網頁

2015年3月25日 星期三

澳門三日遊 * 2015 三月 (二)

10 - 12.03.2015

今日去睇燈塔 , 點解會想去呢 ? 原因係某一年 , 同期眾會約左去澳門玩 , 很開心 , 所以我好想重溫一下依個比較遠既地方 . 反正開車 , 想去邊都好方便 , 唯一不便係無位泊車而已 .

燈塔就係位於松山市政公園到 , 行上去真係好斜 , 應該會好辛苦 . 

參觀燈塔前 , 我地先去左邊邊睇下野 .

之後就行左入去個地道到參觀下 .

條地道好短咁 , 仲以為會好恐怖個種 , 好采好光猛 .

係裡面比個職員嚇親 , 我以為佢都係假人 .

之後就去睇燈塔 , 我第一次睇燈塔好似係墾丁 .

有個站崗既地方 , 入去咩都睇唔到 , 仲好迫 .

掛係燈塔上提醒人 " 依加打緊風呀 ! "

個燈塔都仲係好靚 , 只可惜天氣唔太好 .

旁邊間教堂之前黎時沒看到 , 今日就行左一轉 , 教堂裡面濕氣好重咁 .

燈塔既一角 :



係咁高處望到既風光 , 天氣真係唔太好 .

之後去埋公園個邊行下 .

好似好奈無見過小食亭咁 , 比山下買既飲品仲平 !

依到仲有好白同好肥既白鴿 .

行左一陣 , 又無左平日時間 .

2015年3月23日 星期一

地勤儲錢血淚史

23.03.2015

當大家仲不停討論緊 " 護士上車血淚史 " 時 , 小地勤好想講下自己份工對自己影響有幾大 , 有追開我日記既朋友相信好清楚作為前線既地勤 , 每日要面對幾大壓力及幾多野蠻乘客 . 有人講依行航空界係一座圍城 , 外面既人好想入去 , 裡面既人就好想出黎 . 小地勤係好想出去 , 但都要向現實低頭 . 原因如下 :

- 醫療保障 , 每位地勤都有自家公司醫療卡 , 睇網醫免費 , 睇其他醫生 , 包括中醫 , 鐵打 , 一般 可以向公司取回八成費用 . 有病就睇西醫 , 無病就睇中醫 . 就算再強壯既人都會有生病的時候 , 公司為員工提供近全免的醫療保障 , 為小地勤省下一筆開支 .

- 靚靚制服 , 手袋及鞋 , 突顯我地既專業及美麗既一面 . 全身都係公司野 , 爛左當然可以換新 , 唔怕被人係街上指指點點的話 , 可以省下一大筆買衫錢 . 

- 貴賓室員工及空姐一樣 , 每日收工都可以有一堆廚餘 , 唔怕食黎食去個幾樣 , 可以帶返屋企當餸 , 又或者第二日帶飯用 . 食方面 , 又再省一筆 . 以前的我十指不沾陽春水 , 依加係貴賓室就學識左好多野 . 簡單飯菜都 OK . 難既就帶廚餘當自己煮吧 !

- 返 Shift , 有好有唔好 . 正講好 , 避開星期六 , 日既人多車多 , 閒日買野比較平 . 收早時 , 剛好會遇正街市大平賣 . 由市中心行返去屋企要 15 分鐘 , 省下一程 4.4 的車錢 , 又可以買到平餸 . 我試過最平 10 蚊 3 斤菜 , 35 蚊 10 隻活鮑魚 , 55 蚊一條石斑 . 煲湯最平試過 20 蚊豬肉 , 5 蚊一籃蕃茄 , 5 蚊一薯仔 , 2 蚊一個洋蔥 , 健康又便宜 .

- 免費機票及一折機票 . 依個優惠改變了我的一生 , 令我開始唔做大花筒 , 學識了儲錢 ! 某一年 , 仍是大花筒的小地勤去了一轉北京 , 那個時候 , 我把身上的廿多元也花光 , 買了一本書 " 廿幾歲改變女人的一生 " . 那本書令我開始反思自己有幾大洗 . 那一年 , 我第一次去開户口 , 買了一份供 10 年的基金 . 半年後 , 我又買了一份要供 11 年的儲蓄保 . 

