網頁

2014年11月28日 星期五

峇里島*回來了

28.11.2014

小地勤昨天晚上十一點到機場 , 攪到晚上兩點先回家 . 

明天 , 小地勤又再飛了 , 目的地係日本*沖繩 .

因為今日太忙 , 完全沒時間寫遊記 , 所以先放幾張相比大家睇下 . 其實今次行程都只係留係酒店 , 都唔知可以寫咩野出黎 , 哈哈 !

先睇相吧 ! 十一月尾仲成三十幾度的峇里島 ~ 每天都是大太陽 !

海灘一


海灘二


海灘三


花花一


花花二


煙花


酒店一角


第一餐大餐 , 當時的小地勤仲係白白淨 ... 其實我好怕曬 ...


露天餐廳 ... 放假沒化妝 , 沒眉毛的我 , 其實我發現無人幫我影相 T.T



三十幾度的峇里島

25.11.2014


係 Bali 的第三日 , 開始冇所事事 , 太熱 , 根本唔想離開酒店 。游水 , 我唔識 。 曬太陽 , 我又怕曬黑 。 夏天的地方果然唔太適合我 , 哈哈 。。。 酒店的 wifi 其實超慢 , 所有小地勤都好少上網 。不過 , 太悶了 , 所以由佢慢慢 load , 估唔到可以上 seewide 睇下人地既日記 , 叫有野做下 , 冇咁悶 。 仲有兩日先返香港 , 到時再 upload 返 d 靚相比大家睇下 .

 

2014年11月20日 星期四

All Day Breakfast

20.11.2014

前幾日的例假 , 深閨的我出左去荃灣整返個篋 . 順便出去食 Lunch , 小地勤平日放假多數都係留係屋企 Hea , 根本唔願意出街 . 難得要出去 , 當然要對自己好少少 , 上 Open Rice 搵下附近有咩好食 . 見到食間 Cafe 好似評價唔錯 , 就去左一試 .

餐廳好細間 , 人亦唔多 , 亦難怪 , 本來個頭就人流比較少 . 佈置以英國風為主吧 ! 有很多英國街頭既畫 , 令小地勤很懷念 London 以及英治既時候 .


成日見同事係 Facebook 分享 All Day Breakfast  既相 , 所以小地勤都叫左個 88 蚊既 All Day Breakfast 黎試下 . 其實味道跟貴賓室食到的差唔多 , 但賣相就比貴賓室的靚 .


很喜歡飲 Hot Coffee , 可能人越大 , 吃的苦就越多 , 所以再苦的 Coffee , 小地勤都已經唔再覺得苦 , 反而很喜歡它的香味及濃濃的感覺 .


差點忘了依碗白湯 , 講真酸酸地 , 好怪 ! 唯一值得提的是用料很足 .


連埋加一 , 都食左一百蚊 . 總覺得現在一百蚊轉眼就會花掉了 , 通脹真係太厲害 .

2014年11月19日 星期三

最常得到的沖繩手信

20.11.2014

今天放假 , 很悠閒 , 執下堆積如山既護膚品及今年收到既手信 .

發現小地勤既同事最常去的果然是沖繩 , 有同事今年去了十次 ... 小地勤咁奈黎都只係去左五次 , 喜歡那霸地方細細 , 方便買野 . 大阪 , 小地勤都好鐘意 , 但格價就比較麻煩 , 因為地方太大了 . 反觀沖繩 , 來回機程先 3 小時 , 不但近香港 , 藥店又得個幾間 , 格價起上黎比較方便 .

過多幾日 , 小地勤會去第六次沖繩 , 可惜突然收到航班取消的消息 , 迫住去得三日 , 逗留得日半 , 好傷心呀 ! 今次 , 小地勤同妹妹會首次拖個大篋去 , 目的係要幫家中女皇買尿片 , 衫仔同玩具 . 因為無打算再行國際通 ,  所以今次住到老遠 . 不過都近單軌電車 , 扣返 Agoda 送的二百蚊 , 兩晚住宿才七百令 , 唔錯 !

講返剛發現既沖繩手信 .

