網頁

2015年6月15日 星期一

2015/六月/北海道自駕遊/金森紅磚倉庫*第二日

10.06.2015

金森紅磚倉庫跟函館朝市好近 . 其實可以行過去 , 估計要 15 分鐘路程 . 開車雖然方便 , 但搵停車場就好麻煩 , 好彩函館泊車都算平 .

今日其實天陰 , 依批相都係第三日臨走前補拍架 .


對面就係函館山 , 聽聞夜景係全日本最靚 . 但小地勤堅信 , 香港既夜景先係全世界最燦爛 , 所以無打算上山睇 , 假如重遊就例外 .

金森紅磚倉庫係一個專比遊客 Shopping 既地方 , 大部份店都係免稅 . 小地勤見到一團又一團既大媽殺入黎買野 . 不過 , 小地勤自己都係日本人眼中既蝗虫吧 !



要買野 , 排隊排好奈 , 因為我唔夠大媽們快 , 所以唯有等到第三日先去買返 . 今日反而四圍行下同睇下有咩買 .




小地勤有寄明信片既習慣 , 發現依到有一個聖誕郵筒 , 等到差唔多聖誕節先會寄出去 .

金森紅磚倉庫係海邊旁 , 陽光好既時候 , 真係好靚 . 係海邊吹吹風 , 好寫意 .




金森紅磚倉庫附近影下相 , 行下都幾好 .



附近仲有間教堂 , 聽聞幾靚 , 如果大家有興趣 , 不妨去行下 .


四圍行左一圈 , 返去金森紅磚倉庫食返件 Cake. 因為泊車係金森紅磚倉庫既車場 , 只要消費夠 1000 Yen 就可以免費兩小時 .



臨走前 , 再影返張相 . 如果為觀光同影相 , 絕對值得黎一轉 , 風景幾靚 .

沒有留言:

張貼留言