網頁

2018年12月15日 星期六

三周年紀念遊。2018。岡山。五日自駕行程 (Day 3-吉備津彥神社)


21。10。2018

當小地勤在網上搜尋岡山資料時,睇到有間神社既長廊好靚,所以就來了。結果係去錯地方。哈哈。


原來小地勤想去的神社叫吉備津神社而唔係吉備津彥神社。不過今天這裡很熱鬧。




這個神社日本知名故事「桃太郎」有關,所以有很多桃的產物買。



原來今日係慶祝天王在位30年,怪不我四圍都有慶祝活動。




搵極都唔見條長廊,後來睇地圖先知自己去錯地方。


三周年紀念遊。2018。岡山。五日自駕行程 (Day 3-岡山城)

21。10。2018

岡山被稱為。晴天之國。因為日照時間比較長,降雨量也比較少。花花航空以前每天也有一班前往岡山的航班。可惜小地勤錯過了那個時期,現在想去,也不容易了。因為不是每天也有飛機,不敢搏。


一直很想來岡山行下,因為無黎過。只係估唔到原來可以千里迢迢咁開車過來。小地勤有個願望,假如有機會,想試下日本環島自駕遊。今次在道站有遇到很多跟我們一樣要訓車的旅人。他們很專業,帶齊物品的。


尋日路過丸龜城時,城下也是菊花展。今早來到岡山城,也是菊花展。


岡山有很多景點,當中小地勤感興趣的不多。岡山城是老公提議來行下的。


這個城不大,但烏黑黑的,好搶眼。一向小地勤都很少花錢入場,通常在門外拍下照就算。始終興趣不大。


原來入場費只需 300 Yen ,仲平過泊車,所以就進場參觀一下。



在城上看後樂園,遠觀就夠了。



三周年紀念遊。2018。岡山周邊。五日自駕行程 (Day 3-早市)


21.10.2018

自駕遊的確很好玩,開車開到邊就住到邊,食到邊。老公很喜歡晨早去逛街市。所以我們就去了岡山與姬路中間的區域行下。


價錢還是北海道比較抵買。



小地勤沒有買旅遊書的習慣,所以很少會去旅遊書介紹的餐廳。通常都係在路上隨便買些東西來吃,日本的便當又平又美味。再到便利店買飲品及甜品,已經覺得好滿足。


我無咩意慾花大錢係享受,只要吃得飽,唔難食。我就滿意了。每回和牛,我都是在超市或街市買回 Apartment 自己煮。每次出外,小地勤都有帶一個好似餐盒咁大既電煲仔。空姐朋友推介的外遊必備物品。適合經常外遊既朋友。


很可愛的小朋友,遇上慶典活動。他們不同組別,不同顏色。小地勤都忍唔住係日本買左套慶典衫比 BB。媽媽錢的確好易賺,自己再慳,也願花費在孩子身上。天下間的父母都是這麼愛自己的孩子吧!




只要離開遊客區,就會發現很多平價食物。


這裡可以花錢買炭火,BBQ。老公跟朋友上次已經玩過了,我對BBQ興趣不大,最好有人燒好比我食。


環境清幽,空氣很好。


又遇到另一個更熱鬧的早市。有賣很多小食。看見當地人都買燒魚,我們就買來試下。1000 Yen 三條,超美味!



在偏遠地方,泊車很方便,又多車位又免費。一到市區,泊車 20 分鐘竟然可以收 300 Yen。超貴的,很多時,我們為了平一點,就泊到後幾條街,再行過去。窮人的玩法。

2018年12月11日 星期二

三周年紀念遊。2018。四國。五日自駕行程 (Day 2-金刀比羅宮)

20.10.2018

離開美馬市既古街 , 我們來到很出名既金刀比羅宮 . 依到就真係好旺 , 好熱鬧 . 商店街除賣手信外 , 仲有一支支竹借比來拜神既人 . 後來我終於明白點解每個人都帶支竹上去 .


都唔知自己行左幾多級樓梯 , 行極都仲未到個神社 , 行到出曬汗 .



誤以為依到就係神社個大殿 , 點知想錯了 ...


真係行到好想放棄 , 小地勤老公仲話下次要帶埋個仔黎 ... 大佬 , 十幾公斤 , 我條腰會斷 !



都仲未行到呀 ... 仲有一大段路 !



明白點解人人手攞一支竹吧 ! 下次有得借 , 我都借返一支 ...



依到就係大殿對出既風光 , 幾高 , 行左幾百級樓梯 , 真係好神心 ! 其實依到只係一半路程 , 距離終點仲有一大段路 . 不過夠了 ... 下次吧 ...




行左咁多級樓梯 , 點都要帶返個限定版御守返屋企做紀念 . 山頂個間個限定版 , 真係要好有腳骨力先買到 , 唯有都係個句 ~ 下次吧 ~



提下大家 , 上山前要先食飽 ... 原因 ... 當小地勤 4 點幾落返去山腳 , 商店街差唔多都關門了 , 剛剛好旺既情境不在 , 反而好冷清 .

餐廳得返一家 , 都無選擇 , 食個烏冬先再出發 . 今次個地方 , 遊客不多 , 所以好多區域都好早關門 . 依加唔食 , 分分鐘今晚無飯開 . 係唔係好刺激呢 !


四國依邊食烏冬既店很多 , 無一間係難食 , 差唔多日日都會食一轉 . 唔識攪返轉張相 , 大家睇得辛苦一點吧 !



今晚 , 我們訂不到酒店 . 沒事做 , 去左夜遊丸龜城 . 平日日本勁多 24 小時店 , 但依邊通常開到 2 點就關門 , 呆到 2 點 , 唯有搵個無咩人既地方泊埋一邊 , 訓到 5 點幾起身 , 再去便利店買個早餐 , 先再起行 .