網頁

2014年9月27日 星期六

飛機生病了

28.09.2014
最近返左兩晚夜更 , 第一晚一直好順利 , 只係多客而已 . 可是收工前卻發生了 Bali 航班 return bay ( 已飛出去的航班 , 掉回頭 ) , 原因係其中一個引擎出事 .

聽聞 , 當時引擎突然係空中噴出火花 , 那邊廂的乘客全看到依個畫面 , 有夠恐怖 . 雖然小地勤知道 , 飛機就算死左一個引擎都仲可以飛 , 但聽到都覺得好驚 !

亦聽聞 , 當日的機長 , 即時 turn off 出火花既引擎 , 並在空中放油 , 由出火花到一直出煙咁回到香港 . 好采機長冷靜 , 放左油 , 如果唔係可能會大燌炸 . 同事話見到機長落機個刻個樣謝曬 . 看來當時情況真的好緊急 .

假如發生依種事 , 我以為正常人都唔會因為 delay 而嘈 , 我以為佢地經歷完咁恐怖既一刻會乖乖地等公司既新安排 . 結果我錯了 ...

沒想到會有外國人黎貴賓室嘈 , 雖然只係嘈左一陣 , 但我心裡已經唔開心 . 一黎唔可以準時收工 , 二黎唔明點解乘客咁唔體諒 , 真係比幾千蚊就當自己係皇帝 ?

回想外國人一句話 " This is your company problem ... balabala ... "

我口講 " sorry " . 心中其實好想講 " Sir , you so lucky , you still alive ! "

點解唔可以欣賞一下公司咁都無出事 , 仲可以令你安全回到地面 ? 難道你想機長堅持出住煙咁用剩下既引擎飛到去 Bali ? 咁你先滿意 ?

那天後 , 小地勤仍是上夜班 , 好采有靚腳返工 , 如果唔係點樣捱 ?

全部飛機 delay , 因為兩架飛機壞了 , 一直等消息 , 無時間 , 再等消息 , 無時間 ... 客人算係咁 , 等左成 4 , 5 個鐘先飛到 , 有無好嘈 ? 唔算 ... 不過我地班地勤真係好忙 .

貴賓室擴大後 , 唔知點解 paper work 多左好多 . 由當初的 60 幾客到現在的 3xx 客 . 經理好似都唔太滿意 , 可能上頭被壓力佢要用貴賓室賺大錢 .

其實 , 最近我地一班同事真係好討厭返夜 , 因為人既體能去到十一點打後就真係會下降 , 但最近收多左兩間公司既客人 , 每日突然多左百幾人 . 小地勤老啦 , 真係頂唔住 ... 真係好辛苦 .

眼見同事個個都有同感 , 我好驚 . 因為我真係打算做到生仔先唔做架 , 最近亦開始儲錢 , 我好怕有同事頂唔順就 resign . 其實貴賓室真係一個同事都不能少 , 否則就會放唔到假 ...

對高層黎講 , 人頭夠就 ok , 但對同事黎講 , 多一個新同事 , 大家都會辛苦好多 ...

經理成日問我地有咩問題可以講出黎 , 但小地勤都唔知點講 ... 其實 , 只要經理自己黎坐一日 , 相信佢會發現好多問題 . 人地講係無用既 , 自己感受最實際 . 不是嗎 ?

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

表揚信風波 ( 下 )

28.09.2014
唔知點解 , 旅客成日漏電話 , 今次係漏左係保安檢查到 . 妙妙即時幫客人處理 , 致電相關部門後 , 再安排靚靚帶乘客到 Check point 取回電話 . 其實本來帶客人 , 並不需要靚靚去 , 靚靚開到口話要去 , 明眼人都知原因 . 當天有好幾位呀總會來 , 靚靚想避開依段繁忙時間 .
**剛好前天新手 Leader 得到一張大老闆的表揚信 . **

電話事件後 , 又過了幾天 . 靚靚好開心咁跟掃把講 , 有客人 E-mail 左封表揚信比去仍係公司既 Personal E-mail 到 , 靚靚講到唔知點解無啦啦會有客表揚佢咁 . 

