網頁

2013年12月17日 星期二

當上地勤後遺症

2010年11月10日下午2:32公開累積瀏覽 15075



小妹長得一副斯文乖巧樣 . 自從當上地勤後 , 外表沒改變 , 只是燥底了 . 經常受壓及睡眠不足及被同事薰陶的情況底下 , 真是出口成文 , 三字句多到嚇死人 . 由於太順口 , 有時朋友間聚會 , 亦情不自感爆了兩句 , 嚇到不少新 / 舊朋友 . 真不好意思呀 ~ 小妹會改一下的 !
變臉之術高明 . 眼淚只是武器 . 遇到野蠻乘客 , 眼淚是必要的 . 特別是男人都怕女人的眼淚 , 現在科技發達 , 真的很容易上 youtube ! 小妹深明對住不同人就要用不同方法的道理 . 因此 , 喊不一定是懦弱 ; 眼淚亦不一定是傷心才會有 , 嘩哈哈 !
" 唔好意思 " " 對唔住 " " 多謝 " , 經常掛嘴邊 . 行街被人踩一腳 , 竟然同踩自己的人說一聲 " 唔好意思 , 對唔住 " . 公司同事比件垃圾小妹 , 小妹亦很順口地跟人家講 " 多謝曬 " . 完全是沒經大腦就說出來 .
明明心情惡劣 , 但見到乘客就嘴角向上 . 明明只是跟朋友聚會 , 但好自然地席間全程保持微笑 . 明明做緊 Reception , 開門關門時也很自然地站起來及對人 Say Hello 及 Goodbye . 只差沒加多句 " Are you going to XX ? " " Have a nice trip ! "
以前看不懂二十四小時制 , 永遠要想一陣才回答 . 現在反而習慣用二十四小時制 , 還覺得很簡單 , 很好用 . 19:00 = 07:00 pm 來到現職的公司還繼續用自己那套 .
很多年無買過衫 , 因為買了也沒機會穿上 . 初時穿制服上班覺得自己很奇怪 , 亦不習慣別人對自己行注目禮 , 不過現在已經沒有什麼感覺 . 應該是麻木了 . 趕上班的時候 , 必定跟旅客甲乙丙眼神零接觸 , 只要一接上 , 必定遲到 , 十萬個問題等住小妹回答 .

不習慣男性的 Gentlemen 風度 , 因為同事大部份是女性 , 別期望會有男生幫你搬東西 . 每次做機都要帶一堆東西上閘口 , 有時男同事會出聲幫小妹 , 但小妹會很自然地說 " 唔洗唔洗 , 自己黎 " .

每天都穿上高跟鞋在機場趕 Duty 及陪客趕機 , 結果一穿上高跟鞋就越走越快 , 越走越快 ... 相反 , 一穿平底鞋感覺是不懂走路 , 變成龜速 .

假好下班時間是六點 , 約朋友食飯亦很自然會約 20:30 , 因為下班時間永遠都有遲沒早 . 因為接機要早 15 分鐘到閘口呆等 , 所以放假約朋友就必然遲到 15 分鐘至半個鐘 , 可能心理不平衡 !
從前北京就是北京 , 馬尼拉就是馬尼拉 , 現在只記得 3-letter Code . 什麼 PVG / FRA / MUC / FOC / MNL ... 一堆 Code 識得讀卻不會串 . 個腦好似多了一幅世界地圖 , 由香港飛北京好自然答三個半鐘 , 香港飛法蘭克福好自然答十二個半鐘 .
學會一堆火星文及術語 . 什麼 PAX / INFM / NES / UM / ASST / CANX ... 什麼士大夫 / 有蛇 / 琴 / 財仔 / PRC ... 英文字母 A-Z , 不再是 Apple / Boy / Cat ... 而是 Alpha / Bravo / Charlie ...
一聽到有人做 PA ( 廣播 ) 昃自然留心去聽 . 在大型商場逛街很自然找指示牌 / 水板 . 電話查詢時很自然自我介紹完再跟人家要名及 Ref no . 紅日閒日分不清 , 最不喜歡打風 / 黑雨的日子 , 反正任何時候都要上班 . 時差 ? 永遠不會發生在小妹身上 , 不論任何地點 / 時間 , 一坐下即睡著 .
不知道其他同事會否跟小妹一樣有以上的特徵 ?

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379.html

2013年12月16日 星期一

地勤更表大公開 !

