網頁

2017年5月29日 星期一

北海道*旭川/淹上町/紋別*2017*五月 - 芝櫻公園 ( Day 2)

07-12.05.2017

今日天陰陰 , 富良野又未到花期 , 見到酒店的宣傳單張 , 所以決定去淹上町看芝櫻 . 宣傳單張顯示芝櫻際的日子剛開始 , 當去一個新地方 , 有無花睇都會開心的 .

五月中的北海道山頭不但有積雪 , 而且更突然下雪 . 剛剛四月在札幌也有下微雪 , 不過下了一會就停了 . 今次的雪量比四月那次更多 , 下車不一會 , 就成頭雪了 . 大家都很興奮 .


五月正是北海道櫻花盛開的日子 , 四圍都會見到櫻花的踪影 . 這幾年的四月同五月 , 我都會跟老公到北海道旅行 , 淡季日子 , 機位不會太緊張 .

開車上芝櫻公園前 , 路過一個荒廢了的火車站 . 自駕遊的好處是隨時可以下車拍照 .

這位售票員正在訓覺 , 被我捉到了 , 哈哈 ... ...





火車頭跟路軌 , 好似去左台灣咁 , 台灣又係好多火車小鎮 .



好似話盛開既日子 , 每位要收 500 Yen , 但今日天氣又凍又落下 , 只係剛剛開始開 , 所以無人收我地錢 . 過左 2 日 , 我見同事 Post 出黎既相係盛開的芝櫻 ... 我唔好彩了 !


雖然無咩芝櫻 , 但櫻花就四圍都係 , 好過無 .



開得好小好小 , 不過都係個句 , 好過咩都無 .



北海道的五月其實仲好凍 , 要穿大褸 .

突然搵到個位置 , 開左一大片 , 好開心 . 如果可以配上藍天就更加好 .





遊完一轉 , 就落山了 , 試了期間限定的芝櫻雪糕 , 有點似藥水味 , 但尚可接受 .

每個地區都有一隻代表名物 .





2017年5月22日 星期一

北海道*札幌/旭川*2017*五月 ( Day 1)

07-12.05.2017

上年答應老爺奶奶再去北海道玩 , 做就了第 7 次北海道之旅 . 坦白講 , 想去既景點都已經去過好幾次了 , 今次要再重新搵些新景點 , 又要吸引兼不重覆 , 真係諗爆左小地勤個腦 .

飛機比預定時間早左 45 分鐘 , 唔洗開心 , 因為早到左 , 無機位 , 結果都係準時出到去 . Halo , 小叮噹 ! 我們又見了 . 由於 OTS 沒有大車可以租 , 所以今次改租另一間公司 Budget . 貪平租 Klook wifi , 無留意到時間係 0630 - 2300 , 結果太早到香港機場 , 又要等 Klook 開門 , 又很不幸地飛機回程 Delay 到差唔多 0100/+ , 唯有 Whatsapp Klook 個邊 , 再放入回收箱 . 所以大家要留意 , 如果太早機的話 , 維訊雖然貴少少 , 但就 24 小時 .



星期日的札幌航班有兩班 , 中午 1400 左右就到新千歲機場 , 1600 左右就可以到札幌行下街 , 今晚住旭川的溫泉酒店 . 由札幌去旭川約 2 小時 , 所以先在札幌行下 . 為免重覆行程 , 今次去了一個連小地勤都未去過既商場 Sapporo Factory 行下 . 其中一邊仲保留住以前既外觀 , 好似係惜日既啤酒工廠 .


這個商場其實幾悶 , 仲要泊車要收錢 , 除非有消費 , 但要泊入商場 , 排曬長龍 , 所以就係街外比錢泊車 . 其實真係札幌 JR 站個頭比較熱鬧多野買 , 依個商場可去可不去 .


如果唔係遇上一個小型高達展覽 , 真係覺得既浪費時間又浪費泊車錢 .






上路前 , 先每人來一個 Pancake , 日本的 Pancake 既吸引又美味 . 款式超多 , 由 300-500 不定. 小地勤選了 410 Yen 的士多啤梨芝士蛋糕 Pancake , 約 HKD 28 .


在北海道自駕 , 非常推薦 ETC Card , Day Pass 價錢 , 去得遠 , 好抵用 . 全程都行收費高速公路 , ETC 全包 , 所以個半鐘就到左旭川 . 旭川 , 我黎過 2 次 , 今次就第一次投宿於此 . 貪佢便宜的溫泉酒店 , 比札幌平一百蚊一晚 .

只係無諗到貴位北海道第二大城市 , 竟然 9 點就咩都無 ... 老爺想食拉麵 , 酒店職員話附近得一間拉麵店於 8 點後仲開緊 ... 無選擇的情況下 , 照食 . 旭川拉麵聽聞好出名 , 味道唔錯 . 炸物亦超好味 . 價錢亦唔貴 . 食飽就返酒店浸溫泉 , 未試過 11 點會出現係日本酒店內, 難得的早睡早起 .