同一時間 , 眼利的掃把卻看到封 E-mail 有 " RE: " 以及 " HiHi , do u remember me ? I m 靚靚 " . 掃把當時沒出聲 , 只是跟小地勤一班 Leader 及經理講出自己眼見的事實 . 最令人覺得佢有問題既一點係 " 正常一位客人又點會有我地既 personal E-mail 呢 ? "

經理好快就收到靚靚 forward 出黎既 E-mail , 最攪笑係靚靚成廿幾歲女 , 連電腦基本技能都唔識 , 既然講到無啦啦有人表揚自己 , 做咩唔 Delete 左 " HiHi , do u remember me ? I m 靚靚 " 依句說話 .

靚靚目的太明顯 , 就係想要公司表揚自己以及要經理重視自己 , 經理看到依封 E-mail 對佢好反感 , 而靚靚卻不自知 . 經理真係好好 , 幫佢 delete 左個句野 , 並 send 比高層 .

其實全世界都知道依件事 . 靚靚一向都喜歡無惱地邀功 , 好多次害全部同事被人鬧 , 初初經理話小地勤依班 Leader 無好好教好佢 , 仲覺得我地攪事 , 令同事仔都討厭靚靚 . 到今時今日 , 連經理都對靚靚反感 , 可想而知 , 自作聰明 , 又邀功 , 最重要係會閃避 case 及無表現既人 , 就算小地勤及班同事再大方 , 都無可能會鐘意佢 .

小地勤跟靚靚做左成三年幾同事 , 亦有好多次因為我幫左個客 , 而靚靚就攞住表揚信去想收我既果 , 我寧願一拍兩散 . 

每次都跑過去同客人講 , 我幫左你既事 , 唔可以比高層知架 , 因為我無跟公司指引去做 , 我知你感謝我 , 但如果你寫左張表揚信 , 小地勤就死定了 . 客人通常都話唔好意思 , 我就即刻收返張表揚信 . 

大家知道嗎 ? 依 d 本來屬於我既表揚信上面 , 早就寫上靚靚個名 . 小地勤只是普通人 , 我都好小氣架 . 我每次發生依種都會話曬比全世界聽 , 因為佢真係太可惡了 .

小地勤真係唔明 , 一張表揚信值多少錢 ? 有必要咁做嗎 ? 

難聽 d 講句 , 我究其搵個熟客或朋友幫我寫幫表揚信比公司都得 , 洗咩做咁多蠢事 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html




2014年9月25日 星期四

表揚信風波 ( 上 )

26.09.2014

新手 Leader 最近收到一封某旅行社大老闆給予的表揚信 . 令新手 Leader 很不開心 . 原因是這樣的 ...

新手 Leader 剛入職時 , 也遇過依位第一句就問 " 你知唔知我係邊個 " 既大老闆 . 當時 , 她不知道 , 並循例先 Reject , 再去問人 . 她記得當天這位大老闆很不高興 , 因為新手 Leader 不認得他 .

最近 , 這位大老闆又來了 , 他當然不會記起新手 Leader 這個小人物 . 而今次又撞正新同事 , 新同事又係被問 " 你知唔知我係邊個 " . 廿幾歲女會知道你係邊個就奇 , 你又唔係明星 .

大老闆又黑臉 . 剛好新手 Leader 看到這一幕 , 馬上上前跟大老闆打招呼 . 大老闆即時覺得自己好有面子 , 事後仲寫表揚信過佢 .

新手 Leader 為此唔開心 , 因為覺得大老闆並唔係真心覺得佢服務好 , 只係覺得有人認得佢就好威好有面 .

依封信係由高層 send 出黎的 , 所以新手 Leader 得到高層表揚及小禮物 . 無奈新手 Leader 覺得這不是表揚 , 更不值得高興 .

其實小地勤也很明白這種感受 . 我地係真心希望幫客人解決問題 , 但公司卻希望我地幫左人要有表揚信 . 普通的表揚信公司並不重視 , 正係重視依種大老闆 . 他們正係要我地比足面佢 , 令佢覺得自己好有面 , 咁樣我地先叫好服務 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html


純樁油

之前提及過 , 想買支髮油試下 , 但見香港賣的都比較貴 , 所以上次去大阪時 , 在藥店買了兩支香港沒名氣的髮油 . 價錢全是 800 Yen 樓下 , 即現在的 HKD 五十幾蚊 .

