網頁

2015年1月23日 星期五

歐洲自由行 * 2015 ( 柏林市內遊 II - Day 3 )

05 Jan ( 住 Berlin )

其實早上遊完好幾個地方後 , 小地勤走左去 Shopping 大半日.

因為好多台灣人介紹依個柏林最大既商場 , 裡面有好多名店 . 聽講賣 Longchamp 好平 , 所以就去打個轉 , 結果只係比香港平得百幾蚊 . 講真 , 有時機場比員工個優惠仲平 , 小地勤洗鬼係歐洲買 . 再一次誤信台灣網站 . 小地勤覺得台灣人成日依樣話必買 , 個樣又話好抵 , 但都只係好普通 . 只可以講 , 自己唔去過 , 的確會信以為真 .

男友老闆知道小地勤係歐洲 , 想益我走水貨 , 仲肯比幾千蚊我賺 . 可惜有些錢唔係小地勤可以賺到 , 我張卡邊有本事碌兩個手袋 , 總值三十萬 ...

係到遇到火車站個間 " 萬寧 " , 依間好大間 , 有成兩層 , 好多野買 . 係到買左一堆零食 , 去歐洲 , 少不免買一堆朱古力 , 小地勤仲順便買埋拜年用既禮盒 . 另外類似康鈣 C 既東東 , 一支先賣 0.45 歐 , 買左好多條送人 . 其實小地勤平日係無飲開架 . 不過真係好平 . 茶包 , Handcream 更是小地勤至愛 . 今次小地勤仲專登買一些香港無既德國牌子 , 仲即時開緊支 Florena Handcream 用 , 好滋潤 . .


小朋友專用推車 , 大有大買 , 細有細買 .

遇到 NIVEA 專賣店 , 結果又買左一堆 . 全部德國製造 , 平日香港見到的好似係廣東製造 . 聽聞德國對 "藥" 很嚴格 , 所以買得很開心 , 用得亦很安心 . 不得不提係買過 25 歐可以退稅 , 不過有些店要賣過 40 歐先有得退 , 買之前可以問一下甿幾多先有得退 .

Shopping 完出黎 , 個天都全黑了 , 四圍既聖誕燈飾都亮起來 .


Berlin 都亮起來了 . 小地勤 , 身在柏林 !

又遇到一個等拆既聖誕市集 .

路過柏林環 , 附近的偉廉大教堂就下篇先再講 , 相實在太多了 .

買買下野又遇到一隻柏林熊 , 洗唔洗咁多做型呀 ?

小地勤跟同事約好 , 每日要食一餐好 . 晚上食半隻燒雞同一個中東夾雞肉包 , 約 7 歐 . 好飽好飽 .


沒有留言:

張貼留言