網頁

2016年8月24日 星期三

四日快閃日本九州 * 宮崎 ( 自駕遊 - 第四日 - 回香港 ) AUG*2016

13.08.2016

尋晚返到宮崎的行程係搵間激安買野, 成個行程都無行過手信店 , 咩都買唔到 . 之後就一直係房內執行李 , 難得間房好大間 .

和風式既酒店房 , 包早餐 . 起初就咁睇外型同價錢 , 以為係溫泉酒店 , 點知黎到先知唔係 . 下次訂酒店要睇埋人地個評價 . 門面睇間酒店好乾淨 , 點知推開櫃門 , 走出 3 隻巨型小強 , 真係嚇死左 !


個浴室好奇怪 , 好似係間房出面加建出黎咁 . 不過連浴室都咁日式既房間都係第一次住 . 當感受一下 .

依間酒店房間好少 , 早上 0730 食早餐 . 好傳統日式家庭既早餐 , 成個餐廳得 3 張台既人 , 包括我地 , 只有 7 個人 ... ...



本來諗住 Check out 後去大吊橋或平和台公園 , 最後決定放棄行程 , 改去行超市買水果 .


一箱 16 個特秀 , 賣 3 千 5 百幾 Yen , 有 16 個 . 朋友話係香港買要 1780 蚊得 13 個 . 原來桃咁貴 . 可惜我帶到返黎 , 撞瘀曬佢地 .

宮崎機場唔大 , 過左第一個保安檢查後 , 以為就到左閘口 , 點知 ... 個閘口封左 , 原來國際航班要再過多個保安檢查 .

封左既閘口旁邊 , 再過一次 X-RAY , 先有關員 , 而且只有一個閘口寫住 " 國際航班 ". 真係好細既機場 . 免稅店得一間 , 賣的竟然係北海道常見既手信 , 但就改左名叫宮崎 ...


四日快閃日本九州 * 鹿兒島 ( 自駕遊 - 第三日 ( 第二站 ) - 番所鼻自然公園及流水麵 ) AUG*2016

12.08.2016

番所鼻自然公園跟釜蓋神社很近 .

網上介紹話依個公園好靚 . 假如鹿兒島唔係咁少景點的話 , 相信小地勤唔會專登走黎行公園 .

公園賣點係可以敲響 "幸福之鐘 " .

另一個景點係大自然製造出黎既天然泳池 . 好多人係到游水 .

一有大浪 , 水會湧入個池內 .


旁邊有個海馬養殖場 , 有點似荒廢了 .

有很細支的魔鬼魚 .

真有很多海馬仔 .
 
依個景點就只有咁多野睇 . 來依到的都是本地人 ... 最後一站係食流水麵 . 有幾個門口入 , 裡面有 2 間店 .


價錢便宜 , 所以好多人專登開車過來食 , 車場很大都泊滿車 .

好似入左深山咁 , 又青蛙又蟬 , 環境唔錯 .




有超乾淨既水 , 先可以做到咁好味既麵 .

我地選了一間私營的餐廳 , 既然黎到 , 就食間感覺高級一點既店 . 另一間係政府經營 , 人亦比較多 .


好多魚呀 !!! 好迫咁 ~

聽住流水聲食流水麵 , 感覺好解暑 . 水真的很清涼 !



間餐廳叫做長壽庵 .

兩個 Set 餐 3000 Yen , 條魚燒得好香 , 好好味 ! 小地勤係唔鐘意食魚都讚好 !! 就算成條魚生船咁上既 Set , 印象中都只係 3 千幾 Yen , 難怪咁多人專登開車來吃麵 !!



食完麵後 , 5 點鐘就開車返宮崎 , 為左省 4400 Yen , 開左接近 4 個鐘先到宮崎 , 如果上 IC 唯一好處係無咁塞車 . 假如唔塞車 , 應該 2 個鐘左右就返到去宮崎 .

四日快閃日本九州 * 鹿兒島 ( 自駕遊 - 第三日 ( 第一站 ) - 釜蓋神社 ) AUG*2016

12.08.2016

原定早上會去城山展望台 , 但尋日真係行左太多樓梯 , 今日真係無力再行 , 好想輕輕鬆鬆咁過 , 所以取消了依個所有人都話應該要去既景點 .

由廘兒島市開車去釜蓋神社 , 約個半小時 , 不幸地遇上大塞車 , 再加上中途停站休息 , 結果早上九點幾出門 , 卻接近三點才到神社 . 塞車塞左好奈 , 所以搵個中途站休息下 , 避一避繁忙時段 .

有市場 , 每次到日本都好鐘意行下小市場 , 尋下寶 .




白熊冰真係無試過 , 或者下次可以試下 .

在餐廳食返個遲來的早餐 , 當時已經十一點 , 開左兩個鐘頭 , 距離目的地仲有一大段路 ! 熱辣辣 , 又不好生 , 涼麵下午又會再吃 , 唯有再來一碗拉麵 ... 都係個句 , 冬天食拉麵真係好正 , 好溫暖 , 但夏天就真係好那熱 ! 食到一半 , 熱到無曬胃口 .


食飽又再上路 , 天氣真係好好 , 熱到每一刻都想食雪糕 . 在 7 仔買雪糕的贈品 , Sailor Moon 真係好靚 . 美少女戰士陪伴我成長 , 由小學播到中學先播完 . 每一集都有睇 . 兒時回憶 .

入左山路 , 九曲十三彎 , 來到一大片茶園 .


依個神社位處偏僻 , 對比之前兩個神社 , 依段路真係行得好輕鬆 .

個鳥居好細 , 好佩服台灣人對日本咁熱愛 , 香港既旅遊書根本無介紹過依個神社 , 台灣人真係好厲害 , 對日本既熟悉程度跟當地人差唔多 . 一個咁細咁偏僻既神社 , 幾乎每個去鹿兒島既台灣人都有在其遊記內介紹 .

行左十幾分鐘就來到依個釜蓋神社 , 全部建築群一眼睇曬 .


依個神社出名在其獨特既祈福儀式 . 就係好似小地勤咁 , 頂住個飯蓋行 .

由依鳥居 , 行到去另一個鳥居 , 頂到成段路 , 願望可成真 !

頂個 2 人用玩下 , 都幾攪笑 !

亦可以買微型飯蓋飛過去個飯桶到 , 飛中當然又係願望成真啦 ! 日本既神社真係多攪作 .

九州既神社係唔係都好興繪馬隧道呢 ? 之前係日本好似唔多有見過 .


旁邊有條小路 , 通去神社後面 .

行左 5 分鐘就來到一個小小展望台 , 可以望到大海及開聞岳 .



下一站番所鼻自然公園 .