回來香港還是夏天 , 小地勤迫不及待想試新野 , 結果發現太油了 . 因為買了兩支 , 所以把其中一支送朋友 .

最近很有秋天的感覺 , 整個人都是乾乾的 , 很不舒服 . 先不說頭髮了 , 最嚴重係對手 . 加入貴賓室後 , 可能之前洗碗太多 , 每次轉季 , 對手又紅又痕 . 上網看看解決方法 , 都係飲多點水及塗 Handcream .

巧合下被我發現某台灣女生日記建議 Handcream + 純樁油 , 試了兩晚 , 對手唔在痕 , 好神奇 !

本來小地勤買這支純樁油目的是塗頭髮 , 看了台灣女生的介紹先想起這支油可以塗身體 !! 早知就不送人 , 留返自己用 ...

大家下次去開日本旅行 , 可以到藥台買返一支傍身 . 不用出名的 , 有時香港沒見過 , 反而更好更平 .

這是我的萬用純樁油 . 決定去歐洲也帶定它 , 頭髮身體都需要它 ^^ !


2014年9月18日 星期四

小地勤本領

19.09.2014

今天台北的航班延誤了 , 基本上飛機遲到因大陸空管 . 之後再遲因台北機場宵禁 . 其實別要求每個地方都要跟香港一樣 24 小時工作 , 好嗎 ? 香港人真的很辛苦 !

話說台灣男生是一名於某大學教法律的老師 , 一來到貴賓室 , 聽到航班延誤 , 他很不滿 , 一直在抱怨公司怎樣怎樣不好 , 害他趕不到五點多的台北機 , 被改到晚上十一點多 , 結果卻收到延誤消息 .

在小地勤眼中這樣的事情經常發生 , 處理得好只是抱怨 , 處理不好就是投訴 .

可能我個子不高 , 聲音 ... 不害羞也要說一句 " 甜美好聽 " , 從前的我不知道 , 後來太多人告訴我 , 我就知道自己天生有一把好聽的聲音 , 再加上我對住客人都是比較好笑容 , 亦很會扮無辜 , 所以幸運地避過投訴 .

今天我跟這位台灣先生 , 談了很久 , 由聽他抱怨到吹水 . 後來 , 交換 facebook 了 , 算是成為朋友吧 !

新朋友上機前送我一張表揚信 , 更應我要求寫了我及拍檔的名字 . 其實得到乘客的認同 , 對我的工作沒什麼幫助 , 只是沒有就沒有 good service 的證據 . 我再有本領也要向現實低頭 .

不過 , 今天沒被投訴 , 真的很高興 , 如果每天也遇到 nice 客人就好了 .


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html

努力向前

18.09.2014

其實真的很高興找到一個好的平台 Seewide , 可以讓我繼續抱怨 , 亦讓對地勤行業有興趣的朋友可以更深入咁知道依份工作既辛酸 .

轉眼間 , 加入 Seewide 已經大半年了 , 由初初排行 1xxx 到 6x 再到現在的 33 , 真的很高興 . 原來我寫的東西仍是會有人看的 .

其實真的很想跟網友 林公子 說聲多謝 , 他常常來我的日記板幫我增加人氣 , 又建議我可以跟潮流寫文 . 只可惜小地勤我的生活圈子太細了 . 除了機場工作 , 就是出外旅遊 .

我的文章自知別人看久了應該會感到厭煩吧 ! 不過 , 不打緊 , 寫日記只是我的興趣 , 有時看回自己從前寫的小事 , 也不明白為什麼一件小事也可以寫出這麼多文字 , 哈哈 .

舊同事都取笑我說 , 唔明點解人人返工返到咁麻木 , 但小地勤卻有一堆寫不完的小故事似的 .

不知道要到何年何月 , 我才可以跳到 2x 呢 ? 很期待 . 感覺似讀書時的考試成績排行榜 , 哈哈 !


