網頁

2015年1月19日 星期一

心情大起大跌

19.01.2014

尋晚既 Bangkok Last Flight 因為某幾個原因 , 飛機早到都要 Delay , 早早就收到消息話最快都要等到 0330 先起飛 .

一 Check System , 小地勤跟拍檔心裡涼了一節 , 因為有 1 個 C Class Booking , 所以都打定輸數 , 一心諗住 OT 到永遠 ...

晚上2200 多 , 突然有個 Last Flight Passenger 出現 , 可惜佢唔係 C Class 乘客 , 而係一個隱形 Sliver Card Member . 小地勤心諗 , 好采趕到幫佢轉去 0000 既 Bangkok 機 , 對住一個 Long Delay 既乘客 , 仲好過對住兩個 .

晚上 2330 , 再 Check System 發現原來的 C Class 乘客消失了 , 仔細一看 , 原來那位客人 2303 趕到 Check - in 0000 既 Bangkok 機 , 那一刻忍唔住跟拍檔 " Yeah " 左出黎 . 無商務客及金銀卡會員的 Last Flight 實在太可愛了 , 代表小地勤可以準時收工 .

晚上 0000 , 當前面的 Bangkok 機飛走曬後 , System 顯示 Last flight 多了兩名商務客 , 幸好他們是員工票 , 不可使用貴賓室 , 一心以為會甩難 .

點知係收工前 20 分鐘 , 貴賓室來了一位少少勞嘈的商務客 , 個刻真係心情跌到落谷底 . 客人唔高興入到黎先知 Delay , 其實我都好唔明 , 一早就 Set 左 Delay , 點解佢會話唔知呢 ? 細問下佢應該一心以為飛機飛 0205 , 可能未聽完同事講野就急住去閘口 , 到左閘口先見到改飛 0330 . 咁既機佢咁趕住入黎 , 未食野都好正常 , 點知黎到貴賓室 , 小地勤仲要同佢講得 Cup Noodle , 佢一聽到就黑左面 , 都係好正常 .

客人唔高興 , 又要打 Report 自保 , 但小地勤最唔明係 , 明明 Last Flight 兩位乘客都轉走了 , 何解多左個客都無人通知 ? 最直接就係打出去 Check-in Counter 搵佢地大佬問下 . 原來個客係由明晚的 Last Flight 改過來的 . 小地勤就同 Counter 大佬講 , 下次記住提下個客貴賓室咁夜係無野食 , 比佢有個心理準備 . 亦順便提佢地 , 下次多左 Walk-in 客係 Long Delay Flight 時 , 麻煩通知一聲 .

本以為件事咁就完結左 . 點知大佬個大佬唔夠 10 分鐘就打黎插小地勤 , 話你地又唔係停電 , 又唔係要關門 , 點解收多個客要通知你 ? 小地勤就解釋返話個客唔太高興 , 所以先打出 Counter 暸解下咩事 , 先再入 Report . 而且航班 Long Delay , 又突然多左位乘客 , Counter 知道都唔出聲 , 好似唔太合理 . 大佬個大佬就話點解要提你先 ? 小地勤就再答 , 其實客人連貴賓室無野食都唔知 , 佢唔太高興 , 如果小地勤入落 Report , 所有高層都會知道依件事 .

公司係好重視客人既投訴 , 你做大佬唔會唔知掛 ? 假如你當時收左依位客人就通知聲 , 我地就可以早早同客人交代無野食依件事 . 大佬個大佬聽到小地勤話要入 Report , 就即刻話 " 唔該曬 " 同跌落地拿札沙咁講 " 以後互提 " .

" 互提 " ? 你唔打比我講收多個客 , 我又點知要提你 ? 唔通要小地勤每晚都打電話提你 " 記住 Long Delay 既 Last Flight 收多左客 , 記住提貴賓室 .... " 比著其他大佬早就通知左貴賓室啦 , 點會好似佢咁唔通知 , 人地提佢 , 佢調返轉插人 .

唯一慶幸 , 小地勤交足戲 , 跪求客人食杯麵 , 個客起初都好嘈 , 不過同佢講左好奈唔好意思 , 再加上佢知道左貴賓室平日係收 0200 , 但今日因為佢先要 0330 . 佢即時轉左口氣 , 唔好意思前唔好意思後 , 大家互相覺得唔好意思 , 之後佢就比左卡片我 , 歡迎小地勤去佢個東芭樂園玩 . 果然比足面佢 , 佢就唔嘈 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

沒有留言:

張貼留言