網頁

2015年1月21日 星期三

歐洲自由行 * 2015 ( Potsdam - Part III - Day 2 )

04 Jan ( 住 Berlin )

Neues Palais > Schloss Charlottenhof > Chinesisches Haus

才三點多 , 天就開始日落咁 , 太陽露臉既時間超短 , 所以要爭取時間 , 係天黑前影多幾張相 .

發現行去 Neues Palais 相信會比坐巴士快 , 因為等車既時間都足夠你行左過去 .

Neues Palais 係依到最大既建築群 , 但人卻不卻 Schloss Sanssouci  多 .

另一邊正在維修 . 其實冬天黎睇景點就要有預左會見到四圍維修既心理準備 .


好采仲有一邊係開放緊 , 可以影返張到此一遊照 .



依到好感覺好似梵諦岡外圍的迴廊 .

旁邊有紀念品店 , 入去買左幾張 Postcard 寄比自己當手信 . 希望唔好再寄失啦 . 真係好心痛 .

行左一圈 , 又去返巴士站 , 今次要坐 605 或 606 , 因為小地勤要去 Schloss Charlottenhof . 點知黎到就真係好失望 , 明明地圖顯示到好大好靚咁 , 但 ... 大家睇下張相 , 就明白我有幾失望 . 原來真實既佢 , 係好細好細 , 同香港既公園仔小賣店差唔多大 .

見天仲未黑 , 所以決定去埋 Chinesisches Haus , 係一個中國式既小屋 , 有很多金光閃閃既中國人像 . 可惜維修中 ...

本來仲打算返火車站 , 再轉巴士去 Ruinenberg 睇下 , 明信片見到有點似羅馬廢墟 . 可惜行到天黑都唔見佢既真身 , 唯有帶住遺憾咁同 Potsdam 講拜拜 .

相信有生之年 , 小地勤都唔會再黎 Potsdam 既啦 , 因為對比起歐洲其他宮殿及小鎮 , 依個地方只係好普通 . 去一次就夠了 .

沒有留言:

張貼留言