五月大朝會

13.05.2015

最近同事間都在追武則天 ( 無封胸版 ) , 所以成日娘娘上身 , 用好多武則天既對話 , 好攪笑 ! 同事好 , 與同事夾 , 返工先會開心 . 小地勤是同事間的小小理財顧問 , 經常有人問我稅單點填 , 強積點選擇以及點樣開網上理財户口 . 其實我真係好鍾意同別人分享心得 , 旅遊經驗 , 財富管理以至返工遇到既 Case . 大部份人都會當我係朋友咁吹水 , 但卻有小部分人會覺得你曬命同講是非 . 心裡面有時知道左係會唔開心 , 但因為我把工作及生活 , 朋友跟同事都分得幾清 , 所以對於別人既閒話 , 我都好快忘記 , 唔當一回事 .

講返今個月既大朝會先 . Teamwork 就係咁 , 未返工 , 好多同事已通知我 , 陛下今日心情唔好 , 叫我依位不怕死既娘娘小心 . 你地睇下 , 我地同事真係好到無話說 !

大朝會時 , 所有人都以娘娘身份出席 , 只有一位係才人 . 新入宮既宮女就緊係要守住個門口 , 繼續照顧出面班客 .

每人都要講一下最近發生既事 , 以及自己如何去處理 . 全個朝會以我依位不怕死娘娘以及出名 Service 好既那位娘娘講得最多 . 原因我地跟才人係處事手法上好有分歧 , 其實我同另一位娘娘完全係兩種唔同風格 , 但我地拍住時 , 係會互相學習同影響 , 得出結果亦係一致 . 我好明白唔理你點做 , 總之結果最重要 .

可惜才人不太喜歡小地勤那套 , 亦唔接受另一位娘娘既做法 . 咁究竟佢想點做呢 ? 以我所見 , 大部份同事處事手法跟我很相似 , 因為我比較鐘意講故事比新同事聽 , 所以相似好正常 . 但當大家拍到 Service 娘娘時 , 不但會用我既說話技巧 , 亦會學習 Service 娘娘既真心待客 , 最後 , 我地成 Team 人係公司 Service 最好既侍表 .

才人成個朝會都聽我地兩個發表偉論 , 當中講到某些事件 , 沒開名 , 但就是要佢知道講緊佢 , 目的唔係要玩佢 , 而真係想佢去改一下做法 . 我有私心 , 同事幫到手 , 我返工可以 hea . 同事做得開心 , 做得奈 , 公司人手夠 , 我唔洗開 OT .

我明白才人當時應該好痛苦 , 不停一個一個咁講佢做得唔好 . 以前師傳教我 , 人地話你想你好 , 到人地唔話你時 , 比客教 , 比客鬧仲慘 . 希望佢唔好怪我咁直 , 我係對事唔對人 .

陛下最後問左才人一句 , 你做左一年 , 有無咩事件分享下 . 才人答自己新加入 , 仲學習緊 , 而佢覺得每個同事都值得佢學習 .

陛下答得好精妙 , 做左一年 , 但無遇到特別事件 , 你要多加留意 , 因為你唔覺得個件事係特別 , 亦即係你無 Extra 比個野乘客 , 又可能係同事幫你頂左好多 , 而你覺得應份 . 另一樣野係 , 做左一年 , 但出面既人竟不知道你既存在 , 暫時無聽到有人提起過你 ... 即沒表現 ...

希望才人頂得住 , 無人天生就做得好 , 正如當日我都好直 , 成日諗唔明 , 依加都明白 "假 " 係必要 , " 比足面 " 更不少得 , " Compliment " 沒有更是不可能 ! 黎緊會再有舊人走 , 不過我都唔打算同陛下講 , 因為我唔係小人 , 亦唔想多事 , 我只想要錢同安穩 .