成個國際通都有賣既星砂 , 幾蚊一個 , 當然外觀越靚越精緻就相對貴少少 . 有好多顏色選擇 , 買得越多就越平 , 就算無平比你都會送少少野比你 . 最適合送比唔太熟 , 但1又會問你攞手信既人 ! 轉眼間 ... 我都收到兩個 ...





日本係盛產 Hello Kitty 既地方 , 而第邊總有幾個 Hello Kitty 迷 . 沖繩限定版 , 有石敢當做型 , 有紫薯派做型 , 苦瓜做型都有 , 全是代表沖繩既及物 . 沒記錯的話 , 是沖繩同事送的 , 每回來香港都會到貴賓室放低手信 , 超熱情 !



第一次收到的沖繩手信是海豚書籤 , 超靚 , 超鐘意 , 不過 , 當時對 10 的情況下 , 依張書籤成 50 蚊 , 都幾貴 !



之後就係男友去沖繩時送我的手信 , 今次係鯨魦 , 藍色真係襯到絕 !



再之後就係依一堆 ... 的確好靚 , 收到會好開心 , 但又的確好貴 ! 今日既 Yen 去到 6.5 啦 , 現在買起來都不用 30 蚊 , 可以考慮下 .



現在去沖繩 , 同事都不會再買手信會來 , 因為大家都食到怕怕 ... 哈哈 ! 公司 cut 了我們去其他日本 Port 既福利 , 剩返沖繩 , 相信以後小地勤既日記版都只會不停地寫沖繩 , 仲要只限於那霸 , 對我來說 , 去沖繩係買日用品同護膚品既好地方 , 假如大家係沖繩發現有咩好值得買或去既地方 , 記住推介比小地勤 .

2014年11月18日 星期二

好傷心的消息

19.11.2014

早有聽聞黎緊唔可以用 FOC ( 免費機票 ) 坐姐妹航空 . 姐妹航空的航點一向都好正 , 又有首爾 , 又有大阪同東京 . 一心打算明年要再去韓國買 Mask 以及要再去大阪玩 .

就係今日仲同同事討論緊依件小道消息既時候 , 就收到 Staff Travel 既 E-mail , 話由明年四月起 , 有機會唔接受 FOC , 有無攪錯 ? 剛剛先賣左我地去另一間新公司 , 依加又話唔可以出 FOC 坐姐妹公司 , 簡直令人心淡 !

好傷心呀 ! 以後去日本買野 , 只可以去沖繩 , 無其他選擇 ...
點解要咁樣對我地班小地勤 , 就算公司送我一年 5 套 FOC , 可來回飛 10 次都無用啦 . 正係去得沖繩 , 台北同曼谷 . 其餘比較有興趣但唔會買到野既地方就係北京同上海 . 唉 ... 唔通公司覺得我會對桂林 , 南寧定福州有興趣 ... 好傷心 !

我要慢慢消化依個令我傷心既消息 , 唔知下年 4 月前有無兩三日假呢 ? 如果有就好啦 , 點都要飛多次韓國買定 Mask !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

2014年11月17日 星期一

2015 年歐遊 - 準備篇

18.11.2014

已經 Request 左下年的兩星期大假 , 之前都有提過 , 地勤依行的大假都係一星期一星期咁放 . 連埋前後 4 日例假 , 總共有 11 日大假 , 悠長假期 , 又係時候去歐洲了 !

今次小地勤唔再係自己一個人去 , 而係同水晶一起去 . 我總共寫左好幾個行程比水晶選擇 . 而水晶就因為一張相片 , 而決定要去澳地利的 Hallstatt , 依個小鎮被譽為全歐洲最美的湖邊小鎮 , 係好多明信片裡出現過 .

相片來源自 google 的圖片 :

為左增加成功上機的機會 , 小地勤決定由香港坐花花航空的機去曼谷 , 一日有 5 班 . 再由曼谷坐機去多哈 , 一日有 4 班 . 最後就出定兩套機票 , 一張係去 Berlin , 而另一張就係去 Munich . 到時那班機大機會就坐那班機去德國 .