2010年10月22日下午7:00公開累積瀏覽 2052 11                    



首先想跟大家分享一下 , 經過四個月零三日既等待 , 小妹份正職終於收到正式過試用期既通知 , 實在可喜可賀 ! 雖然薪金調整方面跟小妹期望有少少出入 , 但有總好過無既情況下 , 仍是感到高興 .
今時今日 , 小妹過住文職生活 , 雖然唔係朝九晚五 , 但叫準時收工及五天工作日 , 尚可接受 . 而小妹另一份工 - 兼職地勤 , 話事權係小妹到 , 每個星期六非常穩定咁返 1000 - 2000 . 由於小妹於機場工作多年 , 腦中只有二十四小時制 , 希望大家見諒 .
小妹任職個間地勤公司 , 手上最少持有二十多間大型航空公司 , 再加上小妹本身由 Airside 出身 , 而又接受過 Landside 訓練 . 因此被公司靈活運用既機會比一般同事高 , 簡單來說被人 Extend / Hold 收唔到工既機會率特別高 .
以下係小妹某個月份既更表 , 給有意投身此行業既朋友作一參考 :

依個只係平日既普通更份 , 小妹並唔係想嚇退有意投身此行既朋友 , 所以最辛苦既更表都係留返比自己懷念 , 在此不便公開 . 當然 , 事先聲明 , 高層可以隋時改你既返工時間 , 所以別忘了接電話 . 遲到 / 無到 , 可是大罪喔 ! 別以身犯險 .
見工時最常問 . 地勤返工時間無定時又要時常加班 , 好辛苦 , 你 OK 嗎 ?
思想正面既小妹可以給予閣下一個標準答案 . 返工無定時咁咪好囉 , 可以避開假日既人潮 , 而且閒日食飯都無咁貴 . 要加班架 ? 咁咪可以賺多 D 錢囉 . 我真係覺得依份工好適合我 , 我最鐘意多勞多得 , 為左儲錢 , 返幾多 OT 都無問題 !
相信個考官聽到你一番咁假 ( 咁正面 ) , 而又咁等錢洗既答案實會考慮你 , 因為公司最鐘意用錢掟人 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379.html

地勤是什麼 ?

2010年9月17日下午2:59公開累積瀏覽 2473 7                    

每次穿起制服在街上走過 , 耳中總聽到 " 空姐呀 ! " 的聲音 , 小妹每次都想跟他們說 " 我不是空姐 , 我是地勤 ! " . 每回朋友眾會 , 都會問 " 你是魚翅還是龍仔 ? " , 小妹都要解釋除了魚翅 , 龍仔外 , 還有很多地勤公司囉 !
究竟空姐跟地勤有什麼不同 ? 最易理解就係一個在天上工作 , 一個在地下工作 . 機場地勤有好多種 , 搬行李叫地勤 , 做清潔叫地勤 , 送餐上飛機都可以叫地勤 , 總之一句係機場做而又唔洗好似空姐咁跟飛機走都可以統稱做地勤 .
講完一堆野 , 可能大家最想知都係航空公司地勤究竟係做咩 , 咁大家睇清楚啦 , 工作量之多 , 希望唔好嚇親有意投身此行既朋友 . 航空公司地勤有分禁區內( 俗稱 Airside ) 同外 ( 俗稱 Landside ) .
首先跟大家介紹一下何謂 Landside ?  Landside 同事就係幫各位 Check-in 行李果位小姐 . 航班起飛前三個鐘 , 可憐既 Landside 同事就要化好個妝 , 著好套制服 , 係天未光就要返到機場聽掃把 ( Supervisor ) Briefing , Briefing 內容包括當日航班機種 , 客人數目 , 有無 BB 仔 , 有無輪椅客以及貴賓等等 ... 一堆一堆數字以及客名 . 係未訓醒既情況底下 , 記咁多資料並唔容易 . 準備上 Counter 前要準備一堆有用物品 , 如一圈圈行李帶 , 會員申請表 , 十萬種表格 , 十多種貼紙 ... 帶齊所有物品 , 才可以上路 . 到左櫃位 , 一坐就係一至兩班機既時間 , 閒閒地都要三至六個鐘不等 , 視乎當日天氣情況如何 , 乘客有否準時 ( 麻煩早到 ) , 由外站飛來既機有無遲到等等因素 . 當一位乘客來到櫃位 , 檢查證件是否有效 , 幫客人寄行李 , 安排機位係最基本要做 , 當然實際並非如此簡單 , 正如小妹常常講 " 邊有咁多 Window Seat ? 我地個架係 Airbus 唔係 UFO 囉 " . 唔好以為 Check-in 完一堆客就可以閃人 , 仲有一大堆 Paper Work 等住你做 , 務求令你忙到斷氣 !
好啦 , 係時候介紹一下 Airside 同事啦 ! Airside 工作有三 , 一登機閘口 , 二到港機口 , 三貴賓室 . 登機閘口表面做下登機廣播 , 檢查證件 , 收登機證同機票 , 實際上意外既事日日有 , 死人 , 政要 , 遲到又麻煩既乘客 , 仲要臨上機先話依樣唔見個樣唔見 , 總之好似欠左佢咁 , 誓要令你隻機 Delay 為此 . 到港機口就係到閘口接機 , 無事發生時就不停重覆 " Welcome to HK " , 有時發生時 , 就同個客狂奔十幾個閘口趕下隻機 , 總之用盡所有方法騙佢上機就完成任務 , 否則就被佢咬住全日唔放 . 假如遇上大 Delay , 仲要安排乘客住酒店 , 唔好以為乘客去左酒店整件事就完成 , 你極有可能要做領隊 , 由出機門個刻陪到去酒店 , 再等第二日 Call 佢地起身 , 帶佢地返機場 Check-in , 再返 Office 打 Report , 工作時間大約 24 小時左右 , 少 d 精力都唔得 ! 而貴賓室既同事 , 話個個客都以為自己高人一億等咁 , 佢係主人你係狗 , 點到你傻咁 !
唔知大家聽完小妹講之後 , 仲有無興趣加入依個行業呢 ? 如果你想好似空姐咁飛來飛去 , 做地勤並唔係一個踏腳石 , 唔會因為你做過地勤而易些考到空姐 , 希望大家唔好有個錯覺 . 亦想同大家講 , 空姐老左或大左肚係唔會落地做地勤 , 大家性質唔同 , 無可能互換角色架 !
小妹亦想重申一次 , 雖然地勤工作並沒有大家想像中咁悠閒 , 但無疑係一份多姿多采既工作 , 畢竟機場係一個小小世界 , 可以擴大你既眼光 , 訓練你既 EQ , 最重要係地勤都有一折機票架 !

