網頁

2015年6月25日 星期四

2015/六月/北海道自駕遊/千歲 Outlet *第六日

14.06.2015

今日坐下午 1615 既航班返香港 , 晨早就開車去余市再掃貨 .

之後就返千歲既 Outlet shopping 去 , 上個月 , 小地勤無諗到 Outlet 會咁平咁抵買 , 所以無留時間過黎一轉 , 今次小地勤一早諗好買咩 . 一落車 , 直衝去買買買 ... 最後兩萬幾 Yen , 卻買了兩大袋 !

依個 Outlet 真係好多野買 , 入去前最好望一下 .

係日本買 Coach , 真係好平 , 好多千幾蚊既手袋款式 .

仲有為小朋友而設既幾個區域 .

上次食個 Food court . 今次就食快靚正拉麵 .

有好幾間 , 就食沒人排隊的 , 因為真係無時間等 .

不過依間都好好味 .

比札幌的平同多配料 , 但價錢就比旭川的貴一點點 .



今次都係買左好多野 , 都你超重 ... 已經早就寄走左一箱貨 , 估唔到都仲超重 , 好彩無罰我錢 .


原來我忘了寫富良野既下篇以及旭川 ... 得閒再補返 .

2015/六月/北海道自駕遊/定溪山*第五日

13.06.2015

如果想近近地咁感受一下北海道既溫泉 , 可以去札幌附近既定溪山 .

小地勤一黎就行左去浸手湯 , 但依到個河童手湯無料到 , 不及洞爺湖那個 " 夠熱 " . 

但依個手湯就設計得好得意 , 要將水倒入隻河童到 , 再由佢個口流返出黎 .

見到好似有人對住依個手湯許願 . 旁邊仲有繪馬 .
 
沿路有好多河童公仔 , 其實覺得佢地好醜樣 , 但個個日本女仔一見到佢地就話 " 卡哇依 " .



小地勤係巴士站見到好多遊人浸住足湯等巴士 , 會唔會太過份 ! 因為第一個足湯太多人 , 所以決定開車到最入那個足湯先浸 .


不過依個地方好多蚊 , 水亦唔太熱 . 浸左陣就決定返札幌 .

附近依條河 , 唔知係唔係溫泉呢 ?

正打算離開時 , 遇上一個溫泉小瀑布 . 有無見到有隻斷腳河童係正中間浸溫泉 , 好識嘆 !

對面係一個溫泉公園 , 依個公園 , 客我地停留左成兩個鐘 !

又係足湯 , 好熱好熱 , 但真係好爽 ! 亦係咁多免費足湯中最正既一個 !


對面有位大司 , 不停有溫泉水倒頭淋 , 仲要出曬煙 .

旁邊依個瀑布都係溫泉水 , 都好熱 , 亦都有隻女河童係到浸緊 , 仲要叫 " 美人 " ...

 旁邊個泉仔有成 70度以上 , 我地見到有人整溫泉蛋 , 因此我地都有樣學樣 , 走左去附近買雞蛋 , 120 Yen 3 隻 , 好抵 !


20 分鐘的效果 .

30 分鐘的效果 ! 個蛋白好似豆花咁 .


大家有時間可以黎依到行下 , 攰就浸下腳 , 餓就整返飯正宗溫泉蛋試下 .

2015/六月/北海道自駕遊/余市及小樽*第五日

13.06.2015

五月時已經仔細玩過一次余市及小樽 , 所以今日早上黎過速遊 .

去余市除左為買快停產的余外 , 仲有要補影返幾張相以及去海鮮工房食午餐 . 可惜當日時間有限 , 而海鮮工房又排長龍 , 所以就放棄了 .

余市的威士忌酒廠真係好值得參觀 . 今次小地勤只係重點咁去左買酒以及旁邊既博物館 .

今日天氣不好 ,一直下大雨 .拍出來的照片當然不及上一次 . 如果大家對余市有興趣 ,可以去睇返我五月既北海道之旅 .

其實香港人係日本人眼中都一樣係蝗虫 , 小地勤跟香港其他旅行團既團友殺入去 , 買買買 ...

上個月黎都仲有好多酒買 , 但今個月就攪成咁 !!!

掃完貨就去博物館行下 , 目的係補影返張合照 .


內裡都幾黑 , 不過就真係幾多野睇 .


可以用鼻去分出 0 , 5 , 15 年酒既分別 .

仲可以用手去感受一下 .


地下仲有張熊仁皮毛 .




余要停產了 , 將來只成為 Display , 拜拜 .


余市跟小樽好近 , 都不用一個鐘就到 . 重遊見的係買音樂盒 !


Little Twin Stars 既音樂盒 , 仲識轉 , 貴得有道理 .


以下兩個音樂相架 , 我諗左成個月都未諗好買邊款 , 最近決定買首飾箱 , 不買就拍張照留念好了 .


買完音樂盒 , 就到旁邊的 UNIQLO 買衫 ... 結果為了退稅 , 又買了萬一 Yen .

唉 ... 對面又係令我買到停不了手既西松屋 ... 咁就花左大半日時間係依到 .