很喜歡用 Agoda 訂酒店 , 很遲先要比錢 , 而且要取消或更改亦很簡單方便 , 最適合因 standby 唔到而要改行程的小地勤 . 今次訂了 3 晚柏林的酒店 , 2 晚薩爾斯堡的酒店以及 1 晚慕尼克酒店 . 訂好酒店後 , 總覺得成個人踏實很多 , 很期待一月的到來 !

行程預定 : 

1. 柏林市內一日遊 - 柏林大教堂 , 柏林圍牆及查利檢查站 .

2. 柏林郊區 potsdam 一日遊

3. 坐全日火車南下到薩爾斯堡

4. 薩爾斯堡附近的 Hallstatt 一日遊

5. 薩爾斯堡一日遊或慕尼克一日遊 , 其實小地勤最想重遊 Fussen .

6. 看航班情況 , 再決定留多一日定馬上離開 .

一月係歐洲淡季 , 希望小地勤今次成功上機 , 回來再跟大家分享 !

2014年11月14日 星期五

觀點與角度 ( 上 ) ... 續集

14.11.2014

真係無諗過人為求自保 , 竟然可以咁做 , 亦無諗過少爺仔投訴空姐的結果係貴賓室既我竟然會受到牽連 .

如果未睇少爺仔件事 , 可以先去睇返 . 其實成件事根本就唔關小地勤事 , 少爺仔要投訴的是負責佢個 Zone 既空姐 , 小地勤的角色係盡量令佢由不滿變做無事  . 小地勤亦做慣依種角色 , 講真 , 小地勤自問處理得唔錯 , 個客人走既時候已經笑曬口咁話希望黎緊 18 號可以再遇到我 . 況者 , 小地勤對依件事係覺得個空姐無辜 , 無啦啦比人投訴 , 以及對少爺仔既觀點不太讚同 , 是問又點會推返個波比空姐個邊 ?

可是 , 昨晚卻收到空姐呀頭既 E-Mail , 內容係空姐呀頭知道左客人既不滿 , 所以親自打電話同客人 Say Sorry . 空姐呀頭係 E-Mail 到講 , 客人好明白事理 , 根本不打算投訴 , 係貴賓室的小地勤小題大作 , 要客人投訴 . 

空姐呀頭將客人既不滿放到最細 , 無啦啦話小地勤教客人投訴空姐放到最大 , 仲要 " 粗體 " 埋兼 CC 比我地公司既 Director . 強調一點 , 小地勤一開始封 E-Mail 係無 CC 比 Director 及投訴部的 . 可想而知小地勤無啦啦食左死貓 .

封信仲有一點指責小地勤 , 講到空姐跟地勤係同一間公司 , 唔明小地勤點解要教客人投訴空姐 . 講到自己好受委屈 . 一定要 Director 幫佢作主咁 .

As we are all under the same team , there is a need for us to help each other in service recovery and not to tarnish the image of our company or our fellow colleague.

見到依番說話 , 就想嘔 !

小地勤即時向呀姐同呀頭匯報 , 其實呀頭放緊大假 . 佢一聽完小地勤既解釋 , 立即反串返空姐呀頭 . 表明小地勤個角色只係中間人 , 根據公司指引 , 接到投訴 , 小地勤係應該直接 Send 比投訴部而唔係正係 Send 比空姐呀頭 . 如果小地勤係小題大作就唔係 Send 咁少野 , 最型個句係 , 呀頭寫明 , 時發當晚同事已向佢匯報 , 係少爺仔既空中少爺朋友 XX 教佢點先投訴得入 . 如你所講我地係一 Team 人點會自己人打自己人 .少爺仔個朋友名係 XX , No special but just of your information

講真呀頭雖然有時情緒化 , 但佢好憎人地蝦我地 . 而我地同事平日 Service 真係太好 , 太多公司人讚我地 , 而高層 , 我地更比足面 , 一向呀頭去開會都有比大老闆讚 , 讚佢帶領有方 , 成 Team 人都咁好 . 

