網頁

2015年6月18日 星期四

2015/六月/北海道自駕遊/離開函館*第二至三日

10-11.06.2015

第一晚到溫泉酒店時 , 因為太遲先到 , 蝕左餐飯 . 所以離開函館前 , 一定要食到第二晚餐飯 .


對比起其他人介紹既溫泉酒店 , 依間酒店的確唔夠好 . 但小地勤係窮遊之人 , 亦好明白一分錢一分貨既道理 , 所以都唔理人地笑話我 , 照 Post 出黎先 , 哈哈 . 感覺上 , 都唔算太差 , 係唔係 ? 唯一係魚生方面 , 個樣唔太新鮮 . 













大家睇完 , 一定覺得唔太吸引吧 ! 不過個價錢就真係好吸引 . 720 蚊一晚酒店連 2 餐 , 係兩個人加埋 720 蚊 , 而唔係每人 720 蚊呀 , 係唔係好抵試 ?


大太陽時既房外風光 , 遙距見到函館山 . 我覺得的確唔錯 .


依間酒店 , 好多台灣人 , 間中見到幾個香港人 , 大部份都係日本人 . 無見到旅行團 , 可能因為位置唔太好以及唔夠靚掛 ...


早餐就每日都係一樣 , 都係自助 . 款式都差唔多 . 唔想蝕 , 每朝都有食 , 哈哈 ! 小地勤的確係一個又鐘意出去旅行 , 但又好鬼死慳既慳妹 . 對我黎講 , 花錢住溫泉酒店 , 已經叫好豪了 ~


離開函館個日天氣真係超好 .

推介大家試下依間雪糕店 . 我覺得 No.1 真係超好味 , 之後試埋 No.2 , 都好味 , 但個人喜歡 No.1 . 正係得函館見到 , 返到札幌已經唔見了 .



沒有留言:

張貼留言