一星期小事

08.05.2015

轉眼間就到六月了 , 兩日後 , 小地勤又大一歲 !

上半年去左好幾次旅行 , 都是用例假加勞工假 , 今次終於用上我的大假 , 前前後後總共放 10 日 , 諗起都爽 ~ 明天 , 小地勤就出發旅行 ! 六日後再見 !

放大假前 , 因為人手不足 , 所以踩左 7 日先放假 , 回想每次旅行前 , 都要先還債 ...

上星期 , 上海又空管了 ! 相信睇開小地勤日誌既你地 , 都唔洗我再去解釋咩叫空管 , 公司 ( 應該話全香港飛上海既公司 ) 選擇取消一半航班 . 有錢邊個唔想賺 , 但問題真係飛唔到 , 咁唯有
取消 .

每條航線都有特定既路 , 大部份向上的航班都會經大陸空域再飛 , 大陸一句空管 , 全世界都要一起等 , 改路線 , 怎麼可能 ? 強行飛去沒有被允許既空域 , 好有可能被軍方射落黎 , 所以鬧地勤 , 鬧空姐 , 鬧航空公司都無用 . 你想死 , 但無人想陪你去送死囉 !

小地勤一心以為自己好彩既時侯 , 卻出事了 . 空管沒有影嚮我既收工時間 , 反而無啦啦有兩隻飛機明明已經開始左登機 , 最後卻中途話停 , 再放返所有客出黎 , 只因壞機 , 那一晚 , 原本可以準時收 12 點收工 , 結果再一次零晨 3 點 , 真係好無奈 !

最最無奈係一日攪左 4 單投訴 , 其中一單好似最麻煩 . 個客人對小地勤既服務高度表揚 , 但對外判既餐廳就好不滿 , 不滿於佢地未夠鐘就收曬所有野 . 本來件事係唔關我地事 , 但唔知點解主管卻覺得我地先係出問題 , 佢既觀點係 , 小地勤應該係乘客一入門口時就要講清楚 .

小地勤既觀點係公司請佢地返黎幫手 , 明明小地勤一早講左仲有 2 個客 , 因為佢地收 1200 點 , 所以就 11 點幾收曬野 , 主管唔怪佢地未收工就收曬野 , 反而覺得我地唔幫佢係客人面前講好話 ... 其實我為依件事好唔開心 , 但我就要扮無野 , 繼續幫佢地搵藉口 . 點講都好 , 個客投訴人地好過投訴我地 , 依個係我既觀念 . 希望件事快點被淡忘 , 主管一心諗住幫人地甩身 , 卻忘了人地甩身後 , 就到我地屎上身 . 唉 ...

另一件事係最近陛下好似想留我咁 , 又再提起開一個新既職位比我 . 如果係真 , 可能可以再做多一排 . 坦白講 , 人工兩萭 , 有免費機票 , 仲要係自己鐘意既行業 , 做奈少少再儲多少少緊好架 . 但好多同事最近都話依到表面無野 , 實際好煩 , 女人多就係咁 . 除左忍 , 同唔好理咁多野 , 我都唔知有咩可以講 .

我將大部份文章都隱藏了 , 有興趣就黎依個地方留言比我 .
http://www.seewide.com/space-article-id-199777.html