地勤面試技巧

2010年7月15日下午3:15公開累積瀏覽 6864 6                    



朋友 L 最近考地勤 , 問小妹當年既面試心得 . 小妹亦好樂於跟大家分享 .
四年前 , 小妹鼓起勇氣去考地勤 . 由小妹 Send CV 到 final in , 都只是用了一星期的時間 , 可見間公司幾等人用 ! 1st IN 個日都幾多人 , 輪流入房面試 . 首先是英語自我介紹 , 小妹背到一半就背不下去 , 原因忘記下半部 ... 之後就開始用超爛英語埋尾 . 接住考官給小妹一篇文章 , 叫小妹用國語照讀 , 講真小妹不但英語有限 , 國語更是奇差 ! 最後就是英語對答 , 知唔知工作性質 ? 有咩興趣 ? 點解想做 ? 小妹全部都係一句起兩句此 . 心想應該都無機會了 , 點知個考官又叫小妹到隔離房 2 nd IN .
1 st IN 證明了一件事 , 只要你有親切笑容 , 又有心想做 . 航空公司唔會因為你語言有限而不給予機會 . 講真 , 工多藝術 , 在這行待久了 , 來來去去都是兩三句 , 實質不太難 . 唔講都講埋啦 , 小妹 A- Level 英文 F 架 , 大家可想而知小妹語言天份有幾高啦 ~
2 nd IN 玩 Role play . 考官扮乘乘客 , 小妹扮 Check-in staff . 個考官好似上身咁 , 好入戲 ! 對話如下 :
小妹:先生 , 唔好意思 , 你件行李過重 , 我地要收錢.
考官:我無錢架!
小妹:咁你可以執七公斤做手提行李 , 咁就唔會超重!
考官:我依件野唔可以分開!
小妹:既然件野唔可以分開,你又無錢,咁不如交返比你屋企人,叫佢地寄船啦!寄船會平D架!
考官:咁麻煩架,買機票個陣你地又唔同我講,依加叫我點?我一定要寄架啦!
小妹:先生,唔好意思,可能同事做漏野,無提到你.但係張機票有寫明只可以帶20公斤!
考官:D字咁細隻,我睇唔到囉!
小妹:既然你咁想寄 , 請你比錢 , 如果無錢 , 咁就真係唔好意思嗱 !
考官:你一係就幫我寄 , 如果唔係我要 Cancel flight !
小妹:咁我問一下掃把先 !
考官:小姐,你打算搵個掃地既人黎幫我 ,你咩意思!?
小妹: ( 口快快講錯左 tim , 死緊 ! ) 我意思係搵 Supervisor 幫你 , 請等等 .
考官:你唔好同我講英文囉 !
小妹:咁我搵我上司幫你.
考官:我唔需要人幫 , 張機票係我比錢買 , 我只係要 Cancel flight 都唔得 !?
小妹:好 ! 既然你決定左 Cancel flight , 我亦唔會阻止你 , 不過由於你是自願 Cancel flight , 航空公司係唔會有任何賠償比返你 !
小妹同個考官講到臉都紅曬 , 小妹心諗洗唔洗咁串呀 !? 可能小妹最後個句太決絕 , 個考官都呆左咁望住小妹 . 之後考官回復正常咁講 " OK 架嗱 ! " 小妹就即刻起身打算走人 . 估都估到自己無機會啦 , 點知考官同小妹講 " 下星期 Final IN 有無問題 ? " 小妹即刻坐返好話無問題 !
Final IN 有十個人左右 , 係將來部門個呀頭 , 全程 Base on CV 問問題 , 全廣東話 . 都係問下 " 份工好辛苦 , 你怕唔怕 ? " " 星期六 , 日都要返工 , 你得唔得 ? " " 收好夜可能無巴士 , 你識唔識返屋企 ? " 小妹都係實話實說 , 小妹印象最深刻係考官問小妹做唔做到三四年 , 小妹話一定無問題 . 睇黎做得長佢地先會請 !
溫馨提示 : 每間航空公司要求都唔同 , 不過語言唔係最重要 , 最重要你係話到比佢知你有心做 , 唔係玩下玩下 ! 其實龍仔小妹亦有考過 , 亦係一次就成功左 , 只係佢個人工比小妹舊公司低 , 小妹先唔考慮佢 !
龍仔當時想請小妹原因得一 , 因為小妹當時已經係地勤公司做左三個月 , 所以就算小妹表現奇差 , 相信佢都仲係會考慮小妹 , 因此未能跟大家分享 . 假如大家對面試有任何問題 , 小妹實盡力解答 ~