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html


2014年9月17日 星期三

四星級航空

01.09.2014
其實公司真係好厲害 , 厲害於有一班咁捱得既前線人員 , 你有張既人手下 , 竟然再一次得到 " 四星航空 " 美譽 .

而在最有改善方面 , 打擊曬所有對手 , 攞到第一名 !!

今年公司得到咁好成績 , 樂於學魚翅航空大贈送 , 平機票益旅客 .

雖然公司有好多方面 , 都做得唔好 , 令同事每日返工都好似打仗咁 . 但某程度上 , 佢機票益旅客的同時 , 也不忘自己員工 .

追開我日記的 , 應該知道我公司每年會送 5 套機票給同事 , 讓同事一年可以超平咁去 10 次旅行 . 今年因得獎 , 所以再送多 1 套機票比當日有份負出的同事 !!

小地勤終於感受到公司的小小好意 . 希望你可以做到 delay no more !!

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

擺陣-受罪娃娃

16.09.2014
今年第一個八號波 , 大家應該好開心吧 !

幸好我突然想起 , 從前打風落雨前 ,舊同事都會整 d 公仔或剪紙 , 收起客人睇唔到既地方 , 邪一邪佢 !

今年小地勤自創一隻受罪娃娃 , 等佢代我地受罪啦 !

同事仲狠 , 把寫住海鷗的 紙仔 用萬字夾插左係 受罪娃娃心口 . 希望 海鷗 盡快離開我地 .

打風當天 , 我收早班 , 避過了 .

第二天落八號波前才返工 . 返中更 , 有車坐 , 又有打風錢 , 而且準時收工 . 正 !

記得以前師傅話做得依行 , 記住唔好食炒飯 , 次次食完 , 都中招 ... 因此我返工都好少食炒飯架 ! 哈哈 ...

如果大家身邊都有當地勤的朋友 , 麻煩幫手問一下 , 有無更 work 既閃避方法 , 記住到時同我分享 .



地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

2014年9月16日 星期二

年半後的今日

13.09.2014

今天上班 , 遇上曾是高層助手的大偉 .

唔記得自己有無係日記板寫過一件事 , 簡單講一下事發經過 .

大偉有背景 ,帶朋友來到貴賓室 ,事前小地勤沒收過通知 .問左大偉朋友攞登機證做記錄 . 大偉可能覺得無面 , 小地勤認得佢 , 但卻根公司指引做事 . 不用說 , 也知道 , 事後小地勤唔方有好日子過 .

什麼串 , 態度唔好 , 一睇就知 Senior , 無 Service 可言 . 四面八方傳到我耳邊 .

半年後小地勤不再跟公司指引做事 , 不再同公司講義氣 , 不再有一顆熱誠的心 . 很多事愛理不理 , 做足本份 , 沒有 Extra . 這種改變令自己輕鬆了不少 .

年半後的今天 , 小地勤又遇上大偉 , 今次他跟媽媽一起回老家 .

面對住一位曾經投訴過自己的人 , 我扮若無其事 , 鏡頭面前表現出超假一面 . 小地勤早就不會發自內心地笑 . 我的演技足以保障自己不被投訴 . 其實我應該轉行去拍戲 .

笑 - 只是被迫出來的假臉具 . 作為服務性行業 , 香港要求太嚴格 . 大家有同感嗎 ?

放工後 , 我一直在反思依件事 .

我沒有閃躲大偉 , 給人勇於面對錯誤的錯覺 . 但由始至終 , 當日根據公司指引工作 , 我根本沒有錯 . 錯的不是我 , 而是公司 Set 指引後 , 卻有一堆不跟指引工作的高層 .

指引係佢地要求員工跟足 , 但影響到自身利益時 , 跟指引就是員工錯 .

不過算啦 , 呻完也要為錢而上班 . 我變態到成日諗 , 依間公司咁衰 , 我要用盡佢既福利 , 個個月要佢出糧比我 .

黎緊 , 小地勤又準備飛了 , 韓國 , Bali 及歐洲 , 依加為獎勵自己 , 可能中間再加個沖繩 .

