網頁

2015年6月19日 星期五

2015/六月/北海道自駕遊/登別*第三日

11.06.2015

傍晚前 , 黎到登別 . 登別 ( +81-143-84-3311 ) 係一個溫泉鎮 . 好多溫泉酒店係依個地區 . 連個神社名都似同溫泉有關 . 

接近登別時 , 看到山上有好多白煙 , 好似話比我知 " 我堅係溫泉 " 咁 , 哈哈 . 先黎到泉源公園行下 .

好多白煙 , 仲好大陣嗅味 .

不停有水噴出黎 , 仲要好大聲 , 好似行雷咁 , 我個心跳得好快 , 亦好驚 , 火山爆發可能都係咁既聲 .

坑渠都一直噴出白煙同發出嗅味 .

之後就行去大街睇下 , 條街好似好旺咁 , 見到好多旅遊巴 . 依到既溫泉酒店都好大間 , 好現代化 , 不過應該都好貴 .



小地勤最鐘意睇景點 , 今次目的地係 " 地獄谷 " .


係到有好多地方噴煙 , 亦好荒蕪 , 都好大陣嗅味 . 仔細咁睇 , 流出既水係有唔同顏色 , 有時係奶白色 , 粉藍色 ... 唔同種類既溫泉 ?



沿住條路行到盡頭 .


盡頭亦係一個間歇泉 , 好大煙 , 亦發出好大聲 .


一行近佢就好熱 , 亦好驚佢會突然噴出黎 .


過左陣間 , 突然無曬反應咁 , 大自然真係好神奇 !

好快咁行完一轉 , 又出返去睇下地圖 , 睇下附近仲有咩睇 . 其實我好想去埋個天然足湯到 , 可惜時間唔夠 , 唯有睇下將來有無機會再黎 .

附近其實真係好多野睇 , 時間關係我地只行左去大湯沼 .

其實係可以開車過去 , 但我地以為好近 , 所以選擇行過去 .

起初條路的確幾好行 , 但之後就另一回事 , 仲要天開始黑 , 四圍又無人 , 其實我好想放棄 , 但男友又堅持要去 , 咁小地勤唯有同佢一起跑山路 . 行左廿分鐘後 , 終終見到大湯沼了 .


感覺行左成 30 分鐘先到依到 , 後來發現係可以開車過黎 , 早知唔洗自己行得咁辛苦 ! 堅行山路架 !


不過依到好有仙境既感覺 , 同剛剛既地獄谷感覺好唔同 .


由依到再行多 15 分鐘左右會有個天然足湯 , 或者 , 下次可以再黎過 !

沒有留言:

張貼留言