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-article-id-101737.html

貝澳露營記

2012年11月2日下午6:51公開累積瀏覽 299 1                    


最近去露營了 . 未出發 , 先興奮 ! 每回見到同事都會提起此事 , 目的是提醒同事們 " 我去玩 , 別找我 , 別羨慕 , 嘩哈哈 ! "

同事對我去露營的反應都是驚奇 , 有男同事更提議我可以去冰島 ... 看他說得一臉認真 , 完全不似在串我 ... 最近 , 心情很低落 , 一直被遲到記錄的事煩了很久 , 因此十分非常超級地期待出走一下 , 冷靜下 .

跟朋友約好在東涌等 , 再一起買 BBQ 用品 . 平日 BBQ 都是入場比錢任燒 , 很久沒試過一手一腳由自己包辦 , 而我兩也把 BBQ 想得太簡單了 ! 由細到大 , 都未試過透爐呀 !! 其實我不會用打火機的 , 其實我怕熱也怕火 , 如果不是朋友會用打火機 , 知道要買炭精 , 相信我們沒飯開 ... 聽朋友說 , 她也是第一次透爐 , 我們也不知道要買一個細網放在爐裡 , 免得炭都掉下去 , 大約用了半小時 , 先成功透到個爐 !! 為了令火更大 , 我們又燒紙巾 , 又燒報紙 , 一陣風吹來 , 把著火的紙巾吹走了 , 嚇死我們 !!

說回紮營 , 很難 , 亦用了很多氣力 , 秋天時節 , 紮到身水身汗 , 累死了 ... 還以為很容易 , 我總是把事情想得太簡單 . 當紮好營後 , 當然要試下間屋啦 , 很不錯 !!

由於方向不對 , 所以沒看到日出日落 , 又可能是天氣不好 , 所以看不到 ??

在海灘行下 , 踢下水 , 很快入夜 , 透爐 , BBQ .

一直以為 , 在海邊睡覺會是一件很 Relax 的事情 , 原來晚上 , 黑漆漆一片 , 風大浪更大 , 一點也不 Relax , 反而疑神疑鬼 ... 海浪聲真的很大 , 覺得個海好惡 , 剛到步時露出的沙地 , 晚上因潮漲而不見了 , 好恐怖啦 !海水好像要湧過來似的 ,  睡在營裡又時常因風大而感到整個營快被吹走了, 亦一直擔心下雨怎麼辦 ...

再次將開眼 , 是六點多 , 剛好有隻狗路過 , 把我嚇了一下 ... 但看到天光了 , 風也沒晚上來得大 , 浪聲也溫柔了 , 突然超好訓 , 再將開眼時 , 已是十點了 .

雖然 , 夜晚好驚 , 但第一次去露營又真係覺得好好玩 , 所有事都有親力親為 , 係一次非常難忘的體驗 .

一再要買的沖繩物品

2012年10月23日上午11:29公開累積瀏覽 546 0                    

返工要化全妝 , 試過買了些四五十元的 Cleaning Oil , 但眼裝總是落唔乾淨 . 我很懶 , 總之要一次洗乾淨 , FANCL 的確很好用 ,眼裝一次落完 , 用了兩三年 , 由 300 元 2 支用到 330 元 2 支 . YEN 一直升 , 它的價格也跟著升 , 但我的人工沒有升呀 ! FANCL Cleaning Oil 印象是 150 ml 一支 , 基本上一個月就 KO 一支 , 但再貴也要買 , 因為的確很好用嘛 !

某天 , 妹妹逛龍城 , 買了 KOSE 的 BIG Size Cleaning Oil 一試 . 一試我即轉用它 . 330 ml 一支大約賣 260 元 , ml 比 FANCL 多 , 價錢比它便宜 70 元 , 功效也是一次落清 , 之後亦用左成兩年 . 真的是很好用喔 ! 無香味 , 即係少一種化學成份啦 . 用完一支又一支都無皮膚敏感及起油脂粒 , 又係一下就落乾淨 , 所以用完一支又一支 .

今次去沖繩的赤嶺駅藥店遇到 KOSE 做七折 , YEN 差唔多一對十 , 3300 YEN 一支 , 七折後大約是 231 港元 , 每支再平 30 蚊 , 所以我就掃左四支 , 嘩哈哈 !

之前聽同事說 Shiseido 這一系列的清潔用品很好用 , 見佢個外型都幾討好 , 再加上是限定品送一小支洗臉膏 , 所以買來試下 . 很不錯呢 ! 比 KOSE 再平很多 ! 230 ml 才賣 90 多元 , 超喜歡它的香味 . 雖說無香料會比較天然 , 但它的萍果香 , 超清鮮 , 超討好 ! 我沒有在香港格過價 , 不知道在香港買多少錢 . 總之去開日本就買多幾支 Shiseido Cleaning Oil , 沒去日本 , 就看 KOSE 抵還是 Shiseido 抵 , 兩支都好用 ^^ !

