網頁

2015年12月22日 星期二

年度回顧 * 2015

23.12.2015

轉眼間 , 又過左一年 . 小地勤發現旅行的確係一個減壓的好方法 , 一放假就用公司機票飛呀飛的 , 依個福利的確幾好 . 其實今年回想返 , 都有好幾件事令我唔開心 , 當中以舊同事差唔多走曬令我打擊最大 . 一月走了同事 J , 三月又走了同事 K  , 到今年九月連同事 S 都走埋 . 雖然不停有請新人 , 但因沒一起經歷過咩大風大雨 , 所以都唔算感情深厚 , 所以到有新人走 , 小地勤都無咩感覺 .

另外 , 最近總覺得好孤獨 , 兩個好朋友都升職了 , 我卻原地踏步 , 唔出想作出任何改變 . 最後一件令我情緒困擾既事就係一個文職位置 . 不過 , 同事們都叫我看開一點 , 唔好咁負面 . 而家人就一致地支持下 , 東家唔打打西家 , 亦勸小地勤唔洗去爭取 , 因為有些事的確強求不了 . 爭返黎先有 , 又能夠維持到幾奈呢 ?

唔講唔開心野 , 回顧返 2015 , 真係好精彩 . 我亦由小姐轉做呀太 , 哈哈 !

一月跟同事完成了說好的歐洲之旅 , 小地勤好開心可以一再返 Salzburg 依個地方走走 . 雖然小地勤已經去過好幾次 , 但仍好想再去 Salzburg ! 另外 , 亦好開心左轉右轉後 , 成功找到湖邊小鎮的最美角度 !


二月 , 我同現在既老公為左用左張機票 , 再飛一次沖繩 , 我都已經唔記得自己去過幾多次沖繩了 . 今次最開心係穿傳統服以及到洞穴咖啡店飲咖啡 !

三月無假期 , 所以只好回澳門一轉 . 返澳門對小地勤來說係返鄉下 . 係澳門我地都係開車四圍去 , 澳門好少停車場 , 所以開車其實好唔方便 .

四月 , 好似年年都係最忙的日子 . 亦唔會有假攞到 , 因為都要留返假期係五 , 六月時用 . 今個月最特別同最開心就係呀姐益我 , 叫我去參加一個有野食有禮物收既茶會 .

五月 , 小地勤老公生日 , 亦係我地第一次去北海道 . 係依到 , 我老公搵到條財路 . 而小地勤就第一次見到咁多櫻花 .



話咁快就到六月了 ! 六月是小地勤既生日 , 女人最怕又老一歲 . 自從北海道之旅幫我地搵到一筆錢 , 老公就 keep 住咁快北海道 . 小地勤第一次睇花田 . 好開心 , 好靚 !


七月參加了機管局的扮獎禮 , 橫掃左 3 個獎 , 好開心 . 人生第一次攞咁多獎 ! 小地勤亦明白 , 花無百日紅 , 好快亦會有幾多同事代替我地幫公司攞獎 . 有時峰芒太露就會成為是非之人 .

八月 , 本來約朋友在台北玩 , 一個世紀巨風 , 把小地勤吹左去北海道 ... 去唔成台北搵朋友 , 只好跟老公去北海道走水貨 ! 看太陽花花田 , 好開心 .


九月 , 公司有個小小扮獎禮 . 好高興有份參加 . 不過都係個句 , 可能唔會有下年 .

九月對我黎講都好重要 , 我老公終於黎我屋企落訂啦 !

十月 , 小地勤簡簡單單咁就結婚了 . 之後就飛左去北海道睇紅葉 .


十一月係好日子 , 好多人依個月結婚擺酒 . 小地勤都有簡簡單單咁同家人食飯 . 之後又係去左沖繩慶祝 !


十二月 , 機票都用光了 . 亦遇上今年最唔開心既兩件事 . 係我最唔開心既時候 , 有貴人帶左我去迪士尼免費玩一日 . 上天對我仍是很好的 . 這是小地勤第一次去迪迪尼 !

今年快完結了 . 開心的就記住吧 ! 不開心的 , 就自動 delete 佢 . 人大了 , 要學的是不要多管閒事 , 自私一點 , 不要為任何人強出頭 , 忠言唔係人人都接受到 , 小地勤又何必去幫人而攪到自己周身麻煩 .

買同食。沖繩。2015。十二月

30.11.2015-03.12.2015

沖繩天氣跟香港接近 , 而且又近香港 . 最重要係佢係一個日本地方 , 有好多好野買 !

Rimowa 既行李篋 , 好似都平過香港 . 咁當然歐洲應該係最平 !

龍貓既產品真係又靚又四圍都見到 , 如果我識煮飯 , 我都想買個靚飯盒 , 帶飯返工食 !

係日本超市真係可以輕易買到一車野 !

我地買米 , 又買罐頭 , 好似香港鬧饑荒咁 .



超市有護膚品 , 又有小朋友物品 , 可以行幾個鐘都樂而忘返 .

賣化妝品的石敢當 !!!

最鐘意係商場既雪糕機買野食 , 再休息下 .

有時仲會買到唔記得食正餐 , 不過超市門外 , 一定有餐廳 , 唔會餓死你 . 第一次見成盒蘿蔔咁上 , 比我地食曬 !



亦第一次係沖繩食鰻魚飯 . 就係那霸市內 DFS 個站個邊既玩具反斗城上面.



跟小朋友同行先有機會食兒童餐 !

黎沖繩一定要試 Blue Seal 雪糕 . 點解 ? 因為出名囉 ! 萬一係行程中沒時間試 , 放心 , 閘口旁邊就有一間 , 起飛前都仲有機會買到一試 !



每次黎沖繩都會黎國際通買手信 . 大路野一定係到買 , 記住格下價 .

每次都無機會試食的花笠 , 唔緊要 , 相信總有機會食到 .

我老公好鐘意買細細支酒黎送朋友 !

我就好鐘意買一盒盒野食送人 , 每次都係依一間買 . 原因當然係最平 !

係北海道就一定要買薯條三兄弟 , 係沖繩就要買黑糖味的薯粒三姐妹 . 買薯粒三姐妹既原因係小地勤老公想要依個 Calbee 環保袋 .

沖繩近海 , 最出名既係波上宮既交通御守 , 今次見到新款式 . 以前有係到買過書包型的御守 , 超可愛 .

每次黎沖繩 , 我地都會夜飯食拉麵做宵夜 . 最喜歡依間神德 .


一直以黎都好好食 , 但今次再食 ... 師傅年轉左人 , 個麵細左 , 又加左價 , 仲要 ... 正睇隻蛋就知唔再 OK .

轉場到網友林公子推介既通堂拉麵 . 林公子果然無介紹左 . 不過依間店就真係好多人 , 長期要排隊 .




每天早上都會到泊港魚市場食早餐 ... 超多生魚片 , 的確平 ! 可惜我唔食 !



今次沖繩既日記終於清曬了 ! 又要準備 2016 年既歐洲之旅 , 諗起都開心 !