札幌既商店感覺比沖繩仲要早關門 , 所以每晚都無咩野好做 , 只可以行下便利店 , 小地勤每晚都堅持要食完甜品先訓覺 , 平日既我 , 其實食好少野 , 所以先生得咁細粒 ...
我好鐘意酸酸甜甜既味道 , 之前見好多台灣網站都推介食依個品牌既雪糕 , 所以我就買黎試下 , 約 140 Yen , 的確係我鐘意既味道 !
本來想搵間湯咖哩試下 , 但唔知要將架車泊邊到好 , 又唔確定附近有無得食 , 所以黎左摩天倫到 , 結果當然搵唔到必食既湯咖哩 .
晚上 , 要搵食真係好難 , 所以我地決定去簿野個邊睇下 . 由酒店行去簿野 , 唔太奈 , 半個鐘左右 . 路過大通公園同電視塔 .
近看電視塔 , 發現個個塔都差唔多 , 不過夜景的確比較靚 . 我用電話都影得幾靚 , 其實小地勤每次出遊都正係用電話影相 .
終於黎到另一地標 , 依到係札幌紅燈區 , 依邊的確好熱鬧 .
食左咁多日蟹同拉麵 , 小地勤真係好想食餐飽飯 , 好少可自己一個食得曬成碟豬排飯 . 今晚係依次行程既最後一晚 , 所以我地行左好奈先返酒店 . 明天就要返香港了 !
沒有留言:
張貼留言