今次依件事 , 好多謝呀頭咁信任同 Support 我 , 亦好多謝成 Team 同事平日做得咁好 , 咁有口碑 , 因此所有人都信貴賓室既小地勤係清白 , 唔會叫個客去投訴咁無謂 .

依件事亦令我看清楚人心既險惡 , 以及下次處理別人投訴時 , 一定要引導客人寫張表揚信黎保障自己 . 如果大家有機會黎花花航空既貴賓室 , 記住幫忙寫張表揚信過我 , 最好係 Send 電郵比花花航空表揚小地勤一下 , 多謝幫忙 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html







2014年11月13日 星期四

觀點與角度 ( 下 )

13.11.2014

last flight 完左後 , 小地勤就係坐係到做看更 . 睇住師傅出出入入咁整依樣整個樣 . 睇完最新一集老表 , 你好 hea . 再睇多三集十二道鋒味 , 終於捱到五點幾 , 有同事返黎頂我走 .

不幸地 , 晨早流流 , 門都未開 , 五點幾就有客落黎嘈 . 簡單黎講 , 個客無恥 . 櫃位同事叫佢去打包行李 , 但佢無去到 , 覺得自己係商務客人就可以大條道理叫貴賓室同事攪掂佢 .

五點幾 , 我地開六點 , 門開左一半 , 佢照衝入黎 , 已經有問題 . 仲要話我地唔幫佢 . 當時小地勤已經收工 , 穿便服 . 同事剛上班 , 等小地勤換完衫先到佢 . 一個收左工 , 一個未返工 , 仲要係穿便服 , 都要被人鬧 .

內容係話我地唔肯幫佢打包 .事實係我地根本無紙箱提供 , 大老我地依到係貴賓室 , 邊到搵個中型紙箱比你 . 我地搵左幾個大紙袋 , 佢又話唔 ok . 比個 A4 紙箱佢又話太細 . 所以我地就被佢鬧話 service 唔好 , 依樣個樣 . 鬧到六點鐘個同事都返埋 , 都被佢捉住左 .

客人覺得自己永遠係受害者 , 我地係衰人唔比紙箱佢打包 .

小地勤就覺得自己做太多 , 都收左工 , 理得佢死 . 穿制服就話走唔到 , 穿便服都捉住我地 , 佢痴痴地 . 最後又係話投訴囉 .

勁想問個客投訴我地咩野 ? 投訴無紙箱比個紙袋佢 ? 定投訴我收左工仲理佢 ? 定投訴同事未夠鐘返工 , 又搵唔到紙箱比佢 ?又可能係投訴我地未夠六點就放左佢入去 , 攪到佢無早餐食 ?

唔明點解客人唔比人收工 ? 佢買左我公司機票 , 唔係買起左我掛 . 見到人地無穿制服 , 行左出門口都仲捉住人地 , 佢真係以為自己係我老闆 ? 或者佢老闆要佢24小時開工 , 佢就迫我地都要咁做 , 奇怪 !

慶幸香港曾經被英國統治 , 所以都學到西方國家既少少人權 . 如果我係中國大陸上班 , 可能早就捱死左 ...

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

觀點與角度 ( 上 )

13.11.2014

之前有提過 , 今個月要返十晚夜 , 積極咁去諗仲有十日 , 小地勤就放大假 , 可以到熱帶小島差足電 . 再安慰自己一下 , 個天送左機場停電比我 , 多左兩日唔洗咁夜收工 , 不單如此 , 因為有師傅要黎維修 , 所以小地勤其中一晚返夜改左做通宵 .

返通宵雖然無野做 , 但年紀大 , 捱夜對我好傷 . 今早塊臉起左好多暗粒 , 好采返屋企訓左成日假期再加 Mask 急救先好返好多 ... 可惜小地勤既例假就咁就無左 !

貴賓室唔係廿四小時開放 . 就係 last flight 出現左位金卡少爺仔 . 少爺仔投訴來香港依程飛機 , 佢坐第一排 , 個空姐不單無派餐比佢 , 連飲品都唔比一杯 . 少爺仔覺得自己係尊貴金卡 , 又係國航二副機長 , 點會遇到咁既待遇 .