那一年我每個月只賺一萬元 , 扣左 3000 家用 , 2000 的士錢 , 所剩有幾多 ? 那一年 , 我明白當地勤有幾好 ! 多勞多得 ! 只要你有眼耳口鼻 , 四肢健全 , 公司就需要你 . 不久 , 我學識投資股票 , 對儲蓄幫助很大 .

某一年 , 我第一次歐洲自由行 , 身上只有 200 歐元 , 原來窮則通 , 不吃大餐可以吃麵包和燒雞 . 原來歐洲人用的電話超落後 , 但生活仍很開心 . 原來沒有電腦 , 沒有電話 , 生活會更自由自在 . 原來物質並不是很重要 , 最重要係心靈富足 . 那一次旅遊令我獲益良多 .

一個底薪只有 8000 元的小地勤在這行呆了四年 , 轉公司 , 加人工 . 今年踏入第九年地勤生涯 , 我是一個 Leader , 對比其他人 , 我人工不算高 , 有 12000 + 2000津貼+2000早夜車錢+每日都有既 OT . 每個月穩賺 18000 .

員工機票令我認識世界 , 改變自己 . 旅行我照去 , 洗費全是股票賺來的 , 不肉痛 , 錢我照儲 , 本金不斷增加 . 假如我能夠遇上跟我一樣的好男人 , 上車 , 供樓相信並不難 . 

依個係我自己既真人真事 , 我沒有富爸媽 , 我也是屋邨長大的 , 我沒有大學學位 , 沒讀過名校 . 但我明白積小成多 , 恃之以恆既道理 , 當然穩健既投資都好重要 . 人地成日話當你搵到第一桶金之後 , 第二 , 第三桶就會好輕鬆得到 , 的確有道理 .

有數得計 , 就算小地勤每個月儲得 3000 , 一年都儲到 3 萬 6 . 十年就係 36 萬 . 更何況我隨住人工增加 , 我亦儲得更多 . 依加樓市咁貴 , 再等下吧 ! 別急住搬離父母 , 有時窩居只為將來更美好 .




2015年3月22日 星期日

澳門三日遊 * 2015 三月 (一)

10 - 12.03.2015

每年都會陪男友返澳門拜年 . 因為部門人手不足 , 所以等到三月先遇上孖 Day . 10號那一晚 , 一收工就去尖咀上船 , 趕上 2130 既班船 , 差唔多 2300 先出到澳門碼頭 .

開車去左筷子基到食晚飯 , 隋便亂叫 , 價錢跟香港差唔多 , 唯一唔同就係比香港大碟好多 .




其實唔至叫左咁少 , 不過掛住食就唔記得左影相 .

每次返澳門 , 除左見男友既親友外 , 男友都會帶我四圍去下 , 之後就去開舖搵錢 . 每日最搵錢時間就係 1800 至 2100 , 學生哥放學 , 西裝友收工 , 原來男人真係咁鐘意現玩具 .

去親澳門都係要食下葡撻及豬排包 , 今次試左燕窩撻 , 不過無話特別好食 .

係氹仔隨便食一間 , 不過都唔平 . 對比舊年 , 依到賣既手信比上年貴左差唔多 10 蚊 . 應該係同香港同一命運 , 所有野都比搶貴曬 .

臨走前就隨便去左間冰室食午餐 . 好懷念小時候那些茶餐廳 , 香港發展得越快 , 就買少見少 .




係澳門開車真係好唔方便 , 想搵個地方泊車都難 , 每次都要泊到老遠 , 就算有錢買車 , 都唔一定有車比罰款 , 每日都亂泊 . 不過澳門有樣野比香港好 , 就係買樓同香港同價 , 但個單位就一定大好多 , 好多都係 300 幾萬 800 幾呎以上 . 香港就一定唔得啦 ! 


