網頁

2014年8月29日 星期五

10 蚊沖印 50 張相

29.08.2014
同事沙沙今日發現左 10 蚊沖印 50 張相既優惠 .

攪到貴賓室同事個個都好雀躍咁去選相片 , 因為依個優惠只係去到八月尾 .

到以下網站 http://www.urphoto.com/hk/default.asp

登入成為會員 , 之後 Upload 50 張相上去 , 依個優惠只限 4 R 既相 以及 只可以郵寄

優惠編號係  URP-043-50FREEPRINTS

最後用 VISA 比 10 蚊就 OK 了 , 希望大家都趕得及優惠完結前沖印 50 張相 .


2014年8月27日 星期三

SeeWide 小地勤點滴

27.08.2014
香港人都比較多用 Yahoo , 如果唔係 Yahoo Blog 無了 , 應該都唔會過黎 Google .

好多人都話係 Google 寫野無人睇 , 又的確係如此 .

不過 , 最近發現依個日記板人流好似多左 , 特別係標題以 " 地勤 " 作開頭的文章 , 開左半年某幾篇文章竟然有成 500 人睇 .

睇黎大家對地勤依個行業都好有興趣 , 所以我都會多 d 上黎寫下日記 .

自從我轉部門後 , 其實工作都好忙 , 忙到已經沒有咩感覺 . 最近擴張了 , 太多新事物 , 所以有好多感想 .

希望追開我日記的朋友 , 唔好厭我太長氣同怨氣重 .

因為做地勤 , 真係長期休息唔夠 , 燥底 , 難免呀 . 不過 , 我每次呻完就會舒服曬 , 就會繼續捱下去 .

地勤比空姐容易入行 , 又唔會要選美咁 , 亦無話一定要語言好好 . 一樣有靚制服及一折機票 , 所以我平日除左寫工作上既煩事 , 野蠻客外 , 亦會寫下外遊心得及分享下 d 靚相 .

如果你身邊有朋友對地勤行業有興趣 , 可以介紹下我個日記板比佢地睇下 .

不過講明先 , 我好少會係依個日記板回覆留言 , 因為比較多用 seewide 的日記 - 小地勤點滴 . 所以如果想問我地勤面試心得或者福利 , 就去 seewide 問啦 , 費事遲左回覆 ^^ !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

2014年8月26日 星期二

都是地勤錯

26.08.2014
又一次引證 : 乘客永遠是對的 , 地勤永遠是錯的

新手 Leader 跟我分享了一單投訴 , 她想請教我會如何處理 , 我聽後只覺得乘客藉口多多 .

某航班 Delay 左少少 , Z 先生入貴賓室時已經知道 Delay 以及貴賓室不做廣播 . 閘口通知登機 , 該航班所有乘客都走了 , 只剩他一個 . 同事 H 發現了他 , 已 Extra 提醒他登機 . 他沒有即時離開 , 拖拉到四十幾分先走 . 而航班起飛時間是正點 .

最後 Z 先生被拒登機 , 因他過左五分鐘先到閘口 . 結果他為遲到付出了 600 蚊代價 . 結果他回到貴賓室投訴 , 要見主管 , 要見經理 . 要一個解釋 !

他覺得同事做得不夠好 , 沒有告訴他閘口遠 , 正係通知佢準備登機 , 攪到佢以為有時間去埋洗手間以及買埋 Duty Free . 最後佢趕唔到機 , 要比 600 蚊改機票以及要多等 8 小時先有下一班機 , 浪費佢寶貴時間 .

貴賓室沒廣播 , 同事 Extra 提佢 , 係同事唔啱 .
1. 沒有提佢閘口遠 ( 全機人都上曬 , 得你上唔到機 , 真奇怪 )
2.  唔知咁快 boarding , 所以先去 shopping ( 同事提左你準備登機 , 你唔信 , 轉頭話人地無講清楚 , 又會有人知你走左去 shopping 都唔上機 !? )
3. 閘口地勤態度差 ( 你遲到 , 人地要因為你做好多野 , 要你比 600 蚊轉下班機 , 就叫唔 helpful 及態度差 ? 唔通應該要你重新買張機票先叫態度好 ? )

一句講曬 , 地勤講太多 , 提太多 , 叫做煩 , 叫唔好 .
遲到 , 唔係自己問題 , 卻是別人問題 , 厲害 ! 世上只有歪理 ?

以前 ,在 counter 也遇過不少類似事件 , 乘客沒 visa , 護照過期或無帶證件 , 係地勤唔 helpful 及態度唔好 . 自己無得去玩 , 好慘 ! 地勤放左你出去 , 打 report , 簽 warning , 無左份工 , 就唔慘 ?

