我剛到機場工作時 , 就只有 T1 一個大樓 , 看著對面起 T2 , 不久又看到禁區對面起左個北衛星大樓 , 現在又起多個 Midfield 大樓 , 依個大樓裡面有 20 個登機閘口 , 由 Check-in 櫃位去到 Midfield , 要車轉車 ... ... 未計排隊過關時間 , 正去閘口都起碼要花半個鐘 , 講緊識路既情況下 ! 否則你預一個鐘行去閘口就差唔多 .
臨近年尾 , 因為一件事令我唔開心 , 但我卻在扮 " 沒事 " , 依種感覺令我好討厭依份工作 . 安慰我的人都無話可說 , 只用朋友角度說一句 " 你都係 Resign 啦 " . 坦白講 , 一直以黎我都好執著 , 同堅持自己既信念 , 但現在我想放棄了 . 跟我理念不一的人會話我負面 , 但旁人覺得我只係 " 現實 , 向錢看 " . 我唔追求升職 , 我只想安穩有份工 . 由以前到現在 , 我都一直安於本份 , 我亦從沒為自己爭取過什麼 , 因為我一直都選擇 " 相信 " .
今日去依個 Midfield 大樓 , 好開心 , 好好玩 , 我班同事都好白痴 , 好攪笑 , 係佢地令我一直繼續留守岡位 , 如果無左佢地 , 相信我早就遞左信了 . 作為一個客人 , 要車轉車先去到依個大樓登機 . 機場既地勤仲慘 , 由出門口到閘口 , 花既時間 = 去一轉台北 . 相信無客人會喜歡依個大樓 , 小地勤亦明白 , 我唔會係依個大樓出現 . 因為我決定佢一開 , 我就唔做架啦 .
今時今日做 Service 係搵唔到錢 , 反而出賣勞力搵得仲多 , 亦唔洗受氣 ! 2016 年 , 我應該會轉行 , Resign Letter 我都 Save 左係電腦 . 萬一唔好采 , 搵唔到工 , 唯有等老公養 ... 佢係我最強後盾 !
沒有留言:
張貼留言