昨晚已經知道自己訂的酒店位置偏遠 , 今早起床 , 一望出外面 , 一大片農田 , 因此小地勤都唔好意思介紹自己住個間酒店 .
小地勤跟老公無特別諗住要去咩地方或景點 , 當下黎到四國就諗住去森美介紹過的卯建街道觀光一下.
沿路經過這個溫泉之鄉 , 所以又落車行左一圈 , 風景靚又落下車 , 見到當地產物店又再落車 , 這就是自駕遊的趣味.
這個溫泉之鄉無北海道個邊既溫泉小鎮咁熱鬧 , 根本今轉行程偏離香港人喜愛既地方 , 所以外地遊客勁少 , 但就更富日本風情 .
這裡也有免費足湯 , 可惜正在維修 . 希望下次再來 , 希機會浸一下 .
終於來到卯建街道 . 除左因為森美介紹過之外 , 另一原因是 , 這個景點交通非常不便 . 今次租車 , 就可以順便過來行下 . 假如無租車 , 應該唔會過黎 , 實在山長水遠 .
雖然這裡明顯被打做成一個觀光區 , 但遊客得小貓三四隻 , 原因都係交通不便吧 !
小地勤都有去試下打水 , 以前咁樣打水 , 真係幾辛苦 , 條腰好攰 .
一個很小的鳥居 . 沒有專登行入去睇下 .
係到有好多手工藝小店 , 如果時間許可 , 都想整返把日本傘 . 唔貴 , 推介 !
係到有好多小店 , 專買手帕 , 小地勤都忍唔住買左 3 條好日本風情既小手帕自用 . 紗巾料很輕便 , 又易乾 , 旅行就當臉巾咁用 . 店外寫明染料全天然 , 就係用依程植物去染的 .
鐵皮廣告 , 很少見 , 所以就影比大家睇下 . 咁樣既行程 , 其實沒想像中辛苦 , 想去邊就去邊 , 去到邊就食到邊 , 不過住宿就唔係人人接受到訓街 . 一次另類的體驗 .
見到四圍都賣柑 , 300 Yen 有 10 個 , 應該當做 , 皮薄肉質清甜降渴 , 很抵食 .
回港後 , 老公跟佢班朋友分享今次旅程 , 原來好多人都會好想跟另一伴有咁樣既體驗 , 不過多數無實行 . 原因無他 , 唔係個個女孩都可以接受到零安排 , 無酒店 , 分分鐘要訓街.
沒有留言:
張貼留言