有好長一段日子 , 我是 FANCL 的忠實 FANS , 由頭到腳都是 FANCL . 雖然好用 , 但印象 2 個月要用 3 支化妝水 , 計落有點貴 . 之後去韓國旅行 , 買左大量 Skinfood,  特別係好出名既青瓜系列補濕水 , 龍城賣 90 蚊一支 135 ml , 用完感覺同用 FANCL 差唔多 , 所以又 Keep 住用左成兩年幾 .

之前去大阪 , 見到這件 Shiseido 產品 , 可以當化妝水或帶出街當補水噴霧 , 超大支 440 ml , 沒特價也不用 50 元 . 有藍色及粉紅色 , 不知道有何分別 , 但因我喜歡粉紅色 , 所以就買了 . 回家即開來用下 , 都幾補水 . 因為平 , 所以用起來很狠 , 手腳也有用 , 用完再塗 Lotion , 秋天就無甩皮 . 冬天 ? 暫時未知 , 我皮膚超 Dry 啦 , 返 Shift 令皮膚老得好快 ...

又平又大支 , 我會繼續買 , 好用又奈用 , 用完一支又一支都無心痛感覺 , 所以今次去沖繩 , 再買 2 支 . 唔知香港有無得買呢 ? 最重要夠平 !

Biore 產品無用過 , 對防曬產品 , 我亦不好 , 因為覺得 " 痴立立 " . 由於本身就唔係生得白淨 , 所以就由得佢 . 但女人就總係一時一樣 , 之前聽朋友講 Skinfood 既蕃茄防曬好用 , 一買就買左 2 支 , 因為做特價啦 , 但用左半支就唔想再用 , 因為真係好 " 痴立立 " 呀 !

朋友話 Biore 防曬幾好用 , 好水呀 , 試用過真係唔 " 立 " , 所以買黎試下 , 買了兩款 , 綠色好似好天然咁 , 所以就買啦 , 但聽朋友講用於手腳就 OK , 因為酒精好重 .

另一支係黃色 , 見到中文字 - 親子 , 小朋友都可以用 , 即係好溫和啦 . 開左黎用 , 都係好水 , 對於乾燥肌的我來說 , 最好了 , 用完唔會甩皮 . 但上網見到人地寫唔 Work , 一出汗就無效 , 好采我唔多出汗 , 所以無問題 . 兩支同一價錢 60 蚊 , 應該平吧 . 都係個句 , 我會再買 , 嘩哈哈 ! 平靚正 !

上網見 , 很多人推介 , 就買來一試 , 第一盒在赤嶺買的 140 幾蚊一盒 . 回酒店試用 , 暖暖的 , 用完對眼都幾舒服 . 之後路過平和通見到賣 90 幾蚊一盒呀 ... 所以再買 3 盒 , 除了無買原味 , 其餘買隻味都有買 . 個人喜歡洋金菊 . 一心打算下次去日本再買 ... 但最近在萬寧有發現到 , 計落跟日本買的差不多 . 簡唔中用一用 , 的確唔錯 , 最近多對電腦 , 對眼好攰 , 幾蚊買黎玩下都唔錯 .

很久很久以前 , 開始要化妝 , 其實一向無咩硏究 , 當時在屈臣士遇到 Fasio 這個牌子 , 覺得佢又平又好用 . 之後有用過 Channel , Shiseido 及 MJ , 我個人覺得 MJ 麻麻地 , 因為得佢一支用左會甩色 ... Fasio 用左無甩色 , 不過會難少少落妝 , 但用上面介紹過既 Cleaning Oil 係落到既 .

依支新買既 , 未開黎用 , 不過相信唔會太差 , 遲些用完再補多句 .

洗頭水在日本賣超平 ! 29 蚊 , 香港賣 58 蚊呀 ! 因為唔識日本 , 怕買錯 , 只買左一包 . 返到屋企對返用緊個支 Shiseido 洗頭水個名 , 係一模一樣 . 決定十一月再去沖繩 , 洗頭水必買 . 用左依支洗頭水幾個月 , 有幾個朋友都話我把頭髮令左 , 我就覺得滑左 . 我呀爸都話用完佢 D 頭髮都滑左 , 所以唔買唔得啦 , 哈哈 !

今次沖繩就係買左依堆 , 覺得幾好用 , 唔知大家又有無咩日本必買物品介紹呢 ? 假好有見到香港買得仲平 , 麻煩分享下 . 我好鐘意買平野架 ~

2013 年第四擊@滯留台北兩天遊 ( 下 )

2013年6月9日上午9:51公開累積瀏覽 5960
睡到快十點才起身打包好行李 , 準備 Check-Out . 在大廳跟一位三唔識七的女生吹水 , 因為時間太多了 . 十一點來到渡小月 , 卻發現未開 , 改到西門町 .

