網頁

2015年5月30日 星期六

五日四夜日本北海道 Sapporo 自駕之旅 * 第四日 ( 小樽市內遊 ) * 2015

19.05.2015

五月的北海道四圍都係花 , 但天氣卻很冷 , 亦時時下大雨 .

今日認認真真咁行下小樽市既商店 . 唔想花大錢泊車 , 所以泊左去西松屋 , 當然 , 小地勤都有比生意西松屋架 ! 最鐘意係到買 BB , 小朋友以及自己野 , 因為我係著 150 Size . 

其實小樽花左我最多時間只有兩個地方 , 一就係西松屋 , 二就係音樂盒堂本館 ( 0134221108 ) .

裡面有好多各式各樣既音樂盒 , 每一個都好靚 . 


小時候 , 我家中都有一隻咁樣既娃娃 , 我仲記得佢係綠色既 .

幾可亂真 , 好多人搶購 .

有成幅畫既掛牆系列 .

這是我心目中既音樂會 , 旋轉的芭蕾少女 . 幾百蚊 , 我唔捨得買 .

洗唔洗咁大隻招財貓 !?

唔知點解 , 我覺得依到好有聖誕氣氛 .


二樓有好多舊式音樂盒 . 小地勤雖然唔捨得買比自己 , 但就買左一個幾百蚊既音樂送比好朋友做生日禮物 .


音樂盒堂本館對面的遊工房 , 可以整一個獨一無異既音樂盒 . 

有興趣可以去整返一個 , 但都幾花時間 , 每件配件一粒一粒咁同你計錢 @@ !

沿住大街行 . 天陰陰 , 又大風 , 真係好凍 .

所以我成日走左入去行下小店 , 暖下個人 .

一路行 , 一路搵食 . 食左以下兩樣野 . 個串燒唔知係咩黎 , 總次唔係肉 . 個 Tart 就凍冰冰 .


行下行下 , 黎左出跋小路 .


又唔食得生野 , 又唔想再食拉麵 , 結果去左食雪糕 . 1400 Yen 一個 , 計落好抵 , 話曬人地比半個哈密瓜你食 .


天陰陰的運河 , 靚嗎 ? 我個人比較喜歡佢個夜景 !

係運河對面有間小樽運河食堂 ... 好開心見到湯咖哩 , 點知無開門 , 仲想試下 ...

最後 , 我唔食 , 我男友都要食 , 隋便入左間飯堂食野 .

又係魚生飯 ... Help !

以下係我可以食既午餐 T.T

又係蟹湯 , 但今次係另一種蟹 . 原來依幾日 , 我已經食過 3 款蟹 , 男友唔講我都唔知 .


返札幌 , 雨過天晴見彩虹 ! 人生應該要充滿希望 !

2015年5月29日 星期五

被投訴的男乘客

29.08.2015

今天中午 , 一名馬來西亞人黎到貴賓室 , 問小地勤記唔記得佢 . 坦白講無印象 . 之後馬來西亞男人加多句 " 我上次被人投訴呀 ! " , 我就即刻諗起成件事 .

話說上幾個月 , 有一位前往上海既香港男人投於依位馬來西亞男人講野大聲 . 小地勤最怕處理依種事 , 因為攪唔好 , 就兩邊都得失 , 之後再投訴埋我 , 而成件事係唔關我事 , 卻會無啦啦被兩邊既人鬧 .

又係時候做場戲 . 小地勤好可憐咁行去同馬來西亞男人講 , 唔好意思 , 有乘客投訴你講野太大聲 , 不過 , 我明架 , 我行出行入左幾轉都唔覺你講野大聲 . 最衰都係我公司航班 Delay 左 ( 事實無 Delay ) , 所以個位先生唔高興 , 係要搵野黎為難我 . 真係唔好意思 , 要你講野再細聲少少 .

馬來西亞男人見我因為航班延誤而攪到被客為難 , 好同情我 . 之後每次講野都會行出外面 , 非常合作 .

而香港男人見到馬來西亞男人唔再講野 , 亦讚我做得好 . 事實上 , 我擺左佢上台 , 佢卻不自知 .

坦白講 , 打後我都一直有見到香港男人再坐公司機 , 而佢亦認得我 . 每次都會同我 Say Halo , 以及講返我上次處理得好好 .

估唔到今次到遇返馬來西亞男人 , 佢亦記得我 , 仲問我之後有無再比客為難 , 又問我最近香港天氣咁差 , 有無野蠻乘客 , 佢仲同佢個朋友介紹我 , 話我同佢一起經歷過一段不愉快事件 , 真係笑死左我 .

佢好人到仲話要寫表揚信比我 , 但我就話唔洗 , 因為應該係小地勤寫返表揚信過佢 , 佢咁合作 ! 之後佢行出行入都同我打招呼 , 好 Nice .

有時 , 善意既謊言係必要既 . 大家有無覺得我好傻 , 又唔要張表揚信 , 因為最近我有少少鬧脾氣 , 就算張表揚信寫到我幾好 , 有咩用 ? 我都仍然係那個夾心階層既小地勤 .

我將大部份文章都隱藏了 , 有興趣就黎依個地方留言比我 .
http://www.seewide.com/space-article-id-199777.html

五日四夜日本北海道 Sapporo 自駕之旅 * 第三日 ( 札幌市內遊 ) * 2015

18.05.2015

去完羊之丘展望台後 , 開車去札幌最大間既神社 - 北海道神宮 ( 0116110261 ) . 去歐洲就要行教堂 , 去日本就要行神社 !

依到免費泊車兩小時 . 一落車就要搵地圖 . 依個神社都幾大 .

種左好多好高既樹 , 令依到有種神聖不可侵犯既感覺 .


又到入廟前先洗手既時間 ... 剛好撞正不知名旅行團 , 依團人來去如風 .

神社一角 :




好多人買御守 , 頭幾次去日本 , 小地勤都有買 , 但自從去多左 , 就唔再覺得有買既必要 .



又開到滿地都係花 .

行左一圈 , 去返車場旁邊既六花亭坐下 , 食件餅 .


好悠閒同寫意 . 買餅送茶 . 個餅好似 100 Yen .

之後去左二條市場食 Lunch . 



二條市場旁邊就係電視塔 , 即係好近酒店同大通公園 .

唔食生既小地勤 , 睇住男友食得好開心 . 我見到就想嘔 , 活生生點放得落口 ...

好彩我早就買定個包 , 否則小地勤會成為第一個餓死係北海道既人 .

搵左好奈 , 終於有一間有熟野同生野食既地方 . 



男友仍是對海鮮飯百吃不厭 , 小地勤只得一個 Set 可以選擇 ... 再咁食蟹落去 , 我會敏感 ...

食飽就去狸小路行下 , 架車泊返去酒店 , 因為真係好貴 .


發現一隻熊仁 .

又係激安 , 下午仍然人山人海 .

比隻貓頭鷹吸引左 . 

所以就幫親左依個小食 , 唔係太好味 ...


晚上係附近既居酒屋試下 . 今日係男友生日 , 人大一歲 , 終於有諗下結婚 !



食埋個甜品就返酒店訓覺 . 一日就想行完札幌市應該無可能 , 除非唔 Shopping , 否則入左一個商場就好難出得返黎 .