小地勤同佢傾左成個半鐘 , 相信少爺仔為左啖氣 , 堅持三個幾鐘唔為自己無餐食出過一句聲 , 堅持金卡應該享有不同待遇 . 空姐應該要自己發現少爺仔無食過餐 , 而唔係要少爺仔自己開口講 .相信個空姐都無諗到笑笑口無投訴既客人 , 係落地後先黎貴賓室投訴 .

小地勤既角度係投訴某程度上係可以改善服務 , 但少爺仔係要用唔再坐花花航空黎迫我地呀公炒左個同事 . 少爺仔 balabala ... 咁發表左佢對中港既觀點與角度 , 又問小地勤有無看不起大陸同胞 . 少爺仔除左投訴之外 , 其實都幾好傾 , 不過佢個語氣本身就麻麻, 有少少自大 , 所以應該係得罪人多稱呼人少個種 . 不過 , 唔打緊 , 有錢 , 的確係大曬 .

小地勤對少爺仔無話好反感 , 因為我不停洗自已腦 , 明白佢又唔係鬧我 , 由佢 , 自己唔洗太多意見 . 臨走 , 少爺仔仲專登過黎同小地勤講 , 好開心今晚遇到我 , 令佢轉機得好快樂 . 小地勤知道佢係真心覺得我好 , 不過 , 我都希望佢唔好為左少少事就覺得人地睇佢唔起 .

正如我成日覺得 , 花花航空大陸人多 , 為迎合佢地 , 我地第一句都係 " ni hao " , 我覺得咁服務客人應該好開心至係 , 人地專登為佢地講國語 . 結果係 , 香港人聽到 , 會反感咁話我地做咩唔講廣東話 , 做咩當佢大陸人 . 大陸人又會無啦啦同我地講 , 我識廣東話 , 叫小地勤可以同佢講英文 ... 但小地勤講英文 , 佢地又好似聽唔明咁 , 最後咪又係要我講返國語 .

其實無人會因為你講咩語言而睇唔起你 . 大陸同胞有時真係諗多左 . 我慶幸自己遇到八成都係好好人既大陸同胞 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

 

2014年11月10日 星期一

選擇離開

11.11.2014

終於收到豬同事既辭職信 , 大家都有甩難既感覺 .

其實豬同事真係太唔爭氣 , 明明呀姐都開口了 , 話比兩個月時間佢 , 但點解佢唔堅持埋呢 ? 個個同事每日都語重深長咁叫佢改 , 結果佢卻唔行正途 , 正係諗住去討好掃把 .

市下既公主王子既終極表現 . 自己做得唔好 , 唔會怪自己 , 只會怪人地做得太好 , 突顯自己表現差 . 又或者怪人地唔教佢 , 永遠都唔會自我反省 .

豬同事選擇唔玩 , 離開 , 都係好事 . 話曬依大半年 , 大家為左佢 , 要重新接受方便豬同事既 Handling . 一大班人就一個人 , 到最後 , 依個人卻寧願唔做都唔肯用心去改善自己既工作表現 . 小地勤都無話可說 .

在此 , 只想同大家講一句 . 其實每個小朋友都係自己父母心中既小公主小王子 , 包括小地勤也是爸媽的至愛 , 從小就不用做家務 , 係自家屋企 , 碗都無洗過一隻 , 咁又點 ? 黎到貴賓室 , 小地勤仲係一個 Leader , 咪一樣要比客鬧 , 一樣要洗碗 .

回想當年 , 小地勤剛出來工作 . 唔明點解同事會蝦自己 . 現在回想起來 , 可能自己個樣真係太好蝦 , 又可能真係新人咩都唔識 , 幫唔到手 . 當時 , 記得高層話比三個月時間小地勤去改 , 否則就炒人 .

當時既小地勤每日返屋企都對住媽咪喊 . 媽咪都有叫小地勤唔好做 , 屋企唔洗我養 . 但小地勤決定點都要捱三個月 , 如果真係被人炒 , 小地勤都叫盡左力 . 那三個月 , 我成日叫 Senior 唔好做 , 等我自己做曬 , 一做錯 , 就返屋企諗下自己衰咩 . 做機前 , 又會自己洗自己腦 , 依加做上海機 , 要留意咩 , 3 letter code 係咩 , 記住入 Apis ...

