係柏林的第一晚超好訓 , 起碼訓左十二個鐘 . 晨咁早起身執行李 , 再食埋個酒店早餐 . 小地勤又係時候出發 . 今日重點係 Potsdam .
早上的柏林 , 四圍都好多圖鴉 . 今天天氣仍是很冷 , 但卻沒有雪 .
係前往 Potsdam 前 , 有一件重要既事要先做 , 就係換酒店 . 單程 AB 區賣 2.7 歐 , 今日要去的 Potsdam 在 C 區 , 最抵做法係買 Berlin ABC 一日票 . 這是地鐵站 ( U ) 內的售票機 , 有英語的 , 不太難 . 佢有兩面 , 一面只收 Coins , 另一面就紙幣 + Coins . 不過要留意只收 20 歐元以下的紙幣 .
Berlin ABC 一張賣 7.4 歐 , 約 HKD 74 蚊 , 用足一日 , 算很抵了 .
上車前記住找黃色機打卡一次 , 印上日期同時間 . 不用每次出入都打卡, 打一次就夠了 .
坐地鐵到站後 , 門不會自動開的 , 要按制先會開門 , 記住喔 !
U7 轉 U2 線 , 很快就到新酒店 . 附近有間教堂 , 景色唔錯 .
放底行李後 , 又要再坐地鐵去最近的火車 S7 線 .
等到一班聖誕為主題的地鐵 , 德國的聖誕市集真的很出名 .
S7 向 Potsdam 方向坐到總站 . 坐了大半個小時就到 Potsdam .
其實小地勤只知道到柏林 , 不可錯過市郊小鎮 Potsdam , 鎮內有一座忘憂宮 , 黎歐洲參觀皇宮是少不免的 . 到左車錯 , 找了一會才找到 Information Counter 比左 0.5 歐買地圖 . 向忘憂宮出發 . 順帶一提 Berlin ABC 可以坐 Potsdam 內的交通工具 . 而 0.5 歐的地圖有埋巴士行經路線 .
根據地圖顯示 , 坐 695 就會到忘憂宮 . 上到車 , 有顯示版清楚顯示下幾個站 , 大部份人都係依個地方落車 , 所以都不用擔心 .
一下車 , 第一眼的景色 , 大風車及賣藝人 .
沒有留言:
張貼留言