急性胃炎

06.05.2015

上星期 , 可能食得太好了 , 一星期內吃了兩次自助餐 , 就出事了 ...

某天早上 , 胃有點痛 , 小地勤如常上班 , 以為自己返去食粒胃藥就無事 . 到左機場 , 越黎越痛 , 同呀姐們交代一聲看完醫生先返工 . 如我所料 , 胃炎了 ... 見今次無嘔 , 小地勤就照去返工 .

點知食完藥 , 個胃一有野 , 就嘔返曬出黎 . 一心以為自己係 Lounge 到做 , 就算嘔都可以衝入洗手間 , 點知世事往往未如人意 , 當我要嘔時 , 洗手間竟然 Full 左 , 唯有衝入休息室 , 嘔係個桶到 . 我一路嘔 , 同事一路食緊早餐 , 佢地見到 , 都被我嚇親 .

之後都無法再堅持下去 , 唯有 Sick Leave 走人 . 返屋企途中 , 又嘔左 3 次 , 好恐怖 !

休息左一日又死返去返工 , 其實每個人都同我講 , 我係無敵 , 就算射幾多次波都無人管到我 , 因為我又唔會升職又唔等份工做 , 連我自己都好清楚自己係老 Pat Pat . 但鬼叫我責任心太重咩 , 講就咁講 , 但自己又做唔出 .

Sick Leave 完第一晚就中獎 , Delay 到零晨兩點幾 , 坦白講個胃好痛好難受 , 唔通唔理個同事就自己走人咩 , 我邊做得出 , 死頂到收工 , 返屋企 , 食藥訓覺昏迷到第二朝 . 今日終於好返少少 , 不過都仲簡中有胃痛以及條腸好唔舒服 .

明天就有兩日假 , 明天就可以返屋企好好休養 . 今次病一病 , 其實最傷心係見到男友為左照顧我 , 唔去返工 . 佢就可以為左我唔返工 , 但我分工咁困身 , 如果到佢病 , 我又邊可以唔返工照顧返佢 ? 

黎緊要休養同閉關做功課 , 之前提過五月會去台灣 , 因為攞左 3 日假 , 好好采地公司比左 6 日假我 , 一心打算去鹿兒島 , 但 Loading 唔太好 , 唯有提早去札幌一轉 . 到六月放大假時 , 都仲希望去多次札幌 , 因為夏天的北海道應該係花花世界 , 好想睇一大片又一大片既花田 .

其實 5 月是開心的 , 因為總供放 14 日假 , 見到放咁多日假 , 又點會有負能量 ?

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 ! 轉眼間我已寫了快 200 篇工作上的文章 @@
http://www.seewide.com/space-1379-u1967.html