呀姐要我地每人比一個建議 , 如何唔再有相同事情發生 . 我寫了廢話 .
因為我知道對腳生係個客到 , 佢要去邊 , 我阻唔到 , 反正最後上唔到機 , 都係地勤錯 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

競爭才珍惜

25.08.2014
新同事是台灣女孩 , 很熱情 , 很攪笑 . 我很喜歡拍她 , 因為她的 service 真是太好了 , 她生得一副哈哈笑樣 , 根本就討人喜歡 . 她厲害之處是 , 就算客人態度再差 , 她仍能笑臉迎人 , 我自問做唔到佢咁好 .

閒談間 , 佢話台灣人可以為左工作而離開家鄉 . 又話航空界的工作 , 不論地勤定空姐都很多人 爭 , 因為大學生剛畢業起薪點只有 twd 30000 左右 , 但做航空就起碼 twd 50000 起跳 , 所以很多人想加入航空界 . 正所謂 " 有競爭才進步 " , 所以總覺符台灣同事 service 比較好 , 亦看得出她很珍惜這份工作 .

相反 , 在香港 , 要做地勤 , 真係容易過食生菜 , 基本上有眼耳口鼻 , 四肢健全就可以加入我地既行列 . 唔知係唔係因為咁 , 所以香港地勤唔太看重份工 , 個個都想早日離開 , 其實我都係咁諗 , 只不過拖下又一年 , 拖下又一年 , 結果就走唔甩 ...

香港女仔其實比較鐘意當空姐 , 又係 " 有競爭 " , 所以會比較珍惜吧 !

我的星加坡表姐成日跟我說 , 唔明做空姐有幾好 , 點解咁多人想做 . 原因只有讀唔成書既星星人先會去做空姐 , 表姐話唔洗有咩技能 , 識講野就得 , 而且星星人都會講幾種語言 , 所以當日表姐係星星國讀唔成書 , 迫住搵份無咩人鐘意做既工 - 空姐 ... 香港女仔聽到應該好羨慕 .

在香港 , 讀完大學都唔一定考到空姐 . 相反 , 係星星國 , 讀唔成書先要迫住做空姐 . 相差太遠吧 !


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html




 

2014年8月25日 星期一

未出發先興奮

25.08.2014
下年年頭 , 有意跟同事再 STANDBY 到德國 , 真係未出發先興奮 .
一早諗定個行程 , 比同行同事參考下 , 不過 , 我地得一個星期大假 , 機程來回可能都要成四日 .
可能行程有點超趕 , 唔知大家又有無咩意見 .

( Day 1 )
Frankfurt
放低行李 , 立即出發 . 全世界排行第四大的教堂 . 位於小鎮 科隆 Koln .
晚上於 Frankfurt 睡一晚 , 回酒店前 , 到市中心廣場拍攝夜景 .
( Day 2 )
Frankfurt -> Berlin
坐火車由 Frankfurt  Berlin , 大約需時五小時 , 放好行李 , 半日遊柏林 .
參觀勃蘭登堡門
( Day 3 )
Berlin 近郊 - 波茨坦Potsdam , 參觀波茨坦皇宮

( Day 4 )
Berlin
早上遊柏林圍牆及關卡博物館 .
下午柏林市內遊 , 或購買紀念品 , 寄明信片 .
( Day 5 )
Berlin -> Munich
早上坐五小時火車到 Munich , 放低行李 , 市內半日遊 .
 Munich 市政廳及市內最大教堂參觀 .
( Day 6 )
早上先到寧芬堡參觀 , 遠觀免費 , 天鵝湖不能錯過 .
中午前往 Munich 周邊國家 . 奧地利第二大城市 – 薩爾斯堡Salzburg , 到舊城區參觀 .
( Day 7 )
Munich 周邊小鎮 – 富辛 Fussen

2014年8月22日 星期五

差電野的禍

21.08.2014
依件事發生係 21 號零晨 , 航班延誤 , 要等到三點幾先起飛 . 客人電話無電 , 差電又 Check-in 左 , 同事好心幫佢差電 , 結果佢上左機 , 同事終於收工返屋企 . 電話被大家都遺忘了 ...

晨早返工 , 收到 In flight report 話客人投訴貴賓室同事忘記還電話比佢 , 要求同事親自打電話比佢解釋 .

我可以點做 ? 一早返工就屎上身 . 我認 , 我睇人黎幫 , 我相信同事一時忘了 . 件事呀姐不可以不知道 , 又要 Report , 但最怕令同事覺得我有心對佢出黎 .

我幫口 , 結果呀姐仲嬲 . 呀姐要知道真相 , 但我唔係當事人 , 真係講唔到真相出黎 , 只可以講返自己平日做法以及如何避免 .

