小地勤最近都改用 Agoda 訂酒店 , 每次都會選可以免費取消的那種酒店 . 始終我係用員工票 , 會有機會上唔到機 , 如果前兩日見唔對路 , 我多數會取消 .
本來訂左鹿兒島既酒店 , 結果就係得 10 個機位 , 唔想搏 , 因此改到去札幌 . 好好彩地咁遲訂酒店竟然訂到好野 !
今次間酒店係地圖睇好近 JR 札幌站 , 由酒店過 3 條馬路就到大型商場 ESTA , 大約行 10 分鐘就到 , 而且間酒店係 4.5 星 , 所以好大間 , 好易搵到佢 . 旁邊就係大通公園 , 仲見到個地標電視塔 !
依間酒店叫做 Hotel Monterey Edelhof Sapporo , 附近有 Family Mart , 7仔以及 Lawson , 夜晚唔怕無夜食 . 酒店分為兩部份 , 下面個部份係酒店既設施 , 有 SPA , 宴會廳 , 餐廳等等 , 上面個部份先係客房 , 由 16 樓開始先住人 , 所以個景好開揚 .
早上 :
下午 :
黃昏 :
門面都好大 , 有自己既停車場 , 住客任泊一日 1500 Yen , 算平啦 ! 我地之後有睇到札幌市內泊車以 15 至 20 分鐘作一單位收錢 , 每次收 100 至 200 Yen . 因此每晚我地係札幌市都好少開車 , 多數自己行過去 .
間房比平時既日本酒店房大少少 .
不過張床都係鈿床個種 .
浴室用品質素都唔錯 . 我有試用過 .
個浴室仲要幾大 , 起碼唔係搭出黎個種 .
今次小地勤間酒店太近商場 , 結果就出事了 !
每次去日本唔同既地方 , 都會到郵局買張特別版 Postcard 寄比自己 . 今次選了這兩張 . 眼力好的話 , 可以由酒店房望到以下依個建築物 . 可惜六月之行 , 訂唔返依間酒店
沒有留言:
張貼留言