網頁

2019年1月8日 星期二

2019 年的展望

09.01.2019

最近花花航空經常上報 , 嚇倒一眾公司既 FANS .

相信無人希望花花航空倒下 . 花花航空令香港人坐飛機好似坐巴士咁簡單 . 價錢便宜 , 服務唔錯 . 好多人一路鬧 , 都一路繼續支持 .

小地勤在花花航空快 8 年了 . 最近朋友問我有無被 Cut 福利 , 老實講 , 沒有 Cut , 反而加多左 4 日大假 , 由以前 14 日 , 加到每年 18 日 , 過多 2 年 , 小地勤就會有 20 日大假 . 機票暫時沒改變 , 仍是一年 6 套免費票 . 人工 , 每年都是 4 月跟大圍咁加 , 相信今年都沒有例外 .

花花改變左小地勤既生活 , 除左在機場返工 , 基本上小地勤都在旅遊 . 2018 年 , 小地勤去左生仔 , 為左 BB 都留在香港 , 無得出去輕鬆下 .

2019 年 , 小地勤已經做好準備 , 訂好曬酒店 , 決定帶住 BB 四圍去 . 黎緊 , 小地勤將會第一次踏足東京依個地方 , 人人都去過 , 我都想去見識下 .

究竟 , 東京有咩咁吸引香港人 , 小地勤真係好想知 . 日本平酒店 , 平消費地區有很多 , 點解一個酒店又貴 , 消費又高既地方 , 可以吸引到咁多遊客 ?

去完返黎 , 再同大家分享 !

三周年紀念遊。2018。日本中部。五日自駕行程 (Day 5-金閣寺)

23.10.2018

金閣寺 , 相信很多人都去過了 . 但小地勤就第一次去 . 頭 2 次去大阪 , 總覺得關西交通很複雜 , 轉來轉去 , 花很多時間 . 每每都要放棄某些景點. 難得今次自駕遊 , 可以好好補回曾經錯過既地方 .




入場卷是一張平安付 . 


很多遊客 , 好似行年宵咁 , 迫死人 . 幾經辛苦 , 先影到依張相 .



另一邊無咩人影 , 因為無倒影 .


跟住一大堆人 , 迫下行下咁就繞左一圈 .


好似歐洲教堂咁 , 許願點蠟燭 . 遊完金閣寺 , 我們就回機場 . 點知韌場封路 , GPS 帶唔到我地返去還車既地方 . 老公在機場繞左 5 個圈 , 勁驚上左公路去返市區 , 咁就大煲了 . 幸好都去到還車附近 , 走返入去求救 . 順順利利返香港 .



三周年紀念遊。2018。日本中部。五日自駕行程 (Day 5-嵐山)

23.10.2018

小地勤之前去過 2 次關西地區 , 都是買關西 Pass 轉來轉去 . 今次自駕遊 , 就開車上嵐山 . 一直都想去 , 但每次都放棄而留在京都閒逛 . 今次終於成行 .


今日天陰陰 , 渡月橋的風光有點失色 . 




這裡四圍都有穿和服的店 , 及穿和服的女孩 . 有位先生推住 BB 車 , 左一袋 , 右一袋 , 仲要忙住幫個穿和服既老婆影相 兼被老婆話佢影得差 . 佢地有時仲影到非常忘我 , 連個 BB 都推埋一邊就算 . 老公就問我 , 著唔著和服 , 我笑問佢 , 你想好似果個男人咁嗎 ? 


嵐山站 , 被人群掩沒了 


跟著人多的方向行 , 就會搵到好多景點 . 


夏天 , 應該開滿花 , 會很壯觀 . 





最近兩個細妹黎過依間餐廳朝聖 , 本來小地勤都想入去飲杯野 . 點知人多到飛起 , 所以放棄了 . 話說大妹一家三口在大阪 Outlet 買到忘我得制 , 將個背包留底左係 Outlet , 大妹當然好唔開心 . 所以小地勤就出左 2 張機票請 2 個呀妹去大阪 , 攞返個背包 . 有個當地勤既家姐 , 幾好 !


竹林深處人家 . 可惜風雨過後 , 很多竹都倒下了 . 


火車來了 . 很多人都停底拍照 .


開車是很方便 , 但泊車是超貴 . 為左平一點 , 又泊到老遠 . 


晚上 11 點的飛機 . 老公話整個行程 , 都沒有吃什麼好野 , 所以堅持最後一日要食返餐好 . 一個和牛午餐 4000 - 5000 Yen . 小地勤不好牛 , 唔識欣賞 . 我將一半牛分埋比老公 , 見到佢食得咁開心 , 我都好開心 . 





吃飽 , 走回頭路 , 補影返張相 . 嵐山 , 應該唔會想再來了 .


三周年紀念遊。2018。日本中部。五日自駕行程 (Day 4-姬路城/大阪梅田)

22.10.2018

小地勤其實也是東橫 INN 的會員 , 間中都會幫襯一下佢 . 東橫 INN 是包早餐的 , 都是飽肚的食物 . 早上吃點飯 , 整天也有好精神 . 




明天要回香港 , 要準備回程 , 因此經姬路回大阪 . 老公之前來過這餐廳吃飯 , 所以就在這裡中途休息 .



我們買左一條新鮮的活魚 , 再比左加工費 , 就可以在餐廳享用 .


這樣不用 5000 Yen . 活生生的 , 很新鮮 .


老公幫我 Order 了一個魚煲 , 好似係期間限定的 , 好似鱔咁 , 不過味道很淡 , 亦很多軟骨 . 反而那條活魚就真係超好味 , 又滑又鮮甜 . 忘了說 , 我不吃生的 , 所以我將生魚片放落煲內 , 但咁樣做 , 應該是很失體的行為 . 大家別學 .


另一邊有小朋友的角落 . 現在出遊 , 我都會很留意育嬰室位置 , 小孩的設施 . 日本 , 對外遊媽媽黎講 , 設施充足 , 很方便 .



來了姬路城外圍參觀 , 沒時間慢慢行 , 所以影張相就算 . 下次 , 想帶埋 BB 過黎 , 再入城參觀 .




原來姬路城外圍有個動物園 , 300 Yen 一位 , 睇落好似幾大咁 , 仲講到有很多動物 . 小朋友應該很喜歡 . 期待下次跟 BB 的親子遊 .



很可愛的吉祥物


很冷清的商店街 . 



去到邊住到邊的行程 , 就今早比我 Book 到一間 HKD 300 的梅田酒店 . 每次住一晚的酒店房 , 通常被 Upgrade , 今次又被安排了一間雙床大房 .


浴室跟坐厠是分開的 . 很寬敞 .


在附近搵食 . 商店都關門了 .


人在大阪 , 就總要吃章魚燒 .



沒什麼想吃的 , 太累了 . 是是但但吃個拉麵就算 . 就這樣回到大阪 , 執行李 , 準備明天回香港 .