事後 , 某同事話我幫口幫得太明顯 , 呀姐先咁嬲 . 不過我唔後悔 , 因為我唔介意呀姐點睇 , 我會盡量幫自己同事講好說話 , 同事知道我有幫佢而唔係對佢就達到我既目的 .

就算呀姐再嬲 , 佢都會想方法幫我地解畫 , 我好有信心 . 佢會攪得掂個客 .

呀姐應該會同客人講 , 你係要投訴我同事 SERVICE 太好 , 見你無差電器 , 就太好心借自己既私人物品比你 . 佢最唔啱就係好心借野比你但又唔記得提你 , 的確係我同事唔啱 , Balabala ...

呀姐講野一向都好叻 , 放大 extra service , 我平日聽佢講野都學到唔少技巧 . 其實雖然佢有少少情緒化 , 但佢的確係一位幾好既呀姐 .

事後大家討論, 覺得其實個客本身無打算投訴 , 但公司既客中主管為左唔令客人煩佢或調轉要投訴佢地 , 往往都會附和客人 , 令客人越諗越嬲 .

同事幫你差電 , 你走都唔提你攞返部電話 , 咁過份 . 其實佢應該親自掴返過黎比你囉 !

如果你係個客 , 第一反應係空中小姐好明白我心裡諗咩 , 好好 !

第二個反應 , 個地勤有無攪錯咁都唔提我 .

所以我公司地勤跟空姐可以話係對立咁制 . 大家應該學下我呀姐 , 咩先叫說話藝術 .


*** 溫馨提示 : 差電要跟身 , 特別係長途機 **

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379.html








2014年8月13日 星期三

澳門三日遊 2014 ( Part 5 - 氹仔 )

坐免費車由美高梅到 Galaxy , 再由 Galaxy 行去氹仔 , 終於搵到依盒飲品 , 聽聞係澳門限定 .


身為澳門人既男朋友竟然無食過依間好出名既木糠布甸 .好奈以前食過 , 越來越貴 .


芒果味 , 似唔夠凍既雪糕 .


成條街都係賣手信同試食 .


今次無去大三巴 , 唯有同個小小大三巴影相 .


在澳門 , 每天也要行斜路 . 喘曬氣 .


印象中 , 有個湖仔係中間 . 係一堆葡式建築旁邊 .


澳門有好多教堂 , 好靚 .依到仲見到好多對新人影婚紗相 .


天時暑熱 , 係湖邊散下步 , 可以消暑 .


葡式屋 , 以前可以入內參觀 , 遇正星期一 , 又關門了 .


下次黎澳門 , 唔好選星期一 , 太多地方關門了 .

澳門三日遊 2014 ( Part 4 - 中法獅展之旅 )

在香港有看到什麼 " 法國五月 " " 中法師子 " , 所以黎開澳門就去看看 . 在香港碼頭四圍也有在賣廣告 .


 原來個展覽設係賭場內 , 依個美高梅既賭場 ,顏色以金銀銅為主 .


附近景色不錯 , 可以看到觀光塔 .


 金光閃閃 , 超浮誇 ... 仲要馬下一堆同肥穿住窄身花恤衫 ,閃閃黑黑的窄身褲 , 我心諗 " 咩料 , 洗唔洗咁襯 !? "


可能個保安想哄我開心 , 竟然查我身份證 , 好多人話我唔似三十 , 但未至於似十幾掛 . 搵左陣間 , 先搵到個展覽區 .


結果發現 , 澳門大部份地方於星期一休館 . 好采門口都有幾隻獅子睇下 .



酒店大廳設計得好靚 , 有好大個魚江放係中間 . 一場黎到就睇下魚 , 估唔到仲有魔鬼魚同沙魚 .


不過 , 我用電話當然影唔到 , 魚游得太快了 ... 睇下魚又過左大半日 .











澳門三日遊 2014 ( Part 3 - 魚翅一條街 )

每個地方總有一個大廣場 , 澳門也一樣 - 議事亭前地 .這幾天澳門都天晴 , 我很怕曬 , 但又很矛盾地想見到大太陽 , 大太陽的日子 , 心情特別的好 !

來這裡的目的是要買手信及食翅 .


其實係附近的橫街 , 這條街有很多食翅的小店 , 格過價 , 一般都係 50-100 不等 .


很古色古香的窗 , 很好看 . 我很喜歡看窗及看燈 .


我們隨便入了一間試下 , 因為佢門面比較好看 .


價格很親民 ,而且選擇可多 , 平有平食 , 價有價食 . 唔明點解香港食翅咁貴 , 澳門就咁平 ... ?


內裡格局 , 很簡單 . 得幾張枱 .


濃湯花膠雞煲翅 , 的確很濃湯 , 很鮮甜 , 有件雞 , 幾件花膠及魚翅 , 好似好真材實料咁 .


