網頁

2015年1月31日 星期六

歐洲自由行 * 2015 ( 尋找 Salzburg 最美味的回憶 - 市內遊 I - Day 7 )

09 Jan ( 住 Salzburg )

薩爾斯河把整個城市一分為二 - 新舊兩區 . 買一日通用票 , 可坐市內所有巴士及電車 , 很方便 . 而小地勤今次主要係坐 3 號線 .

每個站都有一幅交通圖 , 為方便起見 , 小地勤影左一張 .

車站都很先進 , 巴士好密 . 交通好方便 .

小地勤很喜歡 Salzburg , 而今次亦係小地勤第三次黎依個地方 . 每次我都會建議同行朋友上山參觀 , 來回加入場費約 10-11 歐 .

令小地勤印象難忘的有依間餐廳 .

佢就係上山欖車旁邊 . 那一年在 Salzburg , 小地勤唯一食過既餐廳 . 影極都影唔靚 , 仲張張都 Focus 唔到 , 不過唔緊要 , 佢早就印左係我個腦裡面 . 

第三次食依個豬排餐 , 因回憶而美味 . 炸豬排好似係 Salzburg 其中一道名菜 .

每次附上既湯都唔同 .


小地勤愛咖啡 .

我希望將來可以同男友重遊所有我喜歡既歐洲城市  , 品嚐一次所有我喜歡的味道 .

2013 年重遊 , 老闆送左張明信片比我 . 今年 2015 年 , 小地勤終於把這張明信片寄回家中紀念 .

Salzburg 既郵費比德國貴一陪 . 火車站的郵局 .

那一年 , 萍果推介的手信店 . 就在古城內 , 可能香港都有得買 .

小地勤在 Salzburg 買了一個磁石開可樂蓋用 , 要成 50 幾蚊 , 以前覺得好貴 , 依加覺得自己比得起 . 人工隨年紀而增長 , 小地勤不用再像那些年窮遊 , 花小小錢已經沒問題了 .


Salzburg 在我心中 , 永遠係重遊的頭三位 !!!

歐洲自由行 * 2015 ( 尋找 Salzburg 最美好的回憶 - Hellbrunn Palace 海爾布倫宮 - Day 7 )

09 Jan ( 住 Salzburg )

做左地勤後 , 大大話話都去過 5 次歐遊 , 當中最令小地勤想一再重遊有 Roma 同 Salzburg . 

每次去 Salzburg , 小地勤就好想唱小學時學既那首歌 " doe a deer a female deer , ray a drop of golden sun , me a name I call myself , far a long long way to run , sew a needle pulling thread , la a note to follow sew , tea a drink with jam and bread , that will bring us back to do , do-re-mi-fa-so-la-te do-so-do " 很喜歡 The Sound Of Music , 很懷念小時候的日子 .

Salzburg 大部份景點用腳行就可以了 , 主要集中係古城區 . 而小地勤想重遊既地方就比較遠小小 , 想當年 , 小地勤行左差唔多兩個鐘先黎到 Hellbrunn Palace .

想當年 , 好似無聽人提過可以坐巴士黎 , 所以小地勤就用腳行 . 今年就預早一日買左一張 One Day Pass , 印象中 3.4 歐 , 有煙買既地方就有得買依張 Pass . 去 Hellbrunn Palace 來回都係坐 25 巴士 .

由火車站前面巴士站坐到第 22 個站就到了 .

回程個車站就係黎時既對面 . 會經舊城區 .

歐洲既車真係好乾淨 , 晨咁早 , 人好少 . 溫馨提示一下 , 買左一日票 , 一上車就要打一次卡先算開通左 .

經過當年的大草地 , 當年有很多小黃花及葡公英 , 今年卻被厚雪遮蓋了 . 這張是當年小地勤拍的照片 .

終於返到黎 Hellbrunn Palace .

冬天的 Hellbrunn Palace , 大部份地方都沒開放 .

其實小地勤並不打算參觀 , 我只係想重遊依個地方 , 懷念一下 .
當年 :

今日:

當年那支好惡既天鵝不見了 .

當年係依個角度 , 我第一次見到紅葉 .

回想當年 , 一大片草地 , 好多鬰金香 . 今日卻很冷清 . 但我還是很喜歡這個地方 .

沿住小路 , 我終於找到它 .

跟當年一樣 , 上鎖了 .

就是這個 The Sound Of Music 既涼亭 .

那一年小地勤才 25 歲 . 那一年是 5 月天 . 那一年我跟好朋友去東歐 . 那一年在不同國家遇上了不同的舊同學 , 結伴同遊 . 那一年 , 我轉做地勤 Part-Time , 那一年我狠狠地把長髮剪了 .

時間真的沒有停留過 , 現在小地勤已經是老地勤了 .

有時 , 一個地方在你心中既地位重要定唔重要 , 只取決於有無難忘既回憶 .

Hellbrunn Palace 最出名的是那個夏天先開放既古惑噴泉 , 但對小地勤來說 , 佢最吸引的是公園的大草地 , 林蔭下的小徑以及那個長年上鎖的涼亭 .
再一次跟 Hellbrunn Palace 道別 , 但我相信 , 好快我又會再返黎探你 !


2015年1月30日 星期五

歐洲自由行 * 2015 ( 前往 Hallstatt 的路上 - Day 6 )

08 Jan ( 住 Salzburg )

Salzburg 的 HBF ( 中央車站 ) 內有多個 Information Counter . 第一日到步 , 就問定前往 Hallstatt 的方法 . 也給大家參考看看 .

由 Salzburg 坐 0915 的車在 Bad Ischl BHF 轉車到 Hallstatt Gosaumuhle . 再轉車到真正的 Hallstatt . 沒想像中難 .

回程也是一樣咁轉 , 因為歐洲天黑得太快 , 所以小地勤寧願早點離開 . 張相轉唔到 , 辛苦大家去睇 .

由 Salzburg 的 HBF 前面坐 150 巴士 .

好容易搵到 , 差唔多一小時先一班車 , 所以早一日好問定巴士時間 .

一上車先買車票 , 說出目的地就可以買到終點站 . 其實去 Hallstatt 既車錢好貴 , 一來一回就用左差唔多 300 蚊 . 

車上有提示 , 所以唔洗擔心 . 其實司機都會提醒大家 .

本來想係車上訓陣 , 但個景太靚 , 如果合埋眼就好似好浪費咁 .

車上看風景 , 雪山 , 湖景 , 小鎮 ...

其中一個荒蕪既巴士站 . 如果天黑係到等車都幾恐怖 .

終於到左轉車站 , 轉 542 巴士 .

就係依架巴士 . 另外想提一下 , 轉車站有免費洗手間 . 

轉車站風景也很美 .

好快又到左另一個轉車站 . 係到有一堆的士 , 原來就係 Bus 543 . 有時係巴士 , 有時係的士 .

依架的士係七人車黎架 , 車頭貼左  Bus 543 .

車上看風景 , 好多湖景 .

走也是同一個方法 . 又由 Hallstatt 黎到 Hallstatt Gosaumuhle . 今次係到要等大半個鐘先有車返 Bad Ischl BHF .

同事話要影靚靚既踏雪相 .

雪太厚 , 好鬆散 , 一踏上去 , 腳就卡住了 . 一點也不浪漫 , 反而好狼狽 .

依個轉車站既風景亦好美 , 好有國王湖既影子 .

天黑得好快 , 在車上看雪山日落 . 

返到 Salzburg 已經好夜 , 今日全日都無時間去食餐好 . 所以歐遊記住帶零食 .