網頁

2016年5月4日 星期三

北海道五日四夜自駕遊*四月2016 ( Day 3 - 北海道神宮 )

16-20.04.2016

小地勤每次黎札幌都必去 ESTA 及狸小路 Shopping , 簿野影余市呀叔大招牌及拉麵橫町食晚餐 , 仲有就係去北海道神宮飲茶食煎餅 .

自駕遊的關係 , 每次都由側門入 , 其實好想搵次由正門行入去 . 過左大鳥居 , 經過一條大直路 , 兩旁種滿樹 , 黎左幾次 , 今次先發現原來係櫻花樹 , 希望 5 月再黎時 , 會見到開滿曬花 .

入廟要洗手是常識 . 影洗手相係少不免 .

門口又影一影 .

終於行到入去 , 對比沖城波上宮 , 依到大好多 .


四周都好靚 . 妹妹話落雪既時候 , 依到咩都睇唔到 , 正係見到雪 . 所以我唔明點解咁多人冬天黎北海道 , 落雪真係咩都睇唔到 .


每次都覺得盞燈好靚 .

每次都係睇住人地寫願望 , 而自己就無寫 .

以前每次都會買御守 , 但自從去多左日本之後 , 好多指定要買既物品都無再買. 可能已經唔再好似以前咁 " 今次唔買 , 唔知幾時先可以再黎 " . 做地勤好處就係可以飛呀飛 . 

其實一再黎神宮既目的係 ... 想食返個煎餅 ! 唔知點解每次係依間六花亭飲茶食點心 , 先感覺自己真係黎左日本 .



沒有留言:

張貼留言