原本仲未諗好要去邊到 , 就係因為依張宣傳單張 , 所以我地聽日就會去睇芝櫻 !


大公司的福利

22.05.2017

今日所有同行都在關住大柴裁員事件 , 坦白說由遙傳 200 到實際裁 600 , 的確震驚整個航空界 , 突然在想 , 市道真係咁差 ? 反觀花花航空 , 真係越做越大 . 好景又會維持幾奈呢 ?

話說最近 , 小地勤即日來回左一轉北京 , 目的係參觀開張不久的呀爺航空貴賓室 . 外人聽到小地勤即日來回北京 , 只為參觀 , 忍不住就說 " Airlines 話飛就飛 , 好似坐巴士咁 " 外人眼中應該覺得好神奇 , 亦好羨慕吧 !

早機去晚機返 , 其實係好辛苦的 . 不過點講都好 , 公司的確花左好多錢係員工培訓上 , 依間公司對員工係幾好 . Duty Travel 係可以免費坐商務艙 , 對貴賓室的同事來說 , 可以係飛機上觀摩的確獲益良多 . 其實我對 Service 既見解當然不及我上司們 , 但在街外人眼中 , 其實我都已經叫要求高 .

早上 0430 起床 , 乘坐 0740 起飛的至早北京航班 , 係飛機上坐 C Class , 充足地休息 , 空中小姐們 , 新人應該也很多 , 所以有少少甩漏 . 我沒有要怪那位新人的意思 , 不過我有將此事跟同行的貴賓室同事 Case Sharing , 每個小動作 , 無論好定唔好 , 都值得人學習或反思 .


坦白說 , 這個早餐不合我胃口 ... 商務艙的好是位子寬敞 , 飲品長期供應 , 洗手間不用排隊 . 因此有咁多人想 R 免費 Upgrade 是有原因的 . 


飛機會預期遲了少少抵達 , 當地職員亦即時準備了回程機票給我們 , 麻煩到人 , 很不好意思 . 我們回程航班是晚上 8 點的 . 差不多有 4 小時的自由活動時間 . 小地勤帶住一班同事外出見識一下 . 先買 25 蚊的機場快線到東直門再轉地鐵 . 每次都覺得大陸的 Service 就是無 Service . 不過這是突然富強國家的必經階段 , 亦明白點解中國富強後 , 喜歡請香港人返內地去教導前線 . 唔知將來會唔會有呀總睇中我的 Service 知識 , 請我返大陸做 Trainer 呢 ?

兩小時 , 最好行 " 前門大街 " , 一出站可以遠觀到天安門廣場以及故宮 , 旁邊仲有舊日的鐵路站及正陽門 , 對第一次來到北京的同事來說 , 起碼可以影下相 , 打下卡 .



前門大街比王府井更吸引 , 兩旁都是古舊建築 , 特色手信 , 仲有美食街 . 一條大路 , 很好行 . 第一次五月天來北京 , 真的是熱死人 . 不建議夏天來北京 , 太陽太猛烈了 .



這裡有很出名的全聚德燒鴨及都一處燒賣 , 不過我地成班慳妹去了美食街找便宜的吃 .


想試很奈的傳統小吃豌豆黃 , 終於吃到了 , 不錯 ! 只是貴了一點點 , 6 件 28 元 .









清菜一碟 , 水煮肉以及老北京風味小吃炸醬麵 , 都很不錯 !

主角北京填鴨 , 半隻才賣 68 蚊 , 賣相很討好 . 味道也很好 !

時間不夠 , 只能路過而已的大柵欄 .






第一次由頭行到落尾 .  一來一回 , 時間剛剛好 , 係時候回機場了 .



呀爺新開的貴賓室 , 風格跟我們現在的貴賓室很相似 . 雖然硬件相似 , 但係 Service 方面 , 當地人主動性不夠 , 食物亦只有賣相 , 沒有味道 . 都係個句 , 好定唔好 , 都有值得學習及反思既地方 . Service 係要用眼去睇 , 用腦去諗 , 一樣米養百養人 , 不能一本天書行到頭 .









相信同事今次都有得著 , 同事不停問 " 點解佢地可以咁樣架 " . 我地就回應係文化差異 , 你地識問點解 , 代表你地覺得當地職員做得唔夠好 , 令係地 "唔順眼" , 別人做得不足之處 , 亦係我地既優勝之處 , 我地唔好學佢 . 雖然硬件我地唔夠人鬥 , 但 Service , 我地真係超班 .





參觀完呀爺貴賓室 , 我更加欣賞自己班同事 , 佢地每一個都做得比別人好 . 有自信後 , 同事會更加想做好 , 水平先會再提升 . 今次能夠有依個體驗真係好難得 . 回程因 C Class 機位不足 , 未能全體同事 Upgrade , 再一次感受到 DOJ 的重要性 !