准確 , 所以用左 Google 幫忙一下才來到青池 . 在泊車區見到很多大巴 , 都是日本 Tour . 這個景點看來是日本人心中必到的地方 .

有一條好清晰既路 , 門口開始有工程 , 可能日本政府都想美化一下依個景點 . 相信將來可以好方便快捷地來到依個地方 .



行左幾分鐘就已經見到青池 , 果然遊客很多 . 不過地方夠大 , 仍可以拍到沒路人甲既相 . 我只是用手機隋便拍 , 風景夠美 , 點影都係靚 .








咁美既景點 , 當然點都要拍返幾張記念照 , 影呀影呀 ~ 每當太陽出來 , 湖面就會突然變綠 .



其實依到應該有條山路可以行去富良野 , 當然自駕遊既我地無可能棄車 , 哈哈 ...



在青池逗留約 1 小時後 , 來到富田農場 . 薰衣草要到 6 月尾才開花 . 普通花田也要 6 月頭才有花看 .

5 月頭的富田農場很冷清 . 小店沒有開 , 遊客只有幾個 , 幸好手信店仍開著 , 買了一些浴鹽及香皂就離開了 .



向帶廣方向駛去時 , 遇上一條櫻花大道 , 所以又下車散步 . 不停被美景吸引 , 都唔知要開幾奈車先去到酒店 .







雪山配櫻花 , 絕色美景 !! 我同我老公 , 今次專登著情侶裝出遊 , 希望下年可以著親子裝比大家睇下 , 哈哈 ~


停車場旁邊原來有一大片櫻花樹 , 真係估佢唔到咁靚 . 天氣非常好 , 大太陽 , 藍天白雲 , 雪山櫻花 . 依個地方叫富良野芦別道立自然公園 .大家有機會的話可以 5 月來睇櫻花 .