今日要由函館返札幌 , 再一次的 300 公里 , 食埋酒店既最後一個早餐 , 我地重點咁去左 " 森 " 到買野 , 之後再去埋 " 朝市 " 食多次平價海鮮 , 係離開函館範圍前 , 食多次雪糕 , 完成曬小地勤想做既事後 , 終於要跟函館說再見 !
返札幌的漫漫長路 , 小地勤選擇到洞爺湖行下休息下 .
洞爺湖係日本第三大火山口湖 , 網上得知 , 想到此一遊只因其湖光山色 .
五月時的羊蹄山因天氣不好 , 看不到全相 . 今次的羊蹄山雖然天氣好好 , 卻被白雲遮住了 !
泊車的地方已經好靚 . 又花又草地又山又湖 , 好值得落車去散散步 .
遇上免費的手湯 , 點可以唔試下 , 比想像中熱 , 浸完之後 , 對手好爽 , 鬆曬 .
玩完手湯就四圍行下 ,影下相 . 依到風景真係好靚 .
我覺得依張相好有明信片 Feel , 電話影既都咁靚 , 原因天氣好 , 風景亦堅靚 , 所以點影都係靚 !
依張相唔知係邊到見過 , 好有印象 . 係到可以坐觀光船遊湖 , 好似有 4 條路線 . 人越多就越平 .
見到有少少紫色既花就正係諗到薰衣草 .
開車開咁奈 , 黎到食到 , 見到仲有免費足湯 , 當然要試下 .
有隻龍仔陪我地 .
依個足湯比上個月既羊之丘足湯似溫泉水多些 , 比較熱 . 但對比剛剛既手湯 , 依個足湯又麻麻地 . 雖然水唔夠熱 , 但風光搭救 , 望住個湖浸腳 , 真係好正 ! 結果我地浸左成半個鐘先再起行 .
沒有留言:
張貼留言