究竟依幾日小地勤去左邊 , 下篇再講 .

2015年3月18日 星期三

上海野的禍

18.03.2015

16 號晚 , 遇正上海大霧 , 等左好多個鐘 , 最後的上海航班 , 終於係 Delay 左 5 個鐘後 , 開始登機 . 講真 , 個日既客真係算易攪 , 吹下水 , 讚下佢 , 都無為難過我地 .

當中最令我印象深刻係一位銀卡先生 , 本來佢想發難 , 結果小地勤一句 " 偷偷地正係話你知最新消息 , 因為我認得你 , 你成日黎 " 佢一聽到 , 心情就大好 , 由起初勁惡 , 到之後問我幾點先收到工 . 臨走時仲專登同我講 88 , 叫我早點回家休息 . 那一刻 , 我又引證左一個道理 , 扮熟係有效既 .

17 號晚 , 預左會因為尋日而產生骨牌效應 . 結果係比想像中更差 ! 上海機場唔知點解 ATC , 香港去上海既飛機由下午五點一直困住乘客等起飛 , 等到第一班可以飛到出去時已經快零晨兩點 , 你話幾可怕 .

好不幸地 , 公司飛機 , crew 同客人都 ready , 但上海機場唔 ready 呢 ... 一直無時間比飛機起飛 . 更不幸係閘口就係貴賓室樓上 , 意思係可能會有好多人撞落黎 .

坦白講 , 依班客算對我地幾好 , delay 左成 12 個鐘 , 我都只係被一個女士鬧左 10 分鐘 , 佢一路鬧我 , 一路就重複你態度好都無用 , 你公司 balala ... 我唯一可以做到既就係做場戲比佢睇 , 親自跑去轉機處幫佢換登機證 , 之後佢就無再煩我 .

那一天 , 我返工返到第二朝早上 , 有早更同事返黎 , 我先可以離開 . 那天 , 發生了很多令我頭痛但又好 warm 既事 .

1. 一返工 , 同事仔就話有客要投訴 , 內容唔多講 . 最後我親自去招呼佢 , 聽佢發表佢既偉論 , 再讚佢好叻 , 識好多野 , 同佢傾左陣我獲益良多 . 佢回答我 , 服務好如你 , 錢我不放眼內 , 你把口好識講野 , 又問我點稱呼 , 又話要開間公司比我做 CEO , 笑死我 . 之後 12 個鐘 , 每次出黎都係搵我吹下水 , 完全唔當 delay 係一回事咁 .

2. 4 個坐船到香港 , 不能出境的男人 , 佢地又係話要搵經理 , 但因為之前我已經同佢地吹左好奈水 , 所以佢話唔想難為我 . 亦講到中點 , 話到事既人唔會係前線 . 最後經理都自身難保 , 我又再去同客人講經理有幾慘 , 上面好多人圍住佢 , 佢好想黎 , 但黎唔到 . 4 個客又話唔緊要 , 話我盡左力就得 . 零晨一點幾 , 第一班機要取消 , 男同事落黎安排酒店 , 當時我好唔鐘意佢點左我出去搵客 . 不過我唔出去講取消 , 唔同要班細既出去講咩 !

我出左去 , 同所有客講取消 , 佢地都好平靜 , 都係個句 " 說話技巧 " . 再加上最煩個 6 個客 , 我早就 friend 左 , 所以佢地都易話為 . 突然聽到有客人係門口大叫 , 我正想出去睇下咩事時 , 4個坐船到香港的男人圍住我 , 唔比我出去 , 話外面打人 , 怕個客會打我 . 個刻好感動 !

3. 門口好混亂 , 但我就被保護中 , 之後有個吹過好幾句水既女士同我講 , 你快執返個張紙比我 , 係酒店安掛既紙 , 個外國人痴左線 , 依張紙你比我 , 等我轉頭比你同事 , 你唔好出去 . 再一次既感動 . 同時亦為那個男同事難過 , 被人拉起再推跌左兩次 .

