網頁

2015年1月27日 星期二

歐洲自由行 * 2015 ( 帝國國會大廈 - Day 4 )

06 Jan ( 住 Berlin )

黎到柏林有一個景點係所有人都好推介 , 就係參觀國會大廈 .

前往國會的路上 , 發現了坑渠蓋上的國會大廈 .


國會大廈的位置就係 勃蘭登堡門 後面 . 很容易搵到 .

比返個正面大家睇下 , 相信大家係好多明信片到都見過依個景點 .

依個景點係免費參觀的 . 想成功參觀到 , 最好先到網上預約 . 淡季有樣好 , 人少 . 可以早點入場 . 依個地方正係得最頂既平台先開放比遊客參觀 , 一入場 , 就要過保安檢查 . 小地勤過完保安檢查後 , 掛住影相 , 跟甩左個領隊 , 結果要企係門口再等另一個領隊帶入場 , 超樣衰 !
https://visite.bundestag.de/BAPWeb/pages/createBookingRequest.jsf?lang=en

一入國會 , 領隊會帶所有遊客入 lift , 直接上到頂層 , 之後就會同我地講 88 . 因為小地勤係網上選擇了自己遊 , 反正跟團 , 以小地勤既英語能力 , 相信係白聽 .

國會最出名就係依個透明大拱頂 . 參觀前記住攞返個免費既 Audio Guide . 就咁睇唔會覺得個拱頂有幾大 , 加埋小地勤係唔係好大對比 ? 小地勤真係好細粒 .

係平台行左一圈 , 好大風 , 好凍 , 即刻入返去拱頂裡面 . 平台有間餐廳 , 個標誌竟然係用國會個樣 , 好可愛 .

由底層向上望 .

可以圍住個拱頂兜上去 , 好似好高咁 .

小地勤準備去挑戰一下 . 由踏入依條路 , Audio Guide 就會自動開始 .

可惜今日天氣唔好 , 好大霧 , 講真 , 咩都睇唔到 .

亦講真 , 去到第三個圈 , 小地勤決定放棄 . 因為真係好驚呀 ! 行到咁高 , 我怕我轉頭落唔返黎 ... 

咁難得行到第三個圈 , 當然要拍到此一遊照 . 小地勤個同事早就掉底左我 , 好開心咁行左上去 T.T

係底層有少少國會既簡介 , 國會以前係傳統既歐洲教堂式拱頂 , 大戰受到損毀 , 改為現在既現代化透明拱頂 . 德國人專登係受損部位改建 , 而唔選擇重建 , 可以睇出佢地幾勇於面對依段歷史 .

半個鐘之後 , 同事終於落返黎搵小地勤 . 聽佢講 , 上到頂咩都睇唔到 . 留左係國會一個鐘頭後 , 就還返個 Audio Guide , 直接搭 lift 出返去 . 完成國會之行 .



沒有留言:

張貼留言