網頁

2015年12月9日 星期三

四日三夜 (BB愛Shopping)。沖繩。2015。十二月

30.11.2015-03.12.2015

已經沒有印象係第幾次的沖繩之旅 . 而今次主要係跟妹妹一家去旅行 , 做呀四 . 妹妹希望趁 BB 仲有一折機票的時候 , 出去玩一轉 . 沒錯 , 兩歲以內的 BB 仔 , 不佔坐位 , 全是一折 . 而 BB 機票是沒有飛機餐 , 但有 10 KG 寄艙行李 , 仲可以帶住水入禁區 .

要去的景點 , 早就去過了 , 所以今次都只係重點咁去玩 , 想幫 BB 影多點到此一遊照 . 第一次出遊的 BB , 當然要跟飛機來一張合照 .

沖繩最出名的就係那個鯨鯊水族館 . 

同 BB 仔去旅行 , 最好自駕遊 , 亦最好帶架 BB 車去 , 方便 BB 隨時可以訓覺 . 訂車時記住要話比人地知有 BB 同行 , OTS 會提供 BB 座位 , 不用另外帶 .

另一個必影相既地方 , 當然係萬座毛 , 

係個度 , 我地四個大人會一個會跑的 BB 玩謝左 . 睇少一眼都隋時會有意外發生 . 旁邊就係大海 , 木欄又點圍得住依個百厭星 . 

沖繩另一名物 , 苦瓜 BB .

黎日本當然要去神社走一轉 . 沖繩最出名的神社就係那霸市內的波上宮 . 做媽媽真不容易 , 不會再有手袋 , 只有大大個的奶粉袋 , 成百寶袋咁 , 雨傘係必帶物品之一 , 大人可以淋雨 , 小寶寶當然不能夠 .

買野係女人既天性 , 見到心頭好時 , 正識單字既 BB 也會叫係買 . 係美國村路過夾公仔機 , BB 愛 " 包包 " . 佢既一聲令下 , 姨丈要做野 .

氣氛好緊張 , 因為佢指明要 " 細菌小子 " . 最後用左成 1000 Yen ( 100  Yen 1 次 , 500 Yen 6 次 ) 先夾到返黎 , 為佢屋企再增添多三位成員 ! 好忙既 BB , 兩隻手攞唔曬 ... ...

之後又睇中左張 " 包包 " 被 .

估唔到真係被姨丈夾到 , 太神奇了 . 換來了 BB 的一個口水吻 .

日本買麵包超人產品 , 比香港平 , 而且種類多 . 隨便一個商場都會見到 " 包包 " 蹤影 .



BB 好開心咁不停 " 包包 ... 包包 ... " , 結果遠在香港的呀姨送包包廚房 , 而近在眼前的小地勤 E 媽就送上一張飯枱 ... ... 

比佢早一日返香港的小地勤 , 幫佢地一家人帶走左 10 KG 行李 ... 真係辛水辛汗 .

佢爸爸媽媽就買左一大堆衣服鞋襪及單車仔比佢 , 佢真係萬千寵愛在一身 .

不過見到佢咁開心 , 要我出錢又出力都無計啦 .

日本 BB 唔知係唔係比細粒 , 又話依架車車可以玩到 5 歲 , 但 BB 都未夠 2 歲好似已經唔太啱玩 .

係日本既大型商場 , 都設有兒童國 .

方便媽媽去 Shopping . 30 分鐘 300 Yen , 60 分鐘 500 Yen . 一個大人陪同 . 將 BB 放係依到 , Shopping 得好安心 .

被波波池困住的 BB ... 估唔到一個勁痴媽媽既 BB , 係到玩到唔記得左個媽媽 !



沒有留言:

張貼留言