網頁

2017年4月22日 星期六

走得快的戰友

23.04.2017

還有不到 1 個月 , 我就在貴賓室工作了 5 年 ; 還有不到 2 個月 , 我就在花花航空工作了 6 年 . 時間都是一眨眼地過去 . 回想這幾年 , 有開心的 , 有辛酸的 , 有憤憤不平的 , 有無能為力的 ... ... 身邊稱得上的戰友 , 一個一個地默然離開 , 其中有一位願意回來 , 重新披上戰衣跟我們繼續奮鬥 , 可惜的是一人的力量能有多少 ?

今年年頭已有一位戰友 L 離職 , 我睇住佢由散仔做到 Leader , 她要走的一刻 , 有很大感觸 . 最近 , 我最要好 , 無話不談的戰友 M , 也要離職了 . 無數個大時大節的晚上 , 一起捱過沒飯吃的大 Delay , 一起為乘客唱生日歌 , 一起帶領同事去認識熟客 ... ... 在貴賓室陪伴了我 4 年多的戰友 , 她的離開 , 很低調 , 怕會影響軍心 . 她人不幹 , 但心仍為貴賓室著想 , 這樣的同事離開 , 絕對是公司的損失 .

戰友 M 這一年都在為新貴賓室努力 , 同時亦要照顧同事 , 教導同事 , 她是一位很好的掃把 , 當同事知道她要離職 , 第一句是 " 不捨 " . 肯承擔的人 , 才會有人不捨吧 ! 上級對於戰友 M 的離開 , 當然也有去挽留 , 但人各有志 . 上級說 , 新貴賓室開幕前 , 才會出現戰友 M 離開的後遺症 . 上級沒有把戰友 M 的工作分派給我 , 坦白說 , 我亦無能力去接手 , 唯一接手的是現在貴賓室的運作 , 上級說了 , 以後由我負責 ... ... 我希望是我幻聽了 .

最近請了 2 位新掃把 , 相信第 3 位也很快會加入 , 他們好像已經成為我的責任 . 當大家正為新貴賓努力的同時 , 上級們好像忘記了我當掃把的日子才 2 個月 , 我的心還沒調整過來 , 我的最強戰友亦在此時離開 , 沒人有空去安撫我需要獨自面對的無助 . 公司發展很快 , 我已無能去跑 , 最要好 , 一起長大的戰友亦離開我 , 我其實心力交碎 .

明明我心裡已下決心離開 , 戰友  M 卻行先一步 , 感覺很無奈 , 很孤獨 .有好幾位同事跟我說 , 掃把 M 準備走 , 如果連小地勤都走埋 , 佢地都唔想留低 . 其實戰友 M 跟我比較接近同事 , 比較明白佢地工作上既苦況 , 亦因為我兩只是 "入左房" 才一年 , 大家仍很信任我們 , 亦經常向我們請教 , 戰友 M 的離開 , 不是工作有沒有人做咁簡單 , 而是軍心動摇了.

我自認為是她最要好的戰友 , 我的心是大大受到衝擊 , 但我不能向其他同事呻 . 我的一句說話 , 可能會令成條 Team 散左 . 少說話多做事 , 用工作去麻木自己 , 可能是最好的方法 . 我不想拋低幾位好同事 , 我跟自己說 , 捱到新貴賓室開幕吧 ! 完成這個創舉先再走 , 相信對得住其他同事 , 亦了結左個願望 . 我都好希望有幸睇到新貴賓室的開幕典禮 .

可能大家對我既去向都好有興趣 , 其實我只係想做師奶仔 , 準時返工準時放工 , 有份夠我用既人工 , 唔想收工仲要聽同事電話 , 睇住個 Whatsapps 去跟返放假日子而錯過既事情 , 亦唔想每日睇成百幾封 E-Mail . 我唔鐘意管人 , 我鐘意比人管 . 我係一個可以做好自己本份既同事 , 但我唔係一個出色既掃把 .






2017年4月20日 星期四

三日兩夜快閃北海道之旅*2017四月 (下)

09-11.04.2017

今個行程得三日兩夜 , 扣左機程 , 實際得返一日半 , 當然唔會有咩景點可以去到 , 而小地勤感興趣既景點其實大部份都去過曬 , 所以一日半都係用黎買買買 ... 今年的買月比較冷 , 上年四月都沒有見到咁多堆雪 . 其他四月的北海道的確無野睇 , 所以大家唔好貪平四月出發 , 會後悔的 .



