我們今次選擇京都的旅館而捨棄大阪市內的酒店 , 反正有車 , 京都回機場跟從大阪回機場也是差不多時間 . 京都旅館平靚正 , 350 蚊一晚的房間是平日酒店房兩倍大 , 唯一要留意是每人每晚都要比住宿稅 , 印象中是 200 Yen 一位.
京都最想去的地方是伏見稻苛大社 , 昨日已經重遊了 , 所以今日帶 BB 去奈良睇鹿仔 . 景點區泊車非常貴 , 昨晚就比京都車站附近的停車場嚇親了 3000 Yen 30分鐘 , 不是 300 Yen , 確確實實的 3000 Yen 呀 .
幸好奈良有日泊的停車場 800 Yen 一日 , 很合理 . 泊好車 , 就經過依個湖 . 今日天氣十分好 , 藍天白雲映在湖上 .
由於時間尚早 , 商店街竟然未開 . 因此我們先到奈良公園睇鹿仔 . 其實小地勤並沒有愛心 , 我很怕動物 , 仲要咁大隻又有角 , 心諗鹿仔應該好乖 , 點知我想錯了 .
由於遊客經常餵鹿 , 所以鹿仔唔怕人 . 仲要好似沙田既猴子咁一見到膠袋就追住你 . 小地勤 BB 既戰車充滿奶粉 , 零食既味道 , 成為了鹿群既目標 , 佢地一直對我虎視眈眈 , 有勇猛既大鹿開始對我唔餵食感到不耐煩 , 主動攻擊我架 BB 車 , 嚇到我掉底左個囝比老公 , 自己推左架 BB 車不停跑 .
很多媽媽都成為鹿群既目標 , 有好幾個 BB 係車上被熱烈攻勢既鹿仔嚇親 . 其實我唔係第一次黎奈威公園睇鹿 , 但之前鹿群係好悠然自得地休息 , 唔會理身邊既遊客 , 攪咩今次咁鬼熱情 , 追我幾條街 …
中午 , 烈日當空 , 我地去返行商店街涼冷氣 . 對於食 , 只要個位唔好太窄 , 又歡迎 BB 內進 , 我就會去試 , 反正在日本 , 只要唔係跟旅遊書既推介 , 都唔會中伏的 . 最後 , 因為天氣太熱 , 所以我地去左食冷烏冬降下溫 .
食完午餐 , 我地係百元店花了點時間 ,
就趕去老公最想去既山崎酒廠參觀 .
北海道的余市酒廠我地去過好多次 , 記得頭幾次去 , 係好有新鮮感的 , 因此當老公建議去參觀山崎酒廠時 , 的確有點期待 .
山崎酒廠感覺沒有余市酒廠那麼大 , 或許開放給遊客參觀的地方不多 , 所以先令我有此感覺 . 依個景點有一個位係好靚 , 就係成條長廊都放滿酒 , 除左果個打卡位外 , 係沒想像中特別 , 去一次就夠了 .
山崎酒廠感覺沒有余市酒廠那麼大 , 或許開放給遊客參觀的地方不多 , 所以先令我有此感覺 . 依個景點有一個位係好靚 , 就係成條長廊都放滿酒 , 除左果個打卡位外 , 係沒想像中特別 , 去一次就夠了 .
由於時間尚早 , 所以跑了一趟宇治 . 這不是我完先的行程 , 所以只是隔心而行 , 四圍拍照 .
宇治綠茶很出名 , 大部份的商店都是賣茶葉或綠茶製品 , 很厲害 .
向住人多的方向行 , 原來有個世界文化遺產 , 這裡保留了很多古舊的建築 . 由於興趣不大 , 所以拍了幾張照片就離開了 .
宇治綠茶很出名 , 大部份的商店都是賣茶葉或綠茶製品 , 很厲害 .
發現了一條疑似的食街 , 不過都關門了 . 我們是約 5 點先抵達 , 因此在日本逛景點真係要早早出門 , 否則錯過很多好東西 .
向住人多的方向行 , 原來有個世界文化遺產 , 這裡保留了很多古舊的建築 . 由於興趣不大 , 所以拍了幾張照片就離開了 .
沒有留言:
張貼留言