工作我並不熱愛 , 我熱愛的只是旅行 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

2014年9月11日 星期四

小地勤 , 爆大鑊

12.09.2014
忙, 不是一個藉口 .

因此當掃把打黎問我係唔係尋日碌左張卡 , 而忘了叫客人簽名既時候 . 我答 " 係 " .

跟錢有關係既 , 係超級爆大鑊 . 係依間公司唔經唔覺都做左三年有多 , 終於犯左第一次既 " 低級錯誤 " . 掃把好好人 , 幫我諗左好多方案 , 無奈有 d 事係無法補救 .

掃把可能幫唔到我 , 所以心裡唔好受 , 我調轉頭安慰佢 . 其實小地勤都好嬲自己 . 我心知一個道理 . 我只係一個普通人 , 會犯錯好正常 , 所以我唔係嬲依件事 .

我嬲自己犯左錯 , 竟然無唔開心 , 直頭係唔當一回事咁 . 比著以前 , 我應該會好煩惱 , 好唔開心 . 點解自己依加會變成咁 . 我心裡明白 , 我已經無左對依份工既熱誠 . 我只當依份工係一份工作 , 返工只係為左打發時間同賺生活費 .

掃把笑問小地勤 , 係唔係因為最近呀姐要我升掃把 , 我唔想升 , 所以犯依種錯誤 .

當然唔係啦 ! 我真係突然太忙 , 一時忘了 .

不過 , 聽到掃把咁問個一刻 , 我有一點開心 . 因為我可能係貴賓室裡唯一一個被簽 warning 既同事 . 亦可能因為咁 , 我可以唔洗成為升掃把的人選 . ( 小地勤我既諗法 , 係唔係有 d 變態 )

其實我唔想升職 , 原因有幾個 . 當中我最常講既 , 就係人工問題 . 雖然小地勤只係一個 Leader , 但應該係全公司最高價既 Leader , 我既人工跟一個剛升既掃把只差百幾蚊 .
如果小地勤下年都仲唔升職 , 人工就會高過一個掃把幾百蚊 .
相反 , 如果我依加先話升 , 我既人工就係一個新入職掃把咁計 , 亦即係加得百幾蚊 ...

當我唔再同依間公司講感情 , 講義氣既時候 , 令我留下來的只有一份薪水及機票 . 我不想為左依份工而唔開心 , 我好滿意現在既工作 , 每日返工為左錢 , 一放假 , 去旅行 , 爽 !!

我唔想過返以前既生活 , 想放個假都難 , 因為公司會同你講 , 你放假 ! 邊個去編更 ...  編唔出條更 , 同事點返工 ... 講到公司好似得我一個人咁 ... 不過以前的確只有三個同事負責編更 , 所以我永遠都唔會有幾日假去旅行 .
即時我肯比多 d 錢人地幫我去返工 , 但卻無人可以返到我條更 . 個種痛苦 , 一世難忘 ...

突然覺得 , 上天係依個時候要我爆大鑊 , 可能就係想如我所願 , 等我無得升職 . 謝天謝地 ~


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html


拍檔的重要

10.09.2014
某天 , 貴賓室發生了一連串的突發事 , 身為當日 In-charge , 慨嘆講一句 " 我爛腳 " , 沒有一位好 拍檔 . 整天也很忙 , 也很累 , 可以話係身心疲累呀 !

1. 明明提左 3 次 , 都仲係做唔到一件好簡單既事 . 細緻唔想再講 , 只係叫 拍檔 打個電話 , 結果她仍是忘了 ...

2. 睇住我忙到飛起 , 每次我做完先問我 " 有咩可以幫到你 ? " 其實我寧願佢唔問好過問 , 問完佢良心好過 d 嗎 ?

3. 扮睇我唔到 , 當時我係佢面前處理緊投訴 , 而個客係佢接返黎既 . 十分鐘都當睇我唔到 . 我忍唔住出聲講左句 "醒少少 , 比支水個客飲下 " 
事後問佢當時做緊咩 , 點解可以當我同個客透明 , 佢答 Check 緊 E-mail . 但全日 d E-mail 一直都正係得我 Check 緊 , 而當時只有一封佢認為好重要既 E-mail.

