網頁

2019年12月28日 星期六

2019 年的近況

28.12.2019

原來媽媽的工作是 24 小時無休止 , 早上要上班 , 晚上湊 BB . 放假做家務兼帶 BB 回娘家見公公婆婆 . 放連假就去日本跑景點 . 一日 24 小時好似都唔夠用 . 上網 , 打日記 , 煲劇 , 睇小說 , 已經沒有這樣的閒情 .

由於放假放多了 , 而工作量沒減 , 工作日數少了 , 自然每天上班也很忙 . 相信大家都知道花花航空最近經常上報紙 . 小地勤沒有太大的感覺 , 因為新聞都追擊了花花航空一年有多了 , 每次都話佢捱唔過 , 但又每次都捱過了 . 作為小員工 , 最重要係有糧出 , 其他既事亦唔輪到我去擔心 .

最近很多朋友都跟小地勤聯絡上 , 8 成係問 " 買左機票點算 " , 其餘係關心我的生計 . 小地勤出名慳妹 , 點都有點積蓄 , 就住用的話 , 10 年唔做野都無問題的 . 其實我真係好想全職湊 BB , 好想見證佢既成長 , 只係現實不太容許 . 如果真的機會來了 , 咪回家湊仔囉 . 都無咩好擔心 .

今年既時間好似過得很快 , 話咁快聖誕節就完了 , 又準備到農曆新年 .

我真係好希望係 2020 年到來前 , 可以清左未完成既遊記 . 近來 , 放假多了 , 旅行亦多了 . 趁仲有能力 , 希望帶 BB 去多幾次日本玩 .

2020 年中 , 希望年頭的鹿兒島之旅可以成行 , 我好想帶 BB 去 sun messe日南公園影相 , 亦好想去埋櫻島觀光 .

2020 年再會 ~

帶著 BB 去沖繩 / 2019 / 十二月 / 四日三夜自駕遊 (行程篇)

11-14.12.2019

依幾年 , 小地勤已經去了無數次的沖繩 , 相信超過十次吧 ! 但對不起 , 我並不是專家 , 我除左頭幾次會睇行程跟資料外 , 打後都是隨心而行 , 好多時都只係為左用左張免費機票而去一轉 .

今次行程 , 我們有幾個景點想去的 .

第一個係新開的 SAN-A浦添西海岸 PARCO CITY 朝聖 . 

第二係想帶 BB 到水族館睇魚 . 之前 BB 太細 , 經常睡覺 , 所以都錯過了 . 今次終於補回來 .

第三係搬左位既牧志市場 , 估唔到比預期有驚喜 .

過往 , 小地勤一家既自駕遊模式都係去到盡 , 玩到盡 . 今次卻沒有跑景點 , 原因 BB 第二日就急性腸胃炎 , 嘔左 3 次 .

今次小地勤可以分享一下係日本點睇醫生 ... ... 好彩有買旅遊保 . 
BB 總共睇左 4 次醫生先完全康覆 . 


2019年11月9日 星期六

帶著 BB 去姬路 / 廣島 / 四國 / 2019 / 九月 / 八日七夜打卡之旅 / 姬路市立動物園 (Day2) - Part 1

01.09.2019

姬路市 , 小地勤第 2 次過黎 , 今次主要係參觀姬路城及其城下的市立動物園 . 日本原來每個市都有一個動物園 , 無論個動物園大定細好 , 總比香港無 , 來得好 .

舊年我跟老公已經講好明年要帶 BB 來依個動物園 , 貪佢又平又就腳 . 大人每位 200 Yen , BB 免費 . 很多人話帶 BB 旅行辛苦自己 , BB 亦唔會記得 . 小地勤就覺得 BB 每次旅行回家都長大了不少 , 佢好似知道自己去旅行咁 , 每日都好適應我地個行程 , 幾早起身 , 幾夜訓覺都無問題咁 .



我比左張飛 BB , 叫佢自己行入去 , 佢好開心咁攞住把劍殺入去 . 對比北海道的旭山動物園 , 依到地方很細 , 而且動物居住環境亦好迫 .




其實出發前 , 網上評價都知不太好 , 話地方太細 , 動物都困到無咩生氣 . 雖然地方的確唔大 , 但都好多種類 , 有袋鼠 , 獅子 , 老虎 , 北極熊 , 雀鳥 ...





依到有條小河分隔兩個區域 , 其實環境唔錯 . 只係動物居住環境太迫 , 活動空間有限 , 所以動物們都無咩生氣 . 我地當晨咁早係門口等開門 , BB 全程好開心 , 好似依個地方係屬於佢咁樣 , 全程無話要坐 BB 車 , 自己攞住張地圖一路睇 , 一路行 . 其實佢差少少先夠一歲半 .

日本的小孩區域係以小孩角度去建成 , BB 終於落地時唔再正係見到大人對腳 , 佢每行一小段路 , 就見到一種動物 , 有時可能係好特別 , 佢就會叫 " 媽媽 " , 應該係想同我分享 , 很可愛 .