4. 有個老教授 , 起初好煩 ,轉左幾次飛機 , 到最後 , 佢寫左表揚信比我 , 都係個句 delay 左成 12 個鐘都無再麻煩過我 . 到最後 , 仲話唔想因為自己又轉機攪到我收唔到工 , 而決定唔轉 , 夜我收工 . 你話班客幾好 !

說話係要有技巧 , 亦要懂得扮可憐 , 扮無奈 , 扮盡力 , 吹下水 , 唔好去閃麻煩人 , 那些你以為最麻煩的 , 最後可能先會保護你及幫你說好話 .

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@

2015年3月15日 星期日

想上車 , 搵個地勤做老婆

16.03.2015

這個月的更表 , 對我來說 , 很辛苦 !

好奈無試過走咁多位同事 , 而又未請得返曬 . 平日強調唔等錢用的我 , 也要出山 , 返 OFF-OT . 相信我已經有成大半年 , 無返過 OFF-OT . 基本上 , 我平時都係返 3 日就放 1 日 , 之後就係返 2 日 , 又放 1 日咁 . 但依個月因為人手唔夠 , 我要返成 6 至 7 日先有 1 日假 , 真係好好辛苦 .

可能大家唔會明白 , 返 6 日對輪班的我來說 , 有幾慘 . 每星期唯一的 1 日假就係用黎轉更 . 即放假前一定係收夜 , 起碼 3 點先返到屋企 , 而放假後就一定係返早 , 晨早 3 點幾就要起身 . 的確好攰 , 我精神上支持到 , 但年老既身驅就真係頂唔順 . 依幾日收早 , 我都係晚上七點幾就要去訓覺 ... ...

究竟我為左咩野要咁樣對自己 , 我的確唔等錢洗 , 但最近太多新聞話我知要努力儲錢 . 如果我想早日退休 , 我就要安安定定咁做多幾年 . 我係洗好少錢既女仔 , 無論我搵幾多錢 , 媽媽都只係要我比 3000 蚊做家用 , 不過我都好乖 , 會比多三幾百佢飲茶 , 同幫佢交電話費及上網費 .

雖然小地勤好似成日去旅行咁 , 但其實都唔係洗好多 , 買比自己既都係必需品 , 亦因為咁係香港就無點買野 .

坦白講句 , 係依間公司返工的確辛苦 , 但佢又的碓係人工算叫唔錯既地勤公司 . 小地勤以前係 J 公司做地勤 , 底薪加津貼先 8000 , 做左三年幾先加到 9100 . 依間公司 , 小地勤就由 14000 , 都係底薪加津貼 , 做左快四年 , 依加就底薪加津貼有成 16000 . 仲未計我既 OT 錢 , 我成 70 幾蚊一個鐘 , 好似依個唔夠人 , 我要開 OT , 一 OT 到第 37 鐘 , 我就成 110 蚊一個鐘 .

有數得計 , 小地勤每個月都儲到成萬蚊 ! 再加上 , 我除左會儲錢 , 仲會買下股票 , 當年我係股票跌到人心惶惶時學會買股票同儲基金 , 那幾年我為左買到更多股票 , 我每日都帶飯 , 衫都唔買多件 , 日日返工都係著住制服咁上落班 . 當時好多同事都笑我係窮家女 , 我都仲好自我 , 哈哈 .

今時今日 , 我有錢都仲係唔會買樓 , 因為古語有云 , 物極必反 , 升成咁就好似當日股票咁 , 跌先再去諗 , 依個時間我要諗既係再儲多些彈葯 .

FACEBOOK 講上車血淚史 , 話想上車 , 要搵個護士做老婆 , 其實想上車 , 搵個地勤做老婆仲好 . 不但旅行可以照去 ( 有免費機票 ) , 就算好似小地勤咁 , 唔係大學生 , 都可以靠多勞多得 , 少少地都搵到 2 萬蚊一個月 , 仲要返工返到無時間行街買野 , 無靚衫去返工 , 都仲可以著公司套制服 , 分分鐘仲多人偷望你 , 哈哈 ...