回到三年前吃過的水龍門報到 , 吃了一個三年前吃過的早餐 , 當時 , 我跟妹妹分著吃 , 現在就只有我一個 , 吃不下 ...


今天是星期日 , 西門町有很多妹妹在等偶像 , 非常熱鬧 . 天氣很熱 , 很想吃冰 , 無所事事地遊 , 來到很久很久以前吃過的一間冰室 . 現在只有我一個人 . 唯有等下次找人陪我吃好了 .


在西門町一直逛 , 以前都要看地圖 , 現在天書都沒有 , 卻很自在 . 在西門紅樓轉了一圈就出來了 . 三年前 , 第一次跟妹妹一起出遊 , 曾到此拍照 . 很懷念 . 人大了 , 一起長大的姐妹也會分開 . 可不可以不長大 , 不嫁人 ??

曾經 , 這裡叫做木結他 . 現在卻轉了名了 . 世界一直在改變 . 一個人滯留台北很傷感 ... 一個人的時候 , 對外界是特別敏感 .



離開西門町後,又回到hostel的地下街。地下街的其中一個出囗就是誠品書店。在這裡呆坐了一會,誠品的書的確比三聯賣的便宜,大約是打了八折。怪不得在這裡遇見這麼多香港人。


買了天仁茗茶的珍珠奶茶,很好喝。之後又再回去度渡小月吃午餐。時間真的過得很慢!又走回地下街呆坐。台灣的地下街四通八達,跟很多大型商場連在一起,下大雨也不怕!


我個人最欣賞地下街對逛街的人的體貼,非常多的椅子及休息地區,還有每隔一小段路就有乾淨得很的公用厠所,實在太好了!

每次由台北返回機場,都要花一段時間才找到機場巴士的大楼。

終於可以回香港了 ! 今次放的十一天假 , 竟然只去了台北兩天 , 有點浪費 ... 下次 , 都係要睇清楚 loading 才好去 standby !

2013 年第四擊@滯留台北兩天遊 ( 上 )

2013年6月8日上午1:34公開累積瀏覽 11800
話說 Standby 失敗後 , 總不能即時回港 , 把台北機票白白浪費吧 ! 因此 , 我決定來過兩日一夜台北遊 ! 台灣機場有提供 Wifi 服務 , 即時在Agoda訂了一晚最平的住宿 , 智能手機可媲美 Notebook , 真是一大發明 !

我是乘坐 HX282/07JUN 到台北的 , 因此 , 當我 08 JUN 早上八時多出關時 , 引起關員的注意 , 被問問題也是正常 , Airlines 就是有好處 , 當我一說 Standby 不了 , 上不了機 , 人家也不再問了 . 出關後 , 在機場四圍遊 . 每次來台北 , 都在趕行程 , 今次 , 因為太突然了 , 沒行程 , 還要找地方吃個早餐 , 好好地想一下自己要去那 ...

一心以為必然上到荷蘭機 , 行李箱全是冬天衣物, 現在我卻身處 30 多度的台北 , 沒有夏天衣物的我 , 只好拖鞋加睡衫了 . 馬死落地行 !

在機場吃了個早餐 , 心中想好了一個簡單的行程 , 便買票入市區 . 首先要到 Hostel Check-in , 放好行李 . 一個人 , 住酒店 , 很貴 , 二來便宜酒店都比較恐怖 , 住人多的 Hostel 似乎最合適 . The loft hostel 沐舍國際青年會館 , 我是十人宿舍佔一床 ( 女性 ) 的那種 , 一晚才 HKD 196 , 超便宜 . 每位女生的床位都有布濂 , 枱燈及兩個電制 , 私隱度很高 . 女生的區域 , 只有女生的房卡才能進入 , 而且有接待員 24 小時看管 , 樓下還有保安 , 對獨行女生來說 , 真是一百個安心 !

交通方面就在忠孝敦化站出口 9 的樓上 . 樓下有 ATM 方便禁台幣 , 有天仁茗茶方針買台式飲品 , 前少少有頂好買手信 , 樓下地下街 , Shopping 不會流汗 , 正 !

我的床位有點混亂 , 哈哈 !

放下行李後 , 先吃個午餐 , 再出去吧 ! 很久很久以前 , 我跟好友來過君悅吃排骨麵 , 很懷念那段回憶 . 想不到過了這麼多年 , 味道還沒變 .



第一站先到淡水買手信 . 兩星期前 , 太夜來到淡水老街 , 店都全關了 . 今天是星期六 , 非常熱鬧 . 在這裡我買了一對出街拖鞋 , 哈哈 ! 一個人的淡水 , 好像很細 , 才一會就行完了 , 怎麼平日一堆人時 , 總覺得逛不完似的 ?


每次來台北都要吃這個 , 真的超好吃 ! 就在松山火車站對出 . 下午五時半 , 已開始出現人龍 , 如果晚一點真是不得了 .


一邊吃 , 一邊逛五分埔 . 上不了荷蘭機 , 心情真是糟透了 , 看中就買 , 反正五分埔的衣物都是 TWD 100 - 200 , 買多多也不會破產 . 逛了個多小時 , 才七點 ! 一個人的時候 , 時間過得特別慢 ?? 慢慢走回饒河街夜市 , 逛了一圈 , 買好晚餐 , 便回 Hostel 了 .

