由酒店行去 ESTA 商場 , 不用 15 分鐘 , 很方便 . ESTA 已經好多野買 , 所以今次行程 5 日 4 夜 , 我一直未能向旁邊既商場進發 , 旁邊仲有 JR 站上蓋既商場 , 地下街以及大丸 . 唯有睇下六月之行有無機會再行一下 .
印象中拉麵共和國係頂層的十樓 , 好似 2200關門 , 但樓下商店就全是 2100 關門 .
總共有八間店比我地選擇 , 而且可以投票邊間先係最好食 .
我地係到行左一圈 ,影下相 , 因為都幾多野睇 .
和室一角:
神社鳥居 :
舊式郵局 :
終於決定食門口好大個 No. 1 個間 , 每碗 1000 Yen 左右 . 我個碗有塊牛油 , 人地話北海道既拉麵係咁架 . 其實我剛胃炎好返少少 , 都有點擔心食完會出事 , 好彩無事 !
其實食完拉麵之後 , 所有樓層都 Close 了 . 小地勤打後幾晚都七點幾開始行 , 行到佢關門為此 . 當中停留得最奈既係一間買女裝既店 Honeys 以及樓下既藥店 .
男友竟然一直流連係比卡超專門店 ... 不過比卡超又真係幾得意 . 當日係男友生日 , 出示證明後 , 買野有 95 折 , 仲會送張比卡超生日卡同比卡超生日帽過你 , 仲有班姐姐圍住佢講 " 生日快樂 " , 哈哈 .
小地勤個人比較鐘意買麵包超人既玩具及衫仔比我家小公主 . 今次就買左部七彩琴仔比佢玩 , 佢應該會好鐘意 .
因為商店太早關門 , 唯有四圍行下便利店 , 掃下零食 , 仲有網上極力推介既清肌精洗臉膏 . 第一晚就試左北海道既牛奶 , 其實平日我好少飲奶 , 只有旅行時先會飲 . 另外兩個布丁都好好味 !
沒有留言:
張貼留言