那三個月 , 的確幫左小地勤好多 . 起碼做得多 , 真的識得多 . 因為我又成日叫 Senior 唔好做野 , 所以人地就好鐘意拍我 . 再加上我成日都笑笑口 , 做屎機要同客講 Delay , 我都自己衝出去 , 好自然掃把覺得我好乖 . 三個月就令人改觀 , 開始當師傅仔既生涯 . 此後 , 就成為人人口中既師傅 .

其實被人蝦 , 仲留低係需要好大勇氣同決心 . 小地勤好開心當年無聽媽媽講唔做 , 否則我仲係一個小公主 , 永遠長不大 , 永遠個世界都只係香港 , 而唔會咁勇咁拖住個篋四圍去 .

堅持 , 唔係人人可以做到 . 但請記住 , 依個世界係好現實 , 出黎社會做事 , 唔輪到你去做公主王子 . 當年 , 小地勤都係品學兼優 , 老師既寵兒 , 屋企雖然係大家姐 , 但自細父母就特別錫我 , 咁我可唔可以同貴賓室同事講 , 我唔做野 , 因為我係公主 ?

公主王子們 , 面對現實啦 ! 父母唔幫得你幾多年 , 佢地仲要等你養架 . 早 d 清醒 , 早 d 長大 , 得益果個係自己 .

以上只係我個人既感想 , 唔啱聽可以唔洗理我 , 就當比我呻下 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html 



2014年11月5日 星期三

出錯機票

05.11.2014

話咁快就到十一月 , 仲有兩個星期就到小地勤放大假 . 依行興一星期一星期咁放大假 , 即係一放就要放五日 , 公司會連埋兩個 off 比你 , 等你可以放足一星期 . 每次大假 , 小地勤都好興攞埋前後兩個 off , 一放就可以放個十一日 , 爽 !

之前提過 , 因為一篇德國之旅 , 令我得到 Bali 四晚免費酒店 , 同廣州同事聯絡完後 , 又要同酒店職員聯絡 , 攪左一大輪先確認到真係會送我四晚酒店 . 其實之前我總覺得公司邊有咁好死 , 仲以為佢會呃我話 Bali 酒店 , 實質就係廣州 bali 假日風情酒店 , 好采係白擔心左一場 .

酒店確認後 , 當然又要出機票 , 平日 , 小地勤都係出發前一星期左右先出機票 . 但自從上次見到公司出錯張機票比水晶 , 攪到佢係 check-in 櫃位擔憂左一輪後 . 今次小地勤就早兩個幾星期出 , 點知真係出事 ...

小地勤明明出張 Bali 機票 , 因為我已經用曬今年既免費飛 , 所以要比成 890 蚊一位 , 其實一折機票黎講 , 都幾貴 ! 今日上公司個網 , 見到已經有機票係我個 record 裡面 , 打開一睇 , 竟然係一張 538 蚊既中華航空飛台北既機票 ... 睇黎最近真係走左好多同事 , 各部門既同事 workload 好重 , 如果唔係點會最近成日聽到出錯飛呢 ?

好采仲有成兩個星期先出發 , 可以大把時間改返張機票 , 如果出發前先發現 , 我應該會想喊 ! 

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html





2014年11月4日 星期二

情緒失控的一刻

03.11.2014

案發經過 , 某航空公司唔見左同錢有關既文件 , 懷疑係 Check-in 櫃位比乘客順手牽羊 . 而佢地亦鎖定左某位金卡會員 , 懷疑係依位乘客做既好事 . 要找金卡會員 , 當然會找貴賓室既我地幫手 , 基本上 , 我地認得曬在場既乘客 .