4. 提佢 Send Report 出去 , 等左個半鐘都未見佢有動作 . 今次我鐵心了 , 反正不趕就等佢食完早餐再 Send . 結果 , 拍檔 食完早餐 , 就同我講 " 都叫你留返比我做 , 唔該曬 . " 佢見我收起左個 File , 以為我好似平日咁幫佢做左 . 我答 " 件事交左比你 , 我當然無幫你做 " 
佢死死地氣自己做返 , 但一路做一路講 " 其實我第一次做囉 " , 又問我今日做咩咁燥底 !!!!!

5. 貴賓室電制出左問題 , 師傅黎整緊 . 當時我身邊只有兩位同事 , 拍檔 兼職 . 拍檔負責跟住師傅行出行入 , 結果突然停電 , 問 拍檔 發生咩事 , 佢竟然話唔知 , 因為佢跟本就無跟住個師傅 ... 我心諗究竟佢當時又忙緊 D 咩呢 ? 
原來又係一碌木企係個死角位 , 怪唔知得搵佢唔到佢 , 而佢亦唔知發生左咩事 .

6. 有六個 Guest 轉頭會黎 , 根據指引 Guest 唔會有 VIP 房提供 . 不過 , 我知道佢係台灣高官可能會要求要間房 , 所以晨咁早 B 清楚所有同事點樣應對 , 假如客人真係想要 , 照開房比佢就可以了 . 
如我所料 , 客人問了 , 而 拍檔 ... 卻問我 " 可唔可以比間房個客 , 佢要求 " 我當時已經著火了 , 究竟有無聽我 Briefing ? 我咪講左囉 , 其他同事聽到怇問 , 都 O 嘴咁講 " 剛剛咪講左點做囉 "

可能係我要求佢做太多野 , 令佢 Handle 唔到 . 既然唔明白我既指引又或者唔知點做 , 唔該唔好 Say " Yes " 或 " OK " .
有同事話 , 拍檔 好醒 , 睇得出我雖然惡 , 但就唔會見住同事死都唔忙 , 所以就每事問 , 問到我頂佢唔順就自己做左就算 . 
看來 , 我要好好檢討一下自己點樣去做一個 Leader , 睇住同事死 , 我唔想 .
但睇中我心軟而利用我 , 我就好反感 . 平日同佢都叫有講有笑 , 我唔想開口鬧人 . 攪到拍住時感覺怪怪 . 
我只係想要一個正常少少既  拍檔 , 唔通都咁難 ?



地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

2014年9月8日 星期一

微笑 , 也是錯

08.09.2014

07.09.2014 那天晚上 , 客人數目不多 , 一直都很順利 , 直到晚上來了一對女高男矮的泰國人 . 令我無啦啦要打 report 備案 .

他們乘坐曼谷航班 , 預計登機時間為 2235 分 , 佢地 2235 先入黎貴賓室 , 同事好心提佢 2235 準備登機 , 並建議佢可逗留 10 分鐘 , 當時男人已經不太高興 .

男人打算把整架行李車推入貴賓室 , 但我地門外已經有 No Trolley 既提示 , 小地勤我提示左佢一下 , 見佢唔太高興 , 已經提議幫佢 keep 係我地到 , 到佢走再還返架車仔及行李比佢 .

男人唔知講咩 , 因為我真係聽唔明佢既英文 , 所以就只好笑笑好講多次 No Trolley plz , 並企佢旁邊 , 示意幫佢推走 . 男人不情願地放棄架車仔 . 小地勤我亦好有禮貌地講左句 " thks " .

結果男人突然問我 " why u smile !? " 我答 " coz thks for yr understanding . " 男人黑色講左句 " i don't understand ! " 並 keep 住問 " why u smile !? " 我繼續笑笑口 , 講左句 sorry 就算 !

男人同個女人十分鐘後離開 , 我企左係門口送佢地兼比返架車仔 , 結果仍當我透明兼黑臉 . 我心諗都傻傻地 .

第一次覺得微笑 , 也是錯 !!

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html


中秋節快樂 * 2014

08.09.2014
先跟大家說一聲 中秋節快樂 !!!