爸爸個御守爛左 , 所以黎買返一個 . 換左架新車 , 都買返一個箭型既交通御守 . 8 點鐘就到 , 所以無遊客 , 參拜者可以免費泊車一小時 .


下一站余市入貨 , 以及每次都黎依個地方影張相留念 . 今次係我地第 6 次係到影相留念 . 下個月會同老爺奶奶再黎 , 希望 Standby 成功 .

再下一站係第一次去既三角市場 . 每次的小樽除左運河就只有音樂盒 . 今次有少少唔同 . 不過依個市場的確不及函館朝市來得熱鬧 .


第一次來到小樽 JR 站 , 當然要影返張相 .


係附近食個快飯 , 以為係燒豬肉 , 原來係羊肉 , 我對羊一般般 ...


回到札幌當然係買呀買呀買 ... 狸小路 , 地下街 , ESTA ... 行到腳都斷 ! 我要去多幾次北海道 , 將來唔做 Airlines 就無得任性地飛 .






之後返薄野再行再買 ... 再食 . 一到日本 , 晚上就一定要到便利店買雪糕 , 布甸 ...

四月的北海道 , 蟹仲好貴 , 量亦唔多 , 返機場途中在一些小店買左 2 隻 1 KG 長腳蟹 , 6000 Yen 一隻 , 算平了 . 其餘都太貴 , 買唔落手 , 下個月先再黎睇下 .

每次到機場都會去食叮噹餐廳 , 其實我既北海道之旅越黎越無聊 !



三日兩夜快閃北海道之旅*2017四月 (上)

09-11.04.2017

舊年 FOC ( 免費票 , 只需要比機場稅 ) 用剩一套 , 今年 FOC 再來 6 套 , 已經開始為用而去既地步 . 唔用又覺得浪費 , 用又要自己花費 , 所以一訂到平價酒店 , 就要即刻成行 .

今次訂了札幌個間幾受香港人喜愛既 CABIN 溫泉酒店 , 2 晚 2 床房不用 900 蚊 . 本身我係訂左 APA 簿野 520 蚊 2 晚 , 不過諗諗下都係選擇左 CABIN . 對面有泊車場 , 一日 1000 Yen , 自由出入 . 旁邊仲有間好細間既神社 , 附近亦有便利店 .

三日兩夜北海道 , 堅辛苦 ! 下次都係唔咁玩法 , 攰死人 ! 早上 7 點幾飛機 , 自己開架 GOGOVAN 泊機場 3 日 , 仲平過來回坐的士 . 我老公又轉行了 , 依加做 GOGOVAN , 以後都唔洗再 CALL 其他 GOGOVAN 了 , 哈哈 .

香港飛北海道個飛機餐 ... 每次都唔太想食 , 所以先係翠華食早餐 , 禁區間翠華開 6 點的 . 食完就等上機 , 飛左差唔多 5 個半鐘先到新千歲機場 . 日本跟香港有 1 小時的時間差別 .

今次都係 Book OTS 既車 , 由於早左一班機到機場 , 以前起碼 3 點先到 , 依加唔洗 2 點就到 , 多左個幾鐘 . OTS Counter 由以前係樓下 , 轉返去同一層 , 租 Wifi Counter 個邊 , 不過報到完後 , 職員都係會帶返你落樓下個層再上專車去 OTS 攞車 .

小地勤今次係有備而來 , 自己帶定個發泡膠箱裝蟹 , 以及 3 個吉篋 . 去得 3 日 , 衫都唔洗換 , 正係帶訓覺衫同少少日用品就算 , 去程行李重量得 6 KG 都無 .

攞左車 , 即刻開去 BB 日用品店幫我屋企個位小公主入貨 . Birthday 既衫比西松屋貴少少 , 但款式就靚好多 .

我老公好叻夾公仔 , 因為我姨娚囡一句 " 爸爸夾唔到 " , 所以就姨丈出馬 , 幾百 Yen 就攪掂 . 除左依隻公仔外 , 仲有同 Size 的麵包超人 , 以及細 Size 的麵包超人朋友系列 , 咁就帶左一家幾十口返香港. 我家個位小公主 , 由 BB 時代唔鐘意姨丈 , 到依加會行會走會講野 , 知道姨丈夾公仔叻就次次都打電話黎 Order 禮物 , 好現實既 BB 仔 .

