我是惡姐姐 ?

04.06.2015

最近 , 發生左一件事 , 令小地勤跟台灣 leader 都好內疚 .

平日我地習慣 Check 完及 Reply 完既 E-mail 係入左 Data 及 Save 低左後 , 就會加剔或旗仔代表已經完成 . 加個標誌係睇左既 E-mail 旁邊 , 提醒自己 Check 到依到 , 好正常吧 ?

點知原來有同事既剔號或旗仔左既 E-mail 反而係代表未睇 . 剛好被台灣 leader 發現 . 同事回答 , 之前見到有人將未睇既都係剔左 , 以提醒自己未睇 .

因此台灣 leader 就一個一個同事咁問 , 問到我時 , 我既答案跟其他同事一樣 , 都係睇左先剔 .

其實好小事 , 所以台灣 leader 就同返果位同事講聲 , 原來得你既手勢跟大家唔同 . 

事後 , 台灣 leader 又再跟小地勤講 " 已經叫佢改返 , 無特別 " . 因為當時我地兩個係休息室講 , 而剛好那位被講既同事又入左黎 , 之後又好快咁走返出去 .

我地兩個都知道佢個樣生得好強 , 實際有顆容易受傷的心 . 加上小地勤記得陛下既名言 " 背後講人係是非 , 當面講就只係想做好件事 " , 因此就叫返個同事入休息室 , 再一次同佢講返 , 我地兩個唔係講佢壊話 , 只係想大家做野手勢一樣 , 減少出錯 .

結果同事喊左出黎 ... ... 係佢心中 , 我地兩個一直都係衰人 , 簡單一句 " 忠言逆耳 " ...

其實事後 , 我地兩位 leader 都好內疚 , 唔明點解只係好小事 , 只係想佢睇完封 E-mail 先加個剔 . 我地仲要唔係鬧 , 只係好似平日閒聊咁講 , 咁都喊 ? 

台灣 leader 用台灣腔講 " 我地都係惡姐姐 " ...

其實我地兩個都知依位同事同人講 " 唔鐘意 " 我地 , 因為成日話佢做錯 . 本來我地都想閃開佢 , 但又怕佢 Check 少左 E-mail , 害左幾他同事 . 結果一講 , 佢就喊 , 我地又內疚 , 再一次選擇避開佢 . 不停咁惡性循環 ... 其實都成 30 歲人啦 , 咁小事都喊 , 我都唔知點去面對佢 .

左諗右諗 , 同掃把講 , 掃把又好難做 , 唯有同陛下講 . 小地勤起初以為陛下會覺得我地講是非 , 但原來陛下都幾開明 , 佢今次話會 " 攪掂佢 " 希望陛下真係可以做到 . 因為依位同事都幾固執同諗唔開 , 其實打份工 , 又唔洗成日喊既 ... 呻完咪算 , 又係一條好漢 .

諗諗下 , 我地兩個都真係幾大方 , 被人明講 " 唔鐘意 " 後 , 都仲想教好佢 . 其實一番好意被人誤解 , 要喊既應該係我 ...

我將大部份文章都隱藏了 , 有興趣就黎依個地方留言比我 .
http://www.seewide.com/space-article-id-199777.html