小地勤我今年超開心 , 因為 07.09.2014 及 08.09.2014 兩天也是放假 , 約了一位老朋友食午餐 , 又可以跟家人過中秋 . 對一個地勤來說 , 能夠於節日當天放假 , 係何其難得 !

以顧客至上的貴賓室 , 今年仍有中秋送禮物既活動 . 以下是今年送小朋友 , 老人家的小禮品 , 講真 , 很傳統 , 很精美 . 不得不讚一下我們貴賓室的美術總監 M 小姐 , 你果然好眼光 ! 在有限的資金下 , 選到一件既便宜又能夠表達中秋既小禮品送客人 ! 厲害 !

豬籠餅 , 有段故的 . 寓意豬籠入水 , 財源廣進 . 聽說它是月餅的始祖 , 從前貧窮人家食的月餅 .


給大家看看它的近鏡 , 很喜歡它的膠花花 , 好像回到七 , 八十年代  , 小時候有很多塑膠製品 , 充分表現出香港情懷 .


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html



2014年9月3日 星期三

幫她 ? 害她 ?

01.09.2014
獨樂 , 其實只係工作表現不太好 , 所以大家都不太喜歡跟她合作 . 不過 , 我們真的算很厚道了 , 沒有真的要玩死佢 . 只是一句起兩句止 , 遇到她有問題時 , 不會幫到咁盡而已 .

最近大家又開始討論她 , 因為貴賓室外判出去的某員工 , 好似知道 獨樂 在這裡沒朋友 . 男人 , 可能覺得佢好慘 , 又或者同佢好好朋友 , 所以特別關照佢 .

每次 獨樂 食飯 , 某員工都會為她準備很多飯菜 , 最重要係全不是貴賓室的食物 , 而是由他公司取來加工的 . 雖然我都只係見過一次 , 但我沒上班的日子 , 總看到一堆圖片及留言 ... 想不知道也很難 .

聽說 , 本來某員工跟貴賓室其他的女同事以及自己公司的同事都有玩 facebook , 但某天 , 突然 delete 曬所有同事 , 行為很怪異 . 幸好 , 我由如至終都沒有跟外判員工們太多交流 , 所以沒有被 add 及 delete , 哈哈 .

亦因為咁 , 某員工也開始被人背後講閒話 . 一男一女關係太好 , 自然就會多是是非非 .

某員工只為 獨樂 準備飯菜 , 而 獨樂 一向都喜歡成為話題 . 由本來只有外判員工的同事說閒話到現在整個貴賓室也跟著說 .

我唔明白 ? 其實低調一點咪好囉 . 本來某員工 ( 已婚 , 一個好爸爸樣 ) 可能只係出於關照 , 結果攪成咁 . 究竟某員工是想幫 獨樂 , 定想令 獨樂 繼續孤獨下去 , 無朋友 ?


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html

 

2014年9月2日 星期二

Seewide 七月及八月瀏覽量之王

其實寫日記係我嗜好 , 我成日怕有朝一日自己老了 , 什麼也會記不起來 , 所以就一直要寫下去 , 將來老左都可以睇返 .

三月來到 Seewide 寫日記 , 成為其中一位人氣探險家 , 收到一份好有意思既小禮物 .

今次有幸成為七八月其中一位瀏覽量之王 , 亦很開心 . 看來 , 大家對地勤既工作真係好有興趣 . 一日仲做緊依份工 , 就每日都有新鮮事發生 . 有快樂 , 有憤怒 , 有無奈 , 有安慰 ... 辛苦過後 , 一轉旅行 , 又再忘記煩憂 , 繼續捱下去 .

Seewide 送我的其中一份禮物就係  " 可擁有一個獨一無二的Seewide個人頁面連結,直接進入到小地勤點滴的頁面 " . 這份禮物我很喜歡 , 起碼我不再是一個 " 數字 " 而再一次擁有自己的網址的 .

今次比賽 , 我的網友 林公子 , 很厲害呢 ! 成為終極瀏覽量之王 , 可喜可賀 !

小地勤我 , 哈哈 ... 都要向前輩們學習下 , 努力寫文去 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379-u1967.html