網頁

2015年5月26日 星期二

五日四夜日本北海道 Sapporo 自駕之旅 * 第二日 ( 名水公園 ) * 2015 五月

17.05.2015

其實我唔多覺係旅遊書有見過對 " 名水公園 ( 0136422111 ) " 既介紹  . 咁點解小地勤又會發現依個地方呢 ? 原因係每次做自駕遊既功課時 , 我係唔會睇天書 , 反而係放大個 Google Map , 睇下當地有咩特別地方 , 再上網搵下圖片 , 覺得張圖片吸引 , 小地勤就會去 . 反正係開車 , 唔洗搵路 . 當然咁既做法都會有捉虫既時候 . 今次依個北海道之旅 , 就捉虫左 3 次 , 之後先再講 .


黎到目的地 , 首先要影返張地圖比自己參考 . 小地勤畏高 , 但都好想行一下條吊橋 .

永遠係你好驚既時候 , 仲會有個肥仔出現係吊橋到跳下跳下 , 今次個位肥仔就係的男朋友 , 見我嚇到花容失色 , 佢好似好開心 ! 其實條吊橋唔太高 , 但木與木中間既少少空位 , 見到就腳軟 .

個洗手間做型好得意 , 不過如無必要 , 我都唔會想去共厠 !

北海道好似七月先會見到片山薰衣草 , 好好彩咁見到開左一小片 . 但好似未開咁 !?

行去睇山泉水之前 , 我地行左去市集睇下 , 聽聞依到係可以見到小富士山既真身 , 可惜天氣太差 , 無機會見到佢個全相 ! 

市集好細 , 得幾間小店 , 有一間賣小食及飲品 , 有一間賣手工藝品 :

仲有一間賣農產品 , 我見好多市集都有賣蘆筍 , 應該依加當造 . 

之後向公園進發 :

就係係 Google 睇到依個景 , 我就堅持要黎睇一下 . 可惜今日天陰陰 , 但都覺得依到好靚 !


依個公園位於羊蹄山麓 , 又叫 " 京極町出水公園 " , 是名水百選之一 . 終年累積的雨水與雪水自地面湧出 , 是可直接飲用的山泉水 , 每天湧出 8 萬噸 . 小地勤剛剛病好 , 唔敢試 . 而男友就試飲左 , 佢話咁多當地人黎攞水 , 所以唔怕一試 .


佢既試後感係 , 泉水好清甜 , 我見佢不停咁飲 , 可能堅好飲 . 大家下次都可以黎試下 !

依個公園真係好靚 , 而且無遊人 , 正係見到當地人 , 我地係到散散步 , 吸下新鮮空氣 , 心情大好 ! 


六月之行 , 如果有時間會想再黎多一次 . 另外依到係免費泊車 . 小地勤在網上好少見人黎依到 , 可能因為交通唔太方便 .

大眾運輸 ( 網上找到的資料 )
1.鐵道轉公車:搭乘JR北海道函館線→於俱知安站下車→於站前搭乘往京極町巴士→即可抵達名水公園。 
2.公車:到札幌公車總站→搭乘往京極町的公車(冬季期間限定)→即可抵達名水公園。 

沒有留言:

張貼留言