單身男士 , 去旅行時不妨留意下 , 好多地勤靚女都因為返工時間唔好 , 無機會識男仔而仲係單身 , 所以去旅行時 , 遇上 delay , 記住唔好鬧人 , 好好對人地 , 話唔定下一位可以上車既人 , 就係你 .

2015年3月4日 星期三

不想說再見

05.03.2015


再多一個同事唔做 , 心裡很難過 , 她各方面都很好 , 但人家找到了好工作 , 真的不好再留 !


其實我都好想走 ... 一個個好朋友兼好同事離開 , 最大問題係公司發展太快 , 但人手卻不足 .


表面上 , 聽到這個消息 , 我仲要好假咁扮祝福佢 , 其實心裡好自私地不想讓她走 .


記得離開 J 公司時 , 也是一個一個同期跟朋友先比我早走 , 我跟自己說 " 不想 Resign 時 , 沒有朋友跟我合照 " 所以我要趁仲有朋友及同期時 , 就 Resign , 當年 , 我做左 3 年半地勤 . 之後先做一年多的 Part-Time .


轉眼間 , 我在花花公司快四年了 , 眼看一個個咁離開 , 我的心仍是為 " 準備結婚 " 而堅持下去 , 但今次依位同事既請辭 , 令我開始動搖了 ... 我希望同事有好路數 , 但又矛盾地不想佢地掉下我 T.T

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html
 

2015年3月1日 星期日

說話藝術

01.03.2015

面對投訴客人要盡量控制自己情緒 , 盡量唔好黑臉 , 扮傻 , 扮無奈 , 扮 helpful 係必須 .

將話題拉開去其他野到 , 盡量將客人要投訴既野放細 , 將唔重要既野放大 . 打開眼講大話及吹水係必要的 .

要做戲比客睇 , 比佢知道你幫緊佢 , 但唔係自己部門問題 , 將個波射去第二度 , 確保自己部門唔比人投訴 , 係自私 , 但只要唔比麻煩掃把同呀姐 , 咁先叫做 " 做到野 " .

不過 , 唔係每個人都認同小地勤既做法 .

某天 , 我卡都未打 , 掃把就同我講今日佢被人抄左兩次名投訴以及外面有個好麻煩既客人 . 一聽到 , 其實心裡有數 , 因為今日既兩位睇場 , 係處理這些事件上只會 " 火上添油 " , 因為平日都有 leader 頂曬 . 剛好今日就只有我一個返夜既 leader , 迫住掃把去食曬 .

今時今日 , 我仲係一個 leader , 所以我要去攪出面個麻煩客 , 依個麻煩客臨走時同我講 " 放心 , 我不會投訴的 , 只是嘴上說而已 , 剛剛不好意思 , 大家打工都辛苦 . " 這就是我用左半個鐘去處理既麻煩客 . 算叫成功嗎 ? 我不知道 . 但令客人心裡內疚 , 我十萬個開心 ... 好變態吧 !

呀姐話我好有經驗 , 機場經驗好多人都有 , 但處理投訴每個人都有自己方法 , 點先叫有效 , 係一門說話藝術 . 我唔算叻 , 我係外型上有優點 , 我個子小 , 無攻擊力 . 我有酒粒 , 笑起上黎的確係幾甜美 . 我天生有把溫柔同嗲既聲音 . 最重要可能係我唔似 30 幾歲 , 仲似妹妹仔 . 依幾方面令我有七成機會攪掂個客 .

當然 , 我都係人 , 仲要係女人 , 一樣會有情緒唔好既時候 , 個段日子我亦特別容易比客鬧 .

依幾日因為一件唔開心既事 , 令我更認清要點做 . 而今次依件投訴亦令我更睇到貴賓室將來會有更多投訴 , 簡單一句係 " 同事功夫未到加 " . 好快又會有一堆新 Leader 出現 , 亦代表我會有好日子過 .

