北海道的航班 , 每日起飛時間都不同 , 今日遇到的是 09:15 的飛機 , 大約日本時間 15:30 抵達新千歲機場 . 小地勤 BB 喜歡睇車車 , 飛機 , 所以小地勤又帶左佢去貴賓室上面的兒童區放下電 .
第一次係北海道沒有自駕 , 感覺坐 JR 很新鮮 . 由機場去札幌 , 很容易 , 就係國內線個邊大樓 . 單程印象 1000 Yen 多少少 .
最近 , 我們都會係 7 仔攞本免費故事書 , 晚上就可以跟 BB 講故事 . 我地已經儲左好多期 . 相信大家都留意到 , 小地勤今年飛得好密 , 一來想清機票同假期 , 二來 BB 未夠 2 歲 , 公司沒有收 BB 機票錢的 , 只有香港政府收左 BB 140 蚊 , 當中 90 幾蚊係起三跑既錢 .
10 月的北海道 , 凍過香港的冬天 , 十度左右 . 小地勤怕會突然早左落雪 , 所以有帶埋嬰兒車雨套 , 可以順便擋下風 , BB 又睇到風景 .
當黎到苗穗附近時 , 覺得四圍都好新奇 . 平日係北海道車出車入 , 的確錯過了很多風景 .
終於來到商場 , 我們先發現 , 原來我地黎過依到好多次 , 因為車出車入 , 所以無留意到 , 哈哈 !
9 月時係日本 , 已經見到萬聖節裝飾 . 10 月當然仲會見到 . BB 好驚個南瓜人 , 唔肯同佢合照 .
我地直接去左玩具反斗城買 BB 果汁 , 即食粥 , 即食餸以及零食 , 我再跟他留係玩具反斗城玩車車 , 放生老公去行街 .
之後再帶 BB 去另一層免費兒童區繼續放電 , 順便買尿片 . 相信大家會明白點解小地勤咁鐘意去日本 , 去日本 , 我只會帶足夠奶粉 , 1 支蒸餾水 , 幾條尿片以及 BB 用開既 Lotion . 如果閣下 BB 無濕疹 , Lotion 都唔洗帶 .
我家寶寶可能比較似小地勤 , 書生型 , 唔太四肢發達 , 我教左佢好多次 , 佢先上到去玩滑梯 . 奶奶行商場回來 , 原來佢介幫我去埋 100 Yen 店是但買左幾件 100 Yen 玩具比 BB 今次旅程玩 . 的確 , 我只會帶一架車車同一本書上飛機 , 去到日本咩都有得買 .
天氣很冷 , 我們買完野 , 商場都開始關門了 , 我們再散步回來兼搵食 . 最後選擇了酒店樓下的居酒屋 . 檸檬唔洗錢 ? 好攪笑 .
居酒屋我地都少左去 , 自從與 BB 同行 , 我們的選擇係 Food Court 或者買返酒店食 . 太夜 , 唔太好幫 BB 沖涼 , 所以很多時係酒店食 , 就可以先洗白白 , 再吃飯 .
幫 BB 叫左個兒童餐體驗下 , 佢突然開口唱生日歌 . 我們都好驚訝 . 因為佢一直只會叫屋企人同手指指 , 其餘都唔肯講 . 今日佢竟然唱英文生日歌 , 仲要係我地無人教過佢 !
旅行刺激了小腦袋 , 今次行程 , 佢回家就開始講野 , 而且好快就已經講句子 . 實在太大收獲 .
