網頁

2015年8月31日 星期一

2015/八月/余市/小樽

01.09.2015

今日係學生哥既開學日, 但就係我放假既日子. 又可以清一下日記.

小地勤每次北海道行程都包括余市 , 原因係走水貨.

每日晨咁早由札幌開車過黎等佢開門 , 何想而知我地幾咁想賺外快.

但自從 " 余 " 宣佈停產後 , 余市酒廠就好熱鬧 , 每日都見到香港旅行團黎掃貨 .

差唔多無曬酒買 , 正係得放一堆小食及精品 , 其實香港人都好有錢 .

今次賺唔到個旅費了 ! 沖繩早就被攻陷 , 估唔到最北既北海道都咁快玩完 .

每次黎依到 , 我都會去拍到此一遊照 .


其實依間酒廠我已經好熟路 , 直接衝去博物館間屋仔影相 .

每次入去都仍會被佢個 Logo 吸引 , 發現幫佢影左好多次相 .

裡面有個水池仔 , 明顯仿照歐洲咁做 .

四圍都係酒桶 , 好香酒同木味 .

我有我影相 , 男友就企一邊飲酒 . 其實唔覺得佢有咩特別 , 但香港人就係咩都炒 . 做地勤既好處就係可以有平機票走水貨 ( 如果有門路 ) 以及一年去無數次旅行 ( 窮遊 ) .


每次都想食 " 海鮮工房 " , 但每次都排隊排到樓下 ... 5 月時食到一次 , 仲要唔洗排隊 , 應該真係我地好彩 .

買完要買既野 , 就離開余市了 . 

余市跟小樽好近 , 所以每次都會係咁玩 . 路過市場 , 就入去打個轉睇下 , 只要係天書無介紹既地方都一定有驚喜 .

可能接近關門時間 , 人影都唔多個 , 都係買水果同海產咁 , 對比札幌既二條市場 , 依到的確平少少 .


男友一直嚷要食生野 , 小地勤唯有放生佢 , 自己去對面超市行下 , 正當我準備格價 , 男友已經食完返黎搵我 , 點解食野可以食得咁快 ?

之後又係超市買左一堆烏冬及日用品返香港 . 自從黎左依間公司做地勤後 , 我都好奈無係香港行過街 , 因為都留返所有錢去旅行時先買野 , 發現香港既野都的確幾貴 . 究竟係由幾時開始 , 茶餐廳無左廿蚊下午茶架呢 ?

早排係網上見到介紹北海道既節目話有十層雪糕 , 結果我地只搵到八層的 , 要兩個人快食先得 , 溶得好快 .


去多左小樽 , 覺得佢已經無咩特別 , 如果唔係去開余市買野 , 我可能都唔會話再黎 . 小樽令我印象最深刻的有運河既夜景 :

一堆一堆好靚既音樂盒 :

以及好抵食既哈密瓜雪糕 :

每次完成依幾樣野 , 我就當自己行完小樽 .

2015年8月28日 星期五

2015/八月/北海道向日葵

29.08.2015

好想寫左今次既重點行程 - 北竜向日葵之里 . (+81-164-34-2111)

要去依個地方 , 開車應該係最方便 . 喜歡路過小市集食下小食 , 影下相同伸展根骨.

青瓜一條 , 好新鮮 , 好健康 !

充滿靈氣既公園仔 . 遠睇以為有馬係到 , 好迫真 !

七月尾八月中係向日葵盛開既季節 , 黎北海道當然要睇花田 . 

推介北竜向日葵之里原因 , 免費入場兼夠大 .



依個花田近旭川 , 開車單程 2 個鐘 , 接近花田時 , 見到好多向日葵做型既野.

門口有告示板話你知個花田開左幾多成 .

依到有免費泊車同小市集 .


北竜向日葵之里係日本最大既向日葵花田 , 係到我地遇上日本攝製隊 .

有好多木架台比遊客上去影相 .


附近環境好靚好靚 , 只可惜今日天氣唔太好 .

有付費既向日葵迷宮 .

仲有得餵鴨仔 .

唔想行 , 仲可以租單車或坐觀光車 .

由於黎依到既交通唔方便 , 所以無咩外地遊客 . 係到見到花多過人 . 依到種左好多款向日葵 , 超過 100 萬株 , 好壯觀 !





好多向日葵仲大過我個頭同電話 .


行完一轉 , 又返左去市集休息下 .

似唔似卡通片見到既冰 ? 我專登買黎試食下 . 好涼快 !

市集有野食買 , 有向日葵產品買 , 仲有插花展 .


只可惜唔係全年開放 , 如果大家有機會夏天去北海道 , 遇唔上薰妄草都可以黎睇向日葵 !