原因係大家都係 Leader 時 , 我再沒必要幫你硬食 ! 

我同掃把係好朋友 , 所以我對佢都好坦白 . 貴賓室擴張之日亦係我唔做之時 . 不過 , 我唔打算同呀姐講 , 怕佢會因為我咁唔合作而攪我 . 我想做到結婚同大肚 , 假如我大左肚 , 我一定日日唔返工 , 直到生完就請辭 !
-------------------------------------------------------------

一個局 :
某天我打發了一個麻煩客 , 當時唔記得還返張登機證比佢 . 我怕佢返轉頭會鬧我 , 所以我即時佈左個局 . 我記得當時我比左幾支水佢先打發到佢走 , 因此我張佢張登機證放係地下 , 依個位置係我唔會睇到 , 但個客一返轉頭就會見到 .

結果 , 我成功了 . 客人誤以為自己唔小心掉左張登機證係地下 . 我仲要扮傻話好采佢記性好 . 個客比我讚左兩句 , 心情當然大好 , 之後都無再返黎找我麻煩 .

其他同事睇住我佈依個局 , 仲笑我咁都得 . 我其實係一個古惑的地勤 !


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html


驚險的二月最後一天

01.03.2015

最近又 ATC ( 上海及廣東流控 ) 了 . ATC 客人很理解 , 沒有太難為小地勤 . 但有一件事卻令我唔開心 , 其實我好想同大家講 , 但又好怕被某人知道 ... 所以算吧 !

係依件唔開心既事裡面 , 小地勤學會了別多管閒事 . 人地鐘意點做就由佢啦 , 總次自己無事就可以了 , 我人工係唔包括教人 , 更何況人地又唔認同自己做法 , 無謂多事 .

講返二月的最後一天 . 我不幸地返夜 , 坦白講返夜無 VIP , 無咁多 GUEST , 其實好做好多 . 只不過一早就開始流控 , 攪到所有飛機都 Delay . 骨牌效應下 , 晚上又多難捱 , 大家應該想像到 .

小地勤不是怕有商務客係最夜航班而攪到遲收工 . 我反而係驚個班經濟艙乘客 , 何解我會咁講 . 根據過往經驗 , 樓上同事為左唔想同客再嘈 , 就會暗示或明講比客人聽公司係有貴賓室 . 結果一堆唔入得黎既人就會衝落黎搵我 .

佢地目的係要入黎休息 , 佢地亦會有一千個理由鬧我 . 都係個句 , Delay 不等於可以殺人放火 . 香港既航班 Delay 越黎壞嚴重 , 其中一個大原因係因為大陸空管 , 天氣唔好又空管 , 軍事演習又空管 , 領導出遊再空管 , 總之日日都有空管 .

大陸上空一禁飛 ,  香港飛機飛唔到出去 , 返黎航班又遲遲返唔到黎 , 你話 , 點會唔大 Delay . 轉眼間 , 小地勤踏入第九年地勤生涯 , 眼看機場人流越來越多 , 中國客人亦越來越多 , 地勤返工時間越來越長 , 被人鬧既日子倍數增加 , 見報機率以及被人打既機率都直線上升 . 唯一不變既係薪金 ! 九年前既入行價係 8000 , 九年後入行都仲係 8000 . 問你死未 !?

尋晚 , Last Flight 中左一位 C Class 乘客 , 為左佢 , 我可能會被十幾廿人問候 . 5 個打雜落黎問點解 Delay , 1 個打雜落黎問點解取消 , 10 個問點解唔係 24 小時開放 , 2 個去錯貴賓室但卻發我脾氣 ... 一直忍呀忍 , 終於被我等到零晨一點半 , 等到那個 C Class 唔出現 . 遲到就當佢唔黎 , 急不及待關門走人 . 雖然可以早走 , 但卻因為當初唔知收幾點鐘 , 結果要等一個鐘先有的士返屋企 . 

咁就完結左頭痛既一日 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html