網頁

2016年12月27日 星期二

沖繩 Okinwa。2016。十二月 ( 自駕遊+景點Pass ) Day 4

15.12.2016

小地勤第一次唔係住那霸市 , 所以今日回港就要預留時間返機場 . 10 點就到左大型 AEON 作最後衝刺 !

用左半個鐘買左件厚身褸 , 裙褲以及連身裙 . 仲可以退稅 , 500 蚊唔洗 , 抵到爛 ! 上個月係沖繩買左一對 Made in Japan 既鞋 , 個個都話靚 , 仲要勁舒服 , 所以今次都買多一對 . 沖繩真係好多超市同商場 , 幾好買野既地方 .

臨走都要食返碗拉麵 , 日本食拉麵最方便 , 唔洗等 , 一食完就即走了 .


每次自駕遊都會買得特別多 , 放係車上就買下買下唔多覺 . 除左買左一堆糧食回家外 , 仲因為夾公仔達人又一時失控 ... 用 1000 Yen 帶左 3 隻卡比獸返屋企 !

4 日 3 夜 , 話咁快就完結 ! 2017 年先再黎過 !!

沖繩 Okinwa。2016。十二月 ( 自駕遊+景點Pass ) Day 3

14.12.2016

天氣報告話依排都係陰晴不定 , 間中下大雨 , 而沖繩景點都近海邊 , 如果大雨就會好麻煩 , 所以今次小地勤個行程係睇天氣做人 , 不停改呀改 .

第一站係塔頂 , 對上個次黎 , 應該係 2014 年 . 今次超級大風 , 人都企唔穩 , 因此逗留左影一張相的時間就即閃 .

第二站係 Pass 已包的琉球村 , 其實同王國村差唔多 , 地方也不算細 , 慢行都要預 1 小時 .



有手作坊 , 有得學三線琴 , 可以穿琉球服 , 可以入內參觀古宅 , 有表演 ... 個人認為 , 如果無買 Pass 的 , 只去王國村就可以了 . 王國村加玉泉洞約 1300 Yen , Pass 就 1900 Yen , 所以跑景點就買 Pass 吧 , 5 日有效期 , 好抵玩 .





感覺似韓屋村 , 可以入內參觀的古宅 .






沖繩跟北海道的另一不同係 , 依到係賣泡盛 , 而唔係賣威士忌 .

節日用的大麻繩 , 要搵間屋黎收藏 .

這是真正的樹屋, 唔似其他會加左好多其他物料去建 , 真正就地取材而建的樹屋應該係咁樣 .


萬座毛 , 小地勤都已經黎過好多次 , 但細細妹未黎過 , 所以順路來影一下相 . 今日真係好大風 , 吹到人都企唔穩 , 飛散的頭髮一直入鏡 , 難得兩張無頭髮入鏡的相 .


水果園也是 Pass 已包的景點 , 小地勤亦係第一次黎 , 因為每次都選擇左菠蘿園 . 原來水果園係一個幾有趣的地方 .


依個景點係以拯救精靈國為主題 , 黎到依到 , 就好入左左精靈國咁 . 每一個關卡都要答問題 , 答對就有一個印記 . 係到有好多勁似比人係花園 High-Tea 既地方 . 亦有好多倒掛既喇叭花 , 感覺似比小精靈吸花蜜咁 .






依到好多門都係唔太明顯 , 有時要拉動旁邊既響玲先可以開到門 , 有時又要穿過小山洞 , 都幾有趣 . 人大了 , 童真早就磨滅曬 , 簡中去一下主題公園 , 都可以讓人回味一下 .




我第邊個位肥仔勇者帶住我同細妹一關一關咁過 , 穿過巨石陣 , 搵到勇者之劍 , 再用香蕉蘋果士多啤梨打敗惡人 , 成功拯救精靈國 .



旁邊就係菠蘿園 , Pass 亦已包 . 其實菠蘿園無咩野睇 , 入場後大部份地區係試食同賣手信 .


參觀左咁多個景點後 , 傍晚就留係美國村食晚飯 . 今次試左全食燒肉 , 3000 Yen 包任包食 , 當然今次的牛肉唔似上次宮崎咁係和牛 . 沖繩依幾日都係 25 度 , 一點聖誕氣氛都無 . 難得美國村咁有聖誕氣氛 , 祝大家聖誕快樂 .







沖繩 Okinwa。2016。十二月 ( 自駕遊+景點Pass ) Day 2

13.12.2016

由中部開車落南部約一個多小時 , 先到泊港漁市場食魚生 .有妹妹同行 , 就有人陪老公食生魚片 , 我就只有燒鰻魚及咖啡奶 . 個人覺得這裡的咖啡奶很好飲 , 沒北海道的那麼甜 .


今日天空看似晴朗 , 但簡中就會下雨 . 有陽光又下雨 , 感覺很難受 . 幸好來到王國村時 , 突然一點雨也沒有 .

Pass 已包王國村及玉泉洞 , 只是沒包蛇館 , 其實我的目的是帶妹妹看鐘乳石 , 所以 Pass 已夠用 . 在表演開始前 , 有一小時時間的參觀 .

王國村有好多手作體驗 , 要另外付費的 . 之前 , 我試過古服體驗 , 500 Yen 一位 , 可用自己電話影 3 張相 , 另外買一張相 1000 Yen .


琉球古式建築 , 有古宅 , 有博物館 , 有神社 , 有賣竹蜻蜓 , 有賣沖繩三線琴 , 當然都有手信買 , 如果第一次黎 , 應該可以逗留大半日 . 推介食千幾 Yen 的 Lunch Buffet , 一個字 " 抵 "


今天玉泉洞人不多 , 點影都得 . 因此淡季出遊真係很好 , 人少價錢平 . 玉泉洞都幾大 , 起碼要行大半個小時 , 的確好值得到此一遊 .








傳統舞表達 10:30 , 12:30 , 14:30 , 16:00 , 遊完一圈 , 剛好趕上 12:30 . 其實寫明唔准影相 , 但個個都影都有職員出聲 , 所以小地勤今次先夠膽影返幾張 .


參觀完王國村 , 下一站係到對面買咖啡 . 其實之前都有介紹過洞穴咖啡 .



心血來潮去埋機場附近的 Outlet , 之前黎過一次 , 但落大雨都無認真參觀 , 今次再來 , 認認真真地行左一轉 , 卻不見收獲 . 對比北海道的 Outlet , 沖繩賣得比較貴及無款式 , 沒有令人唔買會後悔既感覺 .

傍晚回到國際通吃牛扒 , 因為太懷念任食 Salad bar , 但原來任依優惠只張 Lunch Time , 晚上的牛扒餐貴一點 , 亦要額外加 400 Yen 才可以任食 . 下次我會選擇中午先來吃 ! 小地勤這一年體重增加了 20 磅 ... ... 工作穩定 , 就開始心廣體胖 !








記得幾年前來沖繩 , 晚上六點左右 , 國際通的店就開始準備收工 , 最近已經開到晚上 10 點 , 沖繩人因為我地依班香港人而要 OT 了 , 唔知佢地會唔會唔鐘意我地呢 ?