台灣吃的東西都不貴 , 而且超大份呢 ... 上次沒吃的藥饍排骨 , 我吃剩了三份二 !! 四件紅豆餅, 也只吃了一個 , 太浪費了 ...

2013 年第三擊@台北四天遊 ( 台北機場 )

2013年5月22日上午6:00公開累積瀏覽 12280
今天沒有行程 , 吃過早餐後 , 就坐車回機場了 . 因為香港天氣不好 , 怕會取消航班 , 所以打算早點到機場報到 , 看看有沒有機會上早一班航班 .
很順利取得登機證 , 在機場內找 HELLO KITTY 拍拍照 .


天灰灰的 , 很恐怖 ! 一直沒有見到飛機 , 應該是整整一小時沒有看到飛機升降 . 如我所料 1530 才開始登機 , 上到飛機再等到 1630 才起飛 , 遲了兩小時 . 其實也好 . 今次的台灣之旅 , 所有行程都太趕了 , 難得可以悠悠閒閒地呆等 , 未嘗不是好事 ! 四天台北 , 真的太累了 !


2013 年第三擊@台北四天遊 ( 十分 )

2013年5月21日上午4:45公開累積瀏覽 14371

今天是全個行程的重點 , 到十分放天燈 , 看瀑布 . 有人說要到十分先在台北車站買平溪一日票 , 但我在網上看到有人說可先到八堵再轉火車到十分 , 這樣人會比較小 . 不過無論在瑞芳或八堵轉火車到十分 , 都要留意時間 , 因為前往十分的火車差不多一小時才有一班 , 但前往瑞芳或八堵的火車卻 15 分鐘左右有一班 . 不想呆等太久 , 還是先上網看清楚 .

我當天坐 0805 的火車由台北車站出發到前往基隆的火車 , 在八堵 0845 下車 , 再轉 0904 前往十分的火車 , 差不多十點才到 .

我那本 06 年的天書並沒有介紹十分這個地方 , 應該是那些年後 , 十分成為了香港人其中一個熱愛的景點 , 每個人都說一定要去放天燈 , 所以我們來了 . 沒旅遊書 , 不打緊 , 來到十分一出車站就會看到一個清淅的地圖 .


沿火車軌一直行 , 有很多買火車手信 , 小天燈及放天燈的店 . 可以先格價一下才買 .


行不到十分鐘就看到吊橋了 . 非常興奮 , 走上去的感覺是搖下搖下 , 不太踏實 . 有朋友在 Facebook 上留言說 " 天陰陰 , 還帶超 " 沒法 ... 太早起床 , 我沒化妝呀 ... 不能見人呀 !


看天色不太好 , 急急腳行去十分瀑布 . 要付 NT 80 入場費 . 本來可以早點來到 , 但中途遇見一大叔點錯我們 , 下次還是相信路牌行大路比較好 ! 園區裡除了瀑布 , 真的沒什麼好看 . 來一次就夠了 !


不同顏色的天燈有不同的意思 . 我很貪心放了采色那個天燈 NT 150 . 其實 NT 150 真的很抵玩 , 非常推薦 !!



十分不但有天燈放 , 還可以寫許願竹 , 大家有無興趣去寫返一支 ?


素顏的我 ... 別打我 , 下次我會帶返副超 !
我跟朋友太幸福了嗎 ? 對著天燈什麼也想不到 , 要寫什麼好呢 ? 看到旁邊妹妹仔 20 歲要嫁人 , 那我只好 30 歲前也要嫁人 ... 究竟我幾時先嫁得出 ??



在十分放天燈用了很多時間 , 因為想了很久很久 ... 還沒拍好照 , 一強風吹來 , 我的天燈就飛到老遠了 ...
離開十分沒有馬上回台北火車站 , 而在松山車站下車 , 為的是那個胡椒餅 . 就在饒河街夜市 , 非常好吃 !!
之後再到對面的五分舗買東西 , 所有東西都便宜得不用想 !
回酒店前 , 先到渡小月吃晚飯 , 終於可以正正經經地吃飯了 , 哈哈 ...
明天一起床就要回香港了 , 希望順利上機 , 這幾天香港 , 台灣的天氣都不太好 .

2013 年第三擊@台北四天遊 ( 野柳 , 九分 )

2013年5月20日上午4:04公開累積瀏覽 14531
今天 , 天氣很差 , 不過仍堅持到野柳看石頭 . 朋友最近愛上拍照 , 所以才有這份堅持 . 要去野柳 , 先由台北坐火車到基隆 , 再轉巴士 . 基本上 , 一出基隆火車站就會看到一道天橋 , 橋下有一巴士站 , 有前往野柳及九分的小巴 .

來到基隆已經是中午了 , 在車站看到火車便當 , 就買來吃 , NT 60 而已 , 香港應該要 30 元以上吧 !


