四月的分享會

29.04.2015

某日 , 呀姐問我有無興趣去一個茶會 , 有野食有野飲 , 仲要有 OT 錢 , 咁著數 , 緊係答應啦 !

幾日後收到一封 E-mail 話參加茶會的同事 , 要制作一個 " 何謂 Good Service " 的 PowerPoint , 諗到我頭都大了 . 最後多得同事幫忙 , 我先完成到依個 PowerPoint .

參加者仲要自我介紹以及發表一下自己既偉論 , 其實我都幾怕羞 , 所以講得唔係太好 . 以下係我最想講既說話 :

我個人覺得 Teamwork 係提供 Good Service 當中佔最重要既一環 . 每當我處理投訴時 , 再將個投訴變為 Compliment 都要多得一班同事係我背後既 Support . 如果無左佢地幫我處理其他問題 , 我就唔可以專心一致咁做好件事 , 所以我好多謝我既一班好同事 . ( 完 )

係唔係好嘔心既一段說話呢 ? 不過都係真心既 , 總好過成日講 " 多謝公司比依個機會我 " , 哈哈 ...

我地個老細都有黎參加 , 其實佢真係好有說服力 . 佢亦講中曬小地勤既心聲 .

老闆話唔開心係要呻下 , 絕對無問題 . 男人同女人既觀點真係好唔同 . 有人覺得呻 , 只係用黎發洩情緒 , 發洩完又重新開始  . 小地勤就係依種需要呻既人 , 呻完我先可以繼續返工 , 咁先可以係依行捱到咁奈 .

但唔明白既人 , 就總覺得我有問題 , 負面情緒太多 .

老細話員工做到野 , 公司又點可以唔做野 , 經濟上點都要幫一下 , 同事先會返工開心 . 但依個世界上總有人同我講 , 唔升職就要分數低 . 我唔望升職 , 但我望加人工 . 分數低 , 所以花紅分得少 , 加薪跟大圍 4% .

觀點既不同 , 令小地勤有唔開心 , 覺得唔公平 , 呻一下 , 又會被人話負面情緒太多 . 又要馬兒好 , 又要馬兒不吃草 . 有時我都好想問一下 , Compliment 對我有咩用 ? 我 Compliment 多 , 咁又點 ? 只證明我 Good Service , 但對加薪沒幫助 .

我唔遲到 , 唔請病假 , 做足自己野 , 但對加薪都係沒幫助 .

如果我呀姐同老細既觀點係一樣 , 可能我返工都會開心些 , 起碼唔會覺得永遠都係得我最低分去成就其他人 .

但我都明白 , 呀姐係好人 , 佢好睇班細 , 不停升人 . 不過 , 佢忘記了一個只望加薪不望升職的小地勤 . 怪就怪我自己人工太高 , 一升職就會減人工 . 我繼續可以扮演老 PAT PAT 一角 , 做又 36 , 唔做又 36 .


地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html