帶著 BB 去北海道 / 2019 / 十月 / 四日三夜閒遊札幌之旅 (行程篇)

06-09.09.2019

 這個月老爺去了參加郵輪假期二十多天 , 由於小地勤已經無咩大假 , 所以無法讓奶奶一起跟老爺去坐郵輪 . 要人家幫你湊仔 , 的確心有點過意不去 , 所以攞左四日假期 , 陪奶奶去北海道-札幌行下 .

 第一次沒有租車去北海道 , 我們只打算在札幌 JR 站四圍行下 . 為左方便出入 , 所以我們住在 Hotel WBF Sapporo North Gate , 第一次住咁貴的酒店 .

06.09.2019

到埗第一天 , 我們去了 JR 苗穗附近的大型商場 , 因為要在玩具反斗城買 BB 零食 .

 07.09.2019

 由酒店步行去北海道大學打卡 , 再沿大通公園步行去二條市場食海鮮 , 在狸小路購物 , 晚上去了 JR 札幌邊的 ESTA 食拉麵 .

 

08.09.2019

 
下雨的一天 , 訓到自然醒 , 去了園山動物園參觀 , 路經北海道神宮 . 再到狸小路及地下街閒逛 . 晚上去了薄野打卡 .

 

 

 

09.09.2019

再到二條早餐 , 坐 JR 回機場 . 咁就完成了四日行程 . Pass 都不用買 . 哈哈 !

 

帶著 BB 去姬路 / 廣島 / 四國 / 2019 / 九月 / 八日七夜打卡之旅 (行程篇)

31.08.2019-07.09.2019

這個星期 , 奶奶有事不能夠幫忙湊 BB , 所以小地勤攞了一星期的大假 . 最近我們一家剛去完北海道一星期 , 接住再去了名古屋跟大阪一星期 , 不想再重覆去相同的地方 , 因此決定行返舊年十月未完成既路線 , 主打廣島加四國 . 以下就是我們今次的路線圖 , 不過最後我們放棄了高知市 .

31.08.2019

下午 4 時多抵達關西機場 , 直接向姬路市進發 , 宿一晚 .

01.09.2019

姬路市立動物園及姬路城 , 經岡山直駛去廣島 , 宿廣島市 .

02.09.2019

食廣島蠔 , 前往嚴島神社 , 再回廣島夜遊本通商店街 , 繼續宿廣島市 .



03.09.2019

和平紀念公園之後 , 直接開車前往四國-松山市 , 夜遊松山商店街 , 宿松山 .

04.09.2019

松山城 , 松山商店街及道後溫泉 .

05.09.2019

晨早離開高松市 , 前往被譽為日本最難參拜州社 - 金刀比羅宮 . 宿高知市 .

06.09.2019

前往德島睇旋渦 , 再食埋網上推介必吃的德島拉麵 , 晚上宿大阪市 .

07.09.2019

最後衝刺 , 木津市場 , 黑門市場及心齋橋 .

   完

帶著 BB 去名古屋 / 2019 / 六月 / 六日五夜 / 小地勤生日之旅 / 京都錦市場 / 大阪拉麵 / 機場 OUTLET (Day 6)

14.06.2019

住宿京都每人每晚要交稅 , 住得越貴 , 交得越多 . 泊車方面 , 每晚 10 點到第 2 日早上 8 點 , 一般最大泊是 500 Yen - 800 Yen . 不過 Out of 依個時段 , 一般都貴到嚇死人 .

小旅店 , 早上 Check Out 靠自己 , 沒有職員 , 不過唔難 . 未試過住京都 , 所以趁自駕就試一下 , 房間有 30 平方 , 300 蚊左右一晚 2 人兩床房 , 仲可以比 BB 免費住 . 很不錯了 .

 

 

離開京都前 , 我們先到錦市場觀光 , 老公話網上既人評論多為 “ 專呃遊客 “ , 所以想去見識下 .

 

泊車很貴的一個景點 300 Yen 20 分鐘 , 所以此地不宜久留 . 突然覺得京都不太適合開車 , 泊車真的超貴 , JR 附近的商場 , 泊一小時要 2000 Yen , 因此下次都係坐車算了 .

又話係市場 , 8 點幾都仲未開門 , 我仲以為好似其他朝市咁 , 點知去到咩都未開 , 想睇下野都無 .

 

無啦啦有一段路仔有間神社係到 , 日本人真係好神心 , 晨咁早已經香火鼎盛 .

 

 

我覺得黎到日本一定要食拉麵 , 暫時最啱我口味的係大阪及北海道的拉麵 . 今次沿途遇上一間丸源拉麵店 , 沒想到很驚喜 , 食左半碗已經話下次要再黎食多次 .

 有兒童餐 , 可惜我 BB 一食拉麵就爆濕疹 , 所以我都只係望下 . 期望下次有機會同佢食兒童餐 .

Set 餐好便宜 , 仲有任食的配菜 , 很濃味 , 一食再食 . 餐後仲點了一杯雪糕 , 不過味道一般 .

 

 

食飽飽去左一間業務超市格價 , 的確係比其他超市便宜的 , 怪唔得我老公每次見到依類型超市唔買都要入去睇下 . 我們每次都會看一下和牛 , 水果的價錢 . 今次仲見到好多 "爽" , 以前睇人地既日記話去到日本一定要食佢既雪糕 , 我比較喜歡水果沙冰個種 .

 

 

第一次黎關西機場的 Outlet , 什麼也沒買 . 可能我還是比較喜歡北海道的 Outlet 吧 ! 不過地方也是很大的 , 今日天氣不太好 , 露天不太好行 .

 

 

 

 

大家都去買東西 , 我就坐一旁照顧 BB , 本想入去餐廳食下野 , 可是選擇不多 , 就放棄了 .

做左 呀媽 , 就只睇 BB 野 , 不便宜呀 . 而且我 BB 好多二手物資都來自 Bady Gap. 佢今日就正好是坐依件外套加褲子 .

逛完就回機場 , 終於完成了一星期的旅程 . 帶住 BB 去一星期旅行是有點累的 , 再加上仲有兩老不停地 Order 你做野 , 係累上加累 ... 下次想輕輕鬆咁去玩 .