吃飽再坐車 , 一上車就跟司機說 " 我去野柳的 , 可以叫我一下嗎 ? " 很安心地睡覺去 . 坐了半個多小時就到了 . 三年前的野柳 , 沒有什麼指示牌 , 現在卻有一條藍色道路給遊客跟著走 . 今天 , 天氣很差 , 一時下大雨 , 一時大太陽 , 想找個地方休息或避雨都沒有 . 以前 , 這裡人很少 , 現在同胞多到想好好拍張照都難 . 他們總是當自己透明 , 又可能是當我透明 , 每回我要拍照 , 他們總是走進我的鏡頭 ... 結果我都沒心情拍照 , 隨處走走就算 . 以下是女皇頭的姐妹 , 很相似吧 !


再回基隆 , 轉巴士到九分 . 坐了一小時的車才來到這裡 . 第一件事是吃下午茶 . 有牛肉的牛肉麵 NT 100 , 沒牛肉的牛肉麵要 NT 50 . 決定要豪一下 , 哈哈 .


亮燈的九分 , 很迷人 . 雖然一直下雨 , 仍無損我買手信的心情 . 這段時間 , OT 爆燈 , 因此要好好待自己 , 想吃就吃 , 想買就看看價錢先再買吧 , 哈哈 ! 九分有很多買小天燈的店舖 , 但原來在十分買的確是最便宜 ... 我已經做了水魚 !

才七點多 , 九分就只剩下一小堆香港人在等巴士 . 九分山下的夜景 , 很美 ?


回到基隆 , 先到廟口夜市逛一下 , 吃了個朋友推介的魯肉飯再坐開往新竹方向的火車回台北市 .
不知為何 , 每回來台北都下大雨及打大風 ...

2013 年第三擊@台北四天遊 ( 北投 , 淡水 )

2013年5月18日下午5:51公開累積瀏覽 17200
轉眼間 , 三年沒到過台北了 ! 台北改變了一點點 , 又可能是我應該把那本 06 年的天書換掉才對 ! 今年 , 公司航班又增多了, 由兩年前沒有台北, 到現在一天有四班, 真的擴張得很快 !

乘坐第一班前往台北的大機 , 早上 0935 準時起飛 . 員工票便宜 , 但卻有機會上不了機 . 今天的經濟艙客滿 , 幸運地被升到商務艙去 . 不過 , 吃的當然是經濟艙的早餐 , 只是沒想到跟貴賓室吃到的是一樣 , 結果沒有吃 ... 之前也有坐過一次商務位 , 但那時是小飛機 , 因此位子不能平躺 . 今次的商務位真的非常舒適 , 又可以平躺 , 又有得差電 , 怪不得再貴也有人花錢買 !



1125 航機準時到達台北機場 . 一出機場 , 立即在 ATM 提款 . 有 PLUS 的卡都可以在外地的櫃員機提款的 , 我用的恆生卡 , 每次交易只收 25 元手續費 , 比在當地兌換來得化算 . 最重要是台灣銀行兌換櫃位 , 人多到最少要排上半小時 , 所以都是用 ATM 比較方便快捷 . 另外 , 提大家一下 , 想在外地提款先要在香港櫃員機開通海外提款功能 .

由機場到市中心 , 大巴非常多 , 價錢也差不多 , 不用想太多 , 隨便到一個櫃位買票就可以馬上上車了 . 大約一小時就到市中心 .

三個人旅行 , 訂房是比較麻煩 , 有三人房的酒店好像不太多 . 沒選擇的情況下 , 入住了三晚的 CHAIR MAN HOTEL . 房間應有的都有 , 只是比較舊 . 早餐也有包 , 只是很驚嚇 . 白粥加很多配菜 , 吃了一天就放棄了 , 改到旁邊的永和豆漿去.


上午兩點出發到新北投去 . 目的地是地熱谷 , 沿途有兩間博物館 , 都是免費參觀的 . 今天的天氣熱得不得了 , 所以特別愛到博物館 , 哈哈 ! 乘涼去 ~


繼續向地熱谷進發 . 朋友建議沿河 ( 溫泉呀 ! ) 邊走 , 見到很多人在河邊浸腳 , 我們也即興來洗洗腳 . 原來人人都在泡免費溫泉呀 ! 水暖暖的 , 很舒服 . 泡了一會 , 腳都消腫了 . 職業病 , 腳掌總是浮腫 . 請別笑我這雙似白蘿蔔的肥腿 !


終於來到地熱谷 , 一片煙霧離漫 , 非常非常熱呀 ! 看來水溫真的非常高 . 在這裡呆了一會 , 便走人了 . 其實我真的很喜歡遊景點 , 所以別好奇為何我的台北不是吃喝玩樂 .


下一站淡水 . 一出捷運 , 即刻跳上前往漁人碼頭的小巴 . 朋友說要看情人橋的夜景 , 所以又再來了 . 呆坐吹吹海風 , 很悠閒地等等等 ... 這裡也有一間呀給 , 所以晚飯就是它了 . 吃飽就到淡水老街逛逛 . 今天是星期日 , 但為何商店這麼早關門 ? 迫我們早點回酒店休息 ... 一天完結了 !