網頁

2016年5月14日 星期六

北海道五日四夜自駕遊*四月2016 ( Day 5 - 二条市場 / 千歲機場 )

16-20.04.2016

最後一日既行程 , 係到二条市場買蟹 , 再殺入機場 . 以前覺得函館比較平 , 但近來就反而二条平返 . 係依到一隻原本 9000 Yen 既蟹比呀妹講到 5000 Yen , 隻蟹大過我地塊面 !!

之後就早早入機場 , 一心諗住可以去到內陸線個邊行下睇下 , 結果因為行李過多 , 被罰 16 kg 既錢 . 坦明講 , 我老公每次都買到超曬重 , 不過今次就仲買得多 ... 同佢去日本好似走難咁 , 次次都得佢買野 , 購物狂咁款 .

千歲機場好大好大 , 每行一個地方就被吸引左咁 , 結果永遠行唔曬 , 唯有都係個句 , 下次再行過 .

今次黎到叮噹主題既餐廳 , 又停底左 , 每人一個餐 . 每次黎到 , 都係得我地係到食野 .

叫返上次食過既叮噹 Pancake.

記憶麵包 .

今次試埋靜儀咖哩飯 .

飲品上既公仔無得選擇 . 其實無論係唔係主角 , 我都鐘意 .

因為飛機係 4 點 , 等到派飛機餐都已經 6 點幾 , 所以一到機場一定要去搵食 . 相信我打後每次離開北海道都會係到打等 . 睇下我可唔可以試曬佢所有既食物 .
 
食完野就同妹妹係附近行下影下相 , 所以去唔成內陸線參觀 .




依道牆真係必影 .
 
依個公園 , 大人都想玩 .

如果有好多好多時間 , 又好鐘意叮噹既話 , 記住花一 個鐘整返個獨一無二既叮噹比自己做紀念品 .


叮噹全世界人都認識 , 唔同語言既漫畫 . 以前我都有睇漫畫既習慣 . 雖然依加好多人睇電子書 , 不過我都仲係好鐘意攞住本書 , 一頁一頁咁慢慢睇 .

雖然北海道好大 , 好多景點 , 不過千歲機場都真係幾值得慢行一轉 .

2016年5月13日 星期五

北海道五日四夜自駕遊*四月2016 ( Day 4 - 函館 / 札幌 - 小地勤最愛推介 )

16-20.04.2016

小地勤係函館最常去既地方有 - 五陵郭公園 , 函館朝市 , 激安以及書店 .

今次我地間酒店係正五陵閣公園旁邊 , 一早就入去公園行下 . 可惜櫻花都未開 , 一心以為五月再黎時會開 , 點知同事遲我兩星期出發 , 就已經開曬 . 跟櫻花無緣 .

仲要依幾日都陰天 , 雖然有鯉魚旗 , 但就天黑黑咁 , 唔太靚 .

終於影到合照 . 妹妹既作用係人肉腳架 .

四圍都係星星 .

走既時候 , 突然天晴了 . 天氣好 , 影咩都靚 .

函館景點一再咁去都無咩新意 , 所以小地勤都只去朝市了 , 買手信買水果食蟹都係每次黎必做既事 . 家中既昆布剛用完 , 今次黎要補貨 . 原來用昆布打邊爐 , 好過買一包包咩醬咩醬 .

四月 , 開始有蟹 , 但就無舊年咁平 , 多左人黎自然咩都貴左 .

由 500 Yen 釣到 680 Yen . 點都試下 , 幾好玩 .


口感唔似生野 , 所以我都有食 .

好大粒 1000 Yen .

妹妹推介既樓上店 , 佢話平靚正 , 就係釣魷魚上面 .



無睇錯 , 的確 500 Yen , 相信佢會成為我每次必去既其中一個地方 .

日本士多啤梨 , 無論咩價錢 , 都係好食 , 同更好食 . 400 Yen 一盒 , 每人食一盒都唔過份 !

依間快餐店得函館先有 , 我每次都會食佢既 No. 1 推介雪糕 , 真係超好味 !


佢係函館有好間分店 , 亦真係只有函館先見到佢既蹤影 . 唔貴既 , 如果中午有時間 , 大家可以好似我地咁 , 買個外賣上車食 .

依杯就係令我念念不忘既雪糕.

佢個薯條好似好 creamy 咁 , 食左一半就好飽 . 依個係 set 餐 , 不過唔係配可樂 , 係配烏龍茶 .

炸豬包 , 我老公話即叫即炸 , 好好味 .

不過佢人氣 No.1 係以下依個炸雞包 , 的確超好味 !!!

去到有珠山一定要停一停 , 買小食差差電 .

係唔係好熟口面 , 差唔多每次去札幌都係狸小路既居心地食野 . 貪佢唔算貴 , 又有熟食 .



除左之前不停加魚子既魚子飯外 , 今次有新攪作 , 就係一分鐘 Tuna 塔 .

佢比一個空杯你 , 再放一大盆 tuna 係你面前 , 每人一個夾 , 一分鐘時間 , 任夾 , 條件係唔可以有 tuna 跌左出黎 . 都無 30 秒 , 我老公同呀妹就堆到咁 , 之後當然用唔曬 1 分鐘啦 , 已經漏出黎 .

必叩魚子飯 , 今次到呀妹啦 ~

仲邀請人地同佢影相 , 有得食 , 有得玩 , 有表演 , 先 5 百幾蚊 , 抵曬 !


以為熟食 , 點知半熟 ... 個個都話日本野 , 就算生 , 都食唔死架 ...

其實我地都叫左起碼 6 樣野食 , 所以 500 幾蚊 , 真係好抵 .

用黎放快子架 , 好靚 .