這就是由房間望出去既景色 , 望到海 , 可以叫得上半海景房 .
已經錯過了一個晚餐 , 打後的 , 不想再錯過 . 自助早餐 , 比較日式 , 算不錯 !
依間酒店 , 睇得出以前應該係好高級 , 現在都唔算差 , 不過唔及其他人介紹的好 , 佢係平價之選 , 小地勤係窮遊既朋友 .
靠海當然食海鮮 . 今日既天氣真係麻麻地 , 唔落大雨已經好好 .
好快就開車黎到朝市 , 朝市係要早黎先有野睇 , 有野食 . 1200 打後 , 人影都唔多個 .
北海道食蟹 , 魷魚 , 海膽 ... 反而魚生唔及沖繩新鮮 .
哈密瓜好平 , 我地搬左兩個夕張哈密瓜返香港 . 香港咁貴係有道理 , 真係好多汁同好甜 ! 而函館朝市個個自動減價 , 不用 5 千有兩個 . 如果唔買夕張 , 買普通的 , 有見到不用 2 千一個 .
住依間東橫 Inn 一家好方便 . 朝市就係下面 , 對面有條咩丸號 ( 船 ) 比人參觀 , 旁邊就係 JR 站 , 大家可以考慮下 .
係朝市先逛一圈 , 其實都買左幾多野 , 比我想像中多 , 亦比我想像中平 . 係到見到超大粒乾瑤柱 ( LL Size ) , 我隻手指公只係佢既四份一咁大 .
今日係小地勤生日 , 男友話請我食餐好既 , 結果當然係佢自己食得仲開心.
生豪 , 海膽是男友至愛 . 生豪 800 Yen 3 隻 , 海膽 900 Yen 2 隻 . 我有試好少少 , 都係接受唔到 !
1000 Yen 1 隻 , 好大粒 , 割開左 4 份 1 咁食 , 每份等於平時 1 粒咁大 ! 我知比香港平好多 , 但仍覺得佢好貴 , 對比隻蟹黎講 , 佢唔抵 .
我隻生日蟹 , 食完依餐 , 全個行程都唔想再食蟹 , 真係啖啖肉 , 食到我好飽 .
依隻蟹放門口 , 標 4000 Yen , 蟹係當地太平 , 人地都費時同你一斤一斤咁計 .
其實食完隻蟹就走人 , 開始下一個行程 , 不過為左令篇文章統一 , 所以我寫埋第三日離開函館前係朝市最後衝刺 .
男友去左釣魷魚 , 即釣即食 . 新鮮到食佢既時候 , 佢仲有反應 ... 見到對面個日本女仔 , 一路食一路尖叫 ... 日本人唔係食生咩 ? 佢既反應會唔會假左少少 ? 妹妹年頭去時 , 釣一次先 580 Yen , 轉眼間就加左 100 Yen . 不過幫親完佢 , 佢又比左張 100 Yen Coupon 我地去買野 , 所以買左包魷魚絲 .
又再食海膽 , 都係 400 至 500 Yen 一隻 . 小地勤又被迫試少少 , 依個海膽食得出係好野 , 入口即化 , 可惜我都係唔鐘意佢 .
係朝市食野要小心佢地 , 佢地會偷食架 , 完全唔怕人 .
朝市真係好早關門 , 1200 點就開始關門 , 係到買左魷魚飯 , 帶子粒粒 , 魷魚絲同兩個哈密瓜 , 好抵買 , 比札幌平好多 .
朝市 ( +81-138-26-8803 ) , 對面亦有好多人上船參觀 , 好似叫摩丸號 , 唔太確定 , 因為我興趣不大 . 佢地中間有停車場 , 首半個鐘免費 , 之後每半個鐘 100 Yen , 抵過係札幌 .
沒有留言:
張貼留言