今次旅行後 , 佢開始學人講野 . 最近仲識講 " 獅子 " " 長頸鹿 " " 大象 " . 讀萬卷書不如行萬里路 , 是真的 . 小地勤是放牛的媽媽 , 我沒有讓他去讀 N 班 , 我放假會帶佢去旅行 . 日本很適合小孩 , 大一點 , 如果我仲有能力 , 希望可以帶佢去歐洲 .




原來仲有海獅定海狗 ?? BB 一見佢游過就會發出 " 嘩 " 一聲 . 見到佢地兩父子睇得咁開心 , 我都好開心 . 雖然我好想叫老公幫我地兩母子影下相 , 但老公好似完全對眼正係心心咁望住個仔 , 我就係呀四 , 推住 BB 車兼幫佢地影相 ... 人地話生女會多左個最強小三 , 但原來生仔都係一樣 , 小三係不分男女的 !







BB 很喜歡揸車 , 認路亦好叻 , 睇黎男孩子天生就係好有方向感 . BB 晌車係好似模似樣 , 仲識叫媽媽上車 , 但當爸爸迫上車時 , 佢會趕佢走 , 哈哈 ! 果然是媽媽最親 !


今天早上 , BB 玩得好開心 , 每張相都係笑容滿臉 , 開心到忘了午睡 !




動物園裡面仲有好多收費遊戲 , 如坐小火車 , 亦有摸摸小動物區域 . 摸小動物前要先洗手 , BB 學會回家就要開水洗手的習慣 . 小孩真係大得好快 .

帶著 BB 去姬路 / 廣島 / 四國 / 2019 / 九月 / 八日七夜打卡之旅 / 抵達姬路市 (Day 1)

31.08.2019

一早訂好曬酒店 , 仲計劃左一個要行十萬八千里路既行程 . 卻因為一張 ETC card , 兩公婆要分開出發 . 老公訂車時 , 無留意到 ETC card 要在關西機場的郵局自取 , 但飛機到達時間亦剛好是郵局關門時間 , 所以老公比小地勤早一天出發 .
 
 
很開心跟表姐仔同一日出發 , 雖然各有各的目的地 , 但難得可以一起在機場一起吃早餐 . 小朋友都係鐘意同返小朋友玩 .

 
食完早餐 , 小地勤一拖二 , 帶佢地去機場內的小小遊樂場放電 . 你追我跑 , 兩老表咁都可以玩一餐 . 小孩的世界真的是很單純 ..
 

表姐係天生港女 , 喜歡拍照 . 表弟今次亦很配合 , 兩老表一起沖奶茶 , 笑死我地 !


在飛機上 , BB 很合作 , 一扣上安全帶 , 飛機起飛個刻 , 佢就訓左 , Landing 前半小時才起身 . 在機門前等了大半小時才有的 BB 車 , BB 可能太累 , 自己走去搵位坐 . 小地勤感恩有個咁好湊既小寶寶 , 希望你一直都會咁乖 .


順利跑出機場 , 再直接去租車店找爸爸 , 兩父子一日無見 , 重遇時好似好開心 ... 雖然你個樣越大越似媽媽 , 但興趣卻跟爸爸一樣 , 仲要玩到好似模似樣 . 幻想將來你識叫媽媽比錢你去夾公仔 , 我個頭就痛 !




由大阪開車去姬路市的途中 , 隨便食個晚餐 , 小地勤其實不太喜歡這種油麵 , 但其實味道是很不錯的 . 日本隨便一間餐廳都好味過人 .


終於抵達姬路市 , 在市內走了一圈 . 什麼也沒有的地方 .


就係因為什麼也沒有 , 亦很少聽人會住宿姬路市 , 所以酒店又平又大間 , 385 元的 2 床房 , 仲要有個大浴場 , 位置又好 , 已經很錯了 .


2019年10月20日 星期日

帶著 BB 去北海道 / 2019 / 十月 / 四日三夜閒遊札幌之旅 (行程篇)

06-09.09.2019

 這個月老爺去了參加郵輪假期二十多天 , 由於小地勤已經無咩大假 , 所以無法讓奶奶一起跟老爺去坐郵輪 . 要人家幫你湊仔 , 的確心有點過意不去 , 所以攞左四日假期 , 陪奶奶去北海道-札幌行下 .

 第一次沒有租車去北海道 , 我們只打算在札幌 JR 站四圍行下 . 為左方便出入 , 所以我們住在 Hotel WBF Sapporo North Gate , 第一次住咁貴的酒店 .

06.09.2019

到埗第一天 , 我們去了 JR 苗穗附近的大型商場 , 因為要在玩具反斗城買 BB 零食 .


 07.09.2019

 由酒店步行去北海道大學打卡 , 再沿大通公園步行去二條市場食海鮮 , 在狸小路購物 , 晚上去了 JR 札幌邊的 ESTA 食拉麵 .





 
08.09.2019
 
下雨的一天 , 訓到自然醒 , 去了園山動物園參觀 , 路經北海道神宮 . 再到狸小路及地下街閒逛 . 晚上去了薄野打卡 .

 
 
 

09.09.2019

再到二條早餐 , JR 回機場 . 咁就完成了四日行程 . Pass 都不用買 . 哈哈 !