網頁

2015年12月22日 星期二

買同食。沖繩。2015。十二月

30.11.2015-03.12.2015

沖繩天氣跟香港接近 , 而且又近香港 . 最重要係佢係一個日本地方 , 有好多好野買 !

Rimowa 既行李篋 , 好似都平過香港 . 咁當然歐洲應該係最平 !

龍貓既產品真係又靚又四圍都見到 , 如果我識煮飯 , 我都想買個靚飯盒 , 帶飯返工食 !

係日本超市真係可以輕易買到一車野 !

我地買米 , 又買罐頭 , 好似香港鬧饑荒咁 .


超市有護膚品 , 又有小朋友物品 , 可以行幾個鐘都樂而忘返 .

賣化妝品的石敢當 !!!

最鐘意係商場既雪糕機買野食 , 再休息下 .

有時仲會買到唔記得食正餐 , 不過超市門外 , 一定有餐廳 , 唔會餓死你 . 第一次見成盒蘿蔔咁上 , 比我地食曬 !


亦第一次係沖繩食鰻魚飯 . 就係那霸市內 DFS 個站個邊既玩具反斗城上面.


跟小朋友同行先有機會食兒童餐 !

黎沖繩一定要試 Blue Seal 雪糕 . 點解 ? 因為出名囉 ! 萬一係行程中沒時間試 , 放心 , 閘口旁邊就有一間 , 起飛前都仲有機會買到一試 !


每次黎沖繩都會黎國際通買手信 . 大路野一定係到買 , 記住格下價 .

每次都無機會試食的花笠 , 唔緊要 , 相信總有機會食到 .

我老公好鐘意買細細支酒黎送朋友 !

我就好鐘意買一盒盒野食送人 , 每次都係依一間買 . 原因當然係最平 !

係北海道就一定要買薯條三兄弟 , 係沖繩就要買黑糖味的薯粒三姐妹 . 買薯粒三姐妹既原因係小地勤老公想要依個 Calbee 環保袋 .

沖繩近海 , 最出名既係波上宮既交通御守 , 今次見到新款式 . 以前有係到買過書包型的御守 , 超可愛 .

每次黎沖繩 , 我地都會夜飯食拉麵做宵夜 . 最喜歡依間神德 .


一直以黎都好好食 , 但今次再食 ... 師傅年轉左人 , 個麵細左 , 又加左價 , 仲要 ... 正睇隻蛋就知唔再 OK .

轉場到網友林公子推介既通堂拉麵 . 林公子果然無介紹左 . 不過依間店就真係好多人 , 長期要排隊 .




每天早上都會到泊港魚市場食早餐 ... 超多生魚片 , 的確平 ! 可惜我唔食 !



今次沖繩既日記終於清曬了 ! 又要準備 2016 年既歐洲之旅 , 諗起都開心 !

萬座毛與水族館。沖繩。2015。十二月

30.11.2015-03.12.2015

前往水族館的路上會經過萬座毛 . 可以落車休息兼拍照 . 萬座毛好細 , 停留 1 個鐘咩都夠


下一站水族館 ! 依個水族館 , 小地勤黎過幾次 , 老實講入過一 , 兩次就唔會再有衝動想再花錢入去參觀 . 今次我地兩公婆只到免費園區行下 .

 係到遇見依棵好攪笑既植物 , 佢突然爆開了 ... 你地睇下我地兩個幾無聊 !



依個水族館依住海邊起 , 海景超靚 ! 海水好清 !




如果唔入去睇鯨鯊 , 基本上係無咩地方要收費 . 每次黎到都會影相既地方 . 其實自己黎過咁多次 , 每次都係同一個地方影相 , 真係好白痴咁 .

門口既小海豚位置 . 扮一家三口 !

得依張相係證明到小地勤的確係唔同年份黎過 ...

當妹妹一家人去睇鯨鯊時 , 我地兩公婆去左睇海龜 ...


無所事事咁逗留左係到大半個鐘 , 望住海龜游來游去 ... 人生應該係要咁 Hea !




之後去睇小海龜 ...


見仲有咁多時間 , 去埋一直無時間去既海灘 Hea 下 ! 雖然今日天氣唔太好 , 但都睇得出沖繩既大海係幾咁清 , 幾咁靚 . 佢既沙係白色既 , 當中仲會見到好多珊瑚碎片.





無所事事地 , 又行左去綜合館 . 影下相 , 買下飲品 , 上個厠所 . 


依兩個鐘既時間就係咁過左 , 終於等到妹妹一家出返黎 , 我地再一起去看海豚表演 . 係到逗留左 5 個鐘真係咩都夠曬 ... 之後當然又係去掃 BB 仔既野 .