電話係由豬同事接聽 , 其實之前都有提過好多次豬同事既事 . 小地勤做左咁多年 , 真係未見過一個咁樣既同事 , 每次拍佢返工 , 我都有壓力 , 應該係話見到佢 , 我就唔想返工 . 基於小地勤係 Leader , 所以再惡教既同事 , 我都有責任去教好 , 更何況之前鬼叫我心軟幫佢講好話 , 攪到佢繼續留低 , 拖累其他同事及經常爆鑊 , 害大家比人鬧 .

今日豬同事接左依個電話 , 佢完全唔知人地講咩 , 但可以傾左個電話好奈 . 小地勤直覺知道發生大件事 , 循例問佢攪咩 , 結果佢答我唔到 , 仲要如豬同事個 Report 所寫一樣 report to leader , then 閃人 ... 咩料 . 小地勤咁就食左佢既 " 屎 " . 其實應該佢先係我 Leader , 次次都 Order 我做野 , 自己就當無事發生過咁 , 連假扮幫忙都唔會 .

小地勤被佢攪一攪 , 忙到飛起 , 又要再打電話問清楚發生咩事 , 又要問假如咁咁 , 你地公司想我地點協助 , balabala ... 一大堆 . 又要打 report , 又要引道個客交返文件出黎 , 小地勤總不能直接問個客 " 你偷野呀 !? " 大佬 , 小地勤係英語有限公司 , 講左好奈先證實到個客係無辜 .

正當小地勤忙到七彩 , 真係火都黎 . 點解豬同事坐可以咁得閒坐係我旁邊望住我表現 ? 點解佢可以唔洗幫手 ? 睇唔過眼佢咁得閒 , 我出聲叫佢寫返 Log Book 同 Whatsapp 大家 .

半小時後 , 真正順手牽羊既人出現左 , 小地勤又再一次用有限既英語引導佢交出文件 , 估唔到咁都比我成功左 . 找回文件後 , 通知返航空公司 , 問洗唔洗報警 , 該公司決定攞返就算 , 講真小地勤都唔想攪大件事 . 正當我處理完依件事 , 打埋個 Report , 諗住 Whatsapp 返大家件事已經完結 .

卻發現 ... 豬同事根本無係 Whatsapp 留下半句說話 . 小地勤第一次 , 真係做左咁多年地勤 , 第一次當住面咁鬧一個同事 . 事後 , 其他同事都話 , 從來無見過我當面咁鬧一個同事 , 仲要係咁惡 .

印象中 ,我問豬同事點解大半個鐘都仲未通知大家 , 佢答我 " 仲打緊 " . 我話 " 我比左大半個鐘頭你 , 你問下你自己 , 你做過 d 咩 , 連接個電話都做唔好 " 佢答我 " 唔好意思 , 我 ... " 我已經 stop 佢 , 我唔想再聽你一次又一次既解釋 , 亦唔想再聽到 " 唔好意思 " , 唔該你返去諗清楚你今日做過 d 咩野 .

之後 , 小地勤就黑曬面 , 無再同佢講野 . 講真 , 日對夜對 , 我最怕就係撕爛塊面 , 一向我都可以對住客人好假 , 再麻煩既客人 , 我亦自問攪得掂 . 今次 , 我堅嬲 , 次次都係咁 , 唔好見我鐘意幫同事就試我低線 .

小地勤 , 都有情緒 , 係可以好惡架 ! 之前網友講得啱 , 唔怕神一樣既對手 , 只怕豬一樣既隊友 . 小地勤已經同左掃把講 , 再要我帶住佢 , 我會選擇做埋過年就走 , 我真係頂佢唔順 .


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

一起衝上雲霄

30.10.2014
今天 Head 姐黎左貴賓室 . 平日既佢原來打扮得都幾型 , 人亦好 Nice , 唔該前唔該後 . 其實好想同佢影相 , 但見到佢咁趕入黎 , 唔好意思打攪佢 , 所以我地一班小地勤都無出聲 .

估唔到 Head 姐上機前 , 主動同我地影相 , 超開心 ! Head 姐 , 我地都好想同你一齊衝上雲霄 , 小地勤都好想去北京 , 好掛住個故宮同頤和園 . 下年 , 小地勤一定要再去北京 hea 下 !


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html