今次好有目標 , 所以去左三井 Outlet 買衫買鞋 , 手袋其實都好抵 , 不過我都老了 , 已經無以前咁鐘意名牌子 , 依加我只鐘意平靚正既野 . 去北海道前的一個星期 , 我都有係香港格下價 , 一對 Nike 跑鞋 , 平極都要 500 蚊 , 我係三井既 Nike 店買左一對跑鞋 , 4980 Yen , 其實都幾抵 .

去到三井 , 記住第一件事係到 Information Counter 出示 Passport , 老實講 , 我平日好少上網搵資料 , 係呀妹話我知 , 我先知道有 Coupon , 買野會再多 5 % off . 仲有激安優惠卷 , 可以係網上搵到 , 免稅後再有 discount .


星期日 , 好多餐廳無開 , 所以唯有去拉麵橫町食個拉麵再到激安 shopping . 我地去左比較遠個間激安 , 無咩遊客 , 比較大間同多野買 , 唯一問題係因為遊客少 , 所以當退稅時 , 佢地攪左好奈 , 結果要比現金 , 懷疑職員唔識用銀聯卡 .

其實一直都好想堂食依間鰻魚飯 , 每次都係外賣 , 今次行程既第二晚終於有機會堂食一下 . 即燒即食真係會好味一點 .


每晚都零晨 2 , 3 點先去浸溫泉 , 好似包場咁 , 得一 , 兩個人 , 四月的北海道仲有雪 , 第一晚就遇上了 , 雖然量不多 , 但真係好凍 . 感覺仲凍過歐洲 .

2017年4月3日 星期一

四日三夜遊北京*八達嶺長城 / 頤和園 ( Day 3 ) 2017*三月

12-15.03.2017

今日第一站先到天安門廣場, 拍照留念 .


第二站就係參觀故宮 , 可能相似既景點睇得太多 , 父母興趣已經不大 , 所以都係行下坐下 , 影下相 . 





四團都封路 , 左行右行都搵唔到出口 ... 結果行左入去小胡同食飯食 .


最後一站就係前門大街 , 行左一圈就返酒店休息 . 原來行公園先比較適合佢地 . 第四日 , 寧願話坐早機返香港 , 兩位團友終於完成左北京之行 .




四日三夜遊北京*八達嶺長城 / 頤和園 ( Day 2 ) 2017*三月

12-15.03.2017

早睡早起的生活 . 八點已經出門口 , 坐地鐵到積水潭站向圬樓方向行 , 城樓下面就有 877 巴士去八達嶺長城 , 單程 12 蚊一位 .

未到 11 點就已經抵達長城 , 媽媽第一時間衝去買左 6 斤紅棗 , 佢既指定動作 . 最近有開大會 , 所以每個地方都有公安 , 非常嚴謹.


 幫佢地買好票 , 再送佢地入場 , 相約一小時後再見 . 我本身畏高 , 每次行唔夠 10 分鐘就掉頭 , 所以決定唔再入去 . 出面等 , 起碼有位比我坐下 .





佢地早左少少出黎 , 可能唔想我等佢地太奈 , 門口幫佢地影張相留念下 , 就坐返 877 返市中心.

再坐地鐵去頤和園 . 到站後 , 跟指示去左一個比較遠既門口入 . 平日我地係蘇州街個邊入口入多 , 今次就去左東宮門個邊入 .入場前 , 先係旁邊小食店食返個快餐 , 雞脾飯 $25 , 坦白講難食 ...

東宮門一入就係一堆重點建築 , 影相 , 簡單介紹下 , 就向十七孔橋個邊進發 .


今日都係風和日麗 , 沿住湖邊行下坐下 , 好輕鬆 .



媽媽好開心咁講 , 上年未行到十七孔橋 , 估唔到今年我就再帶佢黎 .

條橋連住個島 , 島上有間廟 , 廟前開滿花 , 好靚.



爬上島上的石山 , 由島上最高點向外望 .


在島上欣賞十七孔橋 .

頤和園內的長廊很出名 , 可惜正在維修 . 園內景點很多 , 值得一再花錢入場 .

大清主張滿漢一家 , 所以會見到好多漢字 , 漢字其實咪係繁體字 , 真係好有親切感 .



係到逗留左大約兩個半鐘 , 其實園內既重要建築都睇過曬 , 但我希望有一次可以自己再過黎沿住個湖行一圈 . 繞過座山 , 由蘇州街行返去地鐵站 , 好近 .