網頁

2015年1月16日 星期五

熟客之夜

16.01.2015

一日之內 , 撞到 3 個熟客 . 原來 , 小地勤客緣都真係幾好 , 所以佢地好鐘意搵我 .

有一個菲律賓藉的 , 我都唔知點解佢會做左我熟客 , 總之每次知道佢黎 , 我都會盡量閃開 , 費事甩唔到身 . 一講就收唔到聲 ...

有一個係台灣人 , 佢好麻煩兼貪小便宜 , 仲經常話要投訴我地同事 . 出奇地 , 一個咁貪心既人 , 都有買零食送我 . 最出奇係同事講得啱 , 佢每次見到我都即刻笑笑口 . 攪到同事成日笑小地勤 , 話依個客好明顯鐘意我 ... 為免麻煩 , 依加我一知道佢黎左 , 都係會閃一閃開 . 當然 , 撞到正就無法啦 ! 始終係客 , 見到面唔打個招呼 , 下次分分鐘玩我 , 咁就死得 .

有一個係香港人 , 佢同某電視藝人個樣好似 , 我仲好記得當日打風時 , 我被人圍住鬧 , 佢幫我解圍 , 之後算叫做左朋友 . 係 Facebook 都會傾下計 . 每次佢坐機都會同我打聲招呼 , 超 Nice .

簡中同事亦會係我放假時同我講 , 有客黎搵我 , 同我打招呼 .

其實做到朋友咁都幾好 , 起碼 Delay 起上黎時 , 會易話為些 . 不過 , 有時因為佢地太想同我吹水 , 都會攪到我做唔到野 , 對其他同事唔係咁好 . 因此 , 小地勤有時都會閃開 , 費事甩唔到身 , 咁就麻煩到同事 , 我會唔好意思囉 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html




沒有留言:

張貼留言