翅客 , 用沙煲上 , 仲要好滾咁上 , 有少少似比較清既碗仔翅 .


如果大家下次到澳門 , 都可以黎依條魚翅街行下 , 平平地食一次都唔錯 .

2014年8月12日 星期二

澳門三日遊 2014 ( Part 2 - 路環 )

原來澳門分為三部份 - 澳門 , 氹仔及路環 .

男友的朋友知道我鐘意飲咖啡 , 車左我地去路環的漢記 ,以手打咖啡最出名 .


雖然天氣好熱 , 間店又無冷氣 , 但我仍決定來一杯熹咖啡 ! 咖啡很濃味 , 很香 , 但有點太甜 .


黎澳門當然要食豬排麵 , 不過男友話辣魚麵仲好食 , 而且係成罐辣魚咁上 , 好似好抵食咁 !


豬排芝士多 , 超好味 ! 好味到引來一堆野狗把我重重包圍 , 我怕狗 , 特別係野狗 , 四隻狗圍住我 , 等緊我比少少佢地食 , 比佢地咬一啖 , 我死緊 .


在這裡四圍行下 , 從前是一間大型船廠 , 現在澳門轉型了 . 它已被人遺忘 .


來到碼頭 , 買海味 . 有點似大澳 .


對面就係大陸 , 原來咁近 .


今日係大潮退 , 好多人行左落去玩水 .


沿海邊行 , 有間教堂 , 聽聞成日有人黎拍電影 .


教堂內有天后的畫像 , 有點格格不入 .


今晚我地就會係到食晚飯 , 食葡國菜 . 夜晚好多人係到食飯 , 等左陣都無人理我地 . 不過 , 出門靠朋友 , 男友朋友住附近 , 幫我地打聲招呼就有張 2 人枱 , 厲害 !


趁天未黑 , 繼續散下步 . 黎到依到無路再行 , 返轉頭食個葡撻 .


最正宗係依間 ? 聽聞係第一間店 .遠遠就聞到香味 . 比貴賓室的好吃 .


去澳門 , 會想吃葡國餐 . 聽說這間店很出名 , 男友朋友也很推廌 . 晚上人超多 , 要吃就要早點來排隊 .

 
老闆叫我地點 3 個菜就夠 , 但我地眼寬肚窄 , 結果打包左一碟 .

很好吃的葡國雞 , 一送上來就被 ko 了 , 很香 , 汁又濃 , 送飯一流 .


薯茸馬介休 , 好厚肉 , 超好味 . 但太大碟了 , 吃剩 3 分 2 .


燒牛仔骨 , 我唔好牛 , 只吃了一點點 , 不過很野味 . 旁邊的薯條 , 我全 ko 了 , 因為超好味 !


我唔鐘意食魚 , 特別係多骨的魚 . 男友轉眼就吃了一大條 , 應該很好吃吧 !


澳門三日遊 2014 ( Part 1 )

星期六日及星期一二都放假 , 原本打算去沖繩 , 後來妹妹又話唔去 , 所以男友帶我返佢鄉下 - 澳門 .

其實我好怕坐船 , 所以好少去澳門 . 第一站係聚龍軒 , 樓上係酒樓 , 樓下係玩具店 . 男友話澳門唔太多人賣玩具 , 雖然舖頭好少開門 , 但都仲賺到少少零用錢 .

其實 , 店面比較細 , 但貨又多 , 真係有點混亂 . 坐係舖頭等客到 , 見到好多人入黎 , 但又唔買野 , 心裡面好膽心 . 我地每日返黎開一個鐘 , 但都有人買野 , 睇黎好多野係急唔黎 , 要買自然會買 .


不停有路過的人企係門口睇野 , 又不停聽到有人話依套好貴 , 要儲曬會破產 . 我心諗這些也是男友興趣 , 你肯出錢佢都唔會賣你 , Display only !


新八百伴 , 聽到個名就想去睇下 . 天氣熱 , 行下商場都幾好 , 買左幾罐辣魚比媽咪試下 , 但原來士多仔比較平 , 做左水魚 .


男友由細食到大既麵店 , 人老了特別鐘意回想當年 .


是一間老店 , 家庭經營 . 香港的老店就快消失掉 . 所以要支持老店經營下去 .
我的豬排麵配咖啡 . 每朝我無咖啡奶茶 , 就會心掛掛 . 


這是另一間店 , 吃緬甸食物 , 門未開 , 已經有人在等位 , 店一開 , 不停有外賣 . 應該好受當地人歡迎吧 !


男友姨媽推薦的三樣美食 - 咖哩雞湯麵 .


炸大腸撈麵 .


以及魚湯粉 , 每樣都很好味 .