網頁

2016年2月27日 星期六

羅馬水道* Segovia 一日遊*西班牙2016 (Day 5- Madrid 近郊小鎮)

21.01.2016

網上話坐巴士比坐火車方便 , 所以我地都係坐巴士黎到依個小鎮 . 巴士埋站前 , 已經見到水道 , 很興奮 ! 到步第一件事係影返張地圖 .

我地根據當地地圖既推介路線咁行左一圈 , 其實半日已經參觀完整個鎮 . 第一眼見到依個教堂 , 唔知係無開家根本唔開放呢 .


Segovia係世界文化遺產小鎮 . 隨處都見到古舊既建築 .



古鎮都有好多快餐店 , 應該唔怕無野食 . 每去一個新地方 , 一家要搵它餐廳 , 否則就要搵超市買定乾糧 . 我喜歡依間 Coffee Shop , 因為佢令我想起之前既德國之旅 , 充滿回憶 .

地標水道好易搵到 .



先去左睇 Souvenir , 因為當地一到兩點就人影都唔多個 , 無四點都唔再開門 , 正 ! 不過靚既羅馬水道明信片早就一張都無 , 賣光了 .

行左上去 , 可以睇得更高更遠 . 只可惜天氣不夠好 .
 
 

想欣賞整個古城 , 真係建議行上古牆 . 紅磚屋頂 , 的確係小鎮既另一標誌 .


睇完地標羅馬水道 , 就向大教堂進發.

Segovia 的乳豬好出名 , 不過網上既評價係又貴又唔好食 , 唔知真定假 .

行左一陣就見到大教堂 , 入場費係 3 歐元 . 

遇上早上的市場 .

 大市場中間有一個涼亭 , 明信片上有見到佢既蹤影 .


繼續向山上進發 .


山上既風景好開揚 .


同想像中既城堡好似 , 門前條橋可以收起 , 下面係萬丈深淵 .

故事中既城堡就係藍色既圓尖頂 . 影左張相就返轉頭食午餐 .

午飯時間一到 , 所有人都消失了 .

行返去水道到影相 , 真係人都唔多個 , 好冷清 .

為左消磨時間 , 我地都去食左個午餐 . 係旅遊區食飯 , 16 歐一位都算合理 .

依間餐廳就係係大教堂旁的廣場 .

16 歐折算返做港幣先 130 蚊一個 Lunch Set . 好抵 ! 香港邊有可能做到依個價 . 我選了一個魚同豬既餐 .

前菜 , 好多選擇 , 亂點 . 一個係海鮮湯 , 一個係沙律意粉 .

餐前飲有酒 , 有礦泉水 . 紅酒同礦泉水都係成支上的 .

我的主菜是魚 , 唔好魚的我都食曬 . 超好味 ! 配菜都好好味 .

仲有好多甜品比你選擇 , 不過唔知點解我既布丁咁奇怪 , 好似蛋醬咁, 口感奇怪 , 不過味道尚可 . 餐後還附送咖啡 , 真係好抵食 .

食個半鐘既飯 , 終於等到開店 . 可以買張明信片同郵票 . 寄完信就返馬德里 .
返到去先七點多 , 再去 SOL 站行商場買火腿 . 

麗池玻璃屋*馬德里一日遊*西班牙2016 (Day 4- Madrid Part 2)

20.01.2016

食飽就去返博物館區行公園 . 係 Google 到搜尋圖片時 , 見到一間好靚既玻璃屋 , 所以就來散散步 .

公園入口有好多賣書既小店 . 午飯時間全沒開 , 西班牙人由兩點食到四點都唔出奇 . 係到打工真好 !

依座咁靚既玻璃屋係位於 Parque del Retiro 麗池公園內 . 係依個公園 , 我地見到鸚鵡以及火雞 .


由於我地早左一個地鐵站出黎 , 所以行左大半個公園先去到園內既景點 .

不過唔緊要 , 我地時間多的是 . 好奈無試過行公園 , 仲要個公園係咁大.



行左大半個鐘先黎到玻璃屋 .

正門係咁既樣 .

裡而就係咁既樣 .


門前有個噴水池 .

網上話依到係睇紅葉既好地方 .

各住水池方向行 , 風景如畫 .

發現另一間免費博物館 . 但裡面既畫有點抽象 , 望左眼就出返黎 .

隨便一個路口 , 都咁宏偉 .

 又係係 Information Counter 得知皇宮好似四點打後免費 , 但我地去到時已經關門了 , 哈哈 .


係外圍行下就算 . 裡面都係唔比影相的 .



花圍有人係到表演整大波波 .

行左一陣就離開 .

馬德里既大市集係一間好靚既玻璃屋.

裡面賣的全是食物 , 好多人都點水果紅酒 , 企係到吹水 .



我地都買左一件西班牙傳統小食試下 . 依件 Tapas 上面的是魚子醬 , 差唔多 5 歐元, 好貴 .

好快就行完一圈 , 還是覺得巴塞的市場比較多野睇多野買 . 之後再一次四圍行 , 黎到一個廣場 , 係明信片到見過 .

咁就留左係馬德里一日半 . 無所事事到為明日既古鎮探路 , 之後就返酒店搵食 . 終於試左水果紅酒 , 不過對